🟢 بدا تنعس فوقت محدد: شوف شي وقت محدد و بداا تنعس فيه كل نهاار. يلا كنتي مرة تتنعس مع 12، مرة مع ل 1، مرة حتى ل 4 و مرة مع 11، دمااغك غاادي يتخربق. خااصك تختاار وقت وااحد لي تبقى تكا فيه، و واخاا تحط رااسك على المخدة و مايديكش النعااس نيشاان، ماعليش. المهم هو انك تختاار وقت محدد لي تبقى تنعس فيه.

و حااجة أخرى، يلا كنتي مولف تتنعس مع الفجر و شويا قلتي مع رااسك، الوقت المحدد لي غاادي نبقى نعس فيه هو ل11، رااه مااشي لوجيك. فرق كبير بين الفجر و ل11 دالليل دمااغك ماغاديش يتيق بلي تقدر تنعس بكري لديك الدرجة. بداا فاللول ب ربع ساعة قبل الفجر، من بعد نص سااعة قبل الفجر، من بعد سااعة، من بعد ساعة و نص، من بعد ساعتااين، و بقاا هكاا حتى توصل للوقت لي تبغي تنعس فيه.

⚪ علااش؟: دماغناا تيبغي و تيرتااح فالنظاام. هكاا دمااغك تيولي رااسو عاارف فااش تجي 12 مثلا، هذااك وقت النعااس و تيديك النعااس بسهولة هكااك.

🟢 دير شي روتين قبل ماتنعس: ختاار شي حااجة لي اتبقى دير قبل ماتنعس ديماا بحال انك تقرا شي كتااب، تقرا القرٱن، دير شويا ديال الرياضة، تنفس مزياان، تحك سناانك، تقااد بلااصتك بشي طريقة معينة، و بعد على لمااكلة بزااف قبل ماتنعس مباشرة، مامزياانااش. 🐸

⚪ علااش؟: تاا هادي متعلقة بالنظاام لي قلناا. هكا دمااغك تيولي تيشوفك تادير داك الروتين دياالك، تيعرف بلي هذا وقت النعااس و تيعااونك تنعس بسرعة.

🟢 حيد تيليفون قبل ماتنعس: عاارف بلي صعيبة و لكن خااصك تبعد على طيلي قبل ماتنعس بشي نص سااعة على الأقل لاحقااش داك الضوء ديالو تيخربق ليك نعااسك و عااد تقدر تقرا شي خبر سلبي لي يخلييك تبقى فاايق. و ماتخليش طيلي حدااك، حطو فشي بلااصة بعيدة باش حتى يلا فكرتي فيه تعگز تنوض تهزواا.

⚪ علااش؟: الأشعة ديال تيليفون تتخربق واحد الهرمون ديال النوم سميتو 'الميلاتونين' و دمااغك تيصحابو راه بااقي النهاار و ماتيجيكش النعااس.

🟢 كتب الأفكاار دياالك فشي ورقة: فااش غاادي تجي تنعس، دمااغك عااد غاادي يتفكر بلي خااصك تسيفط شي ميسااج لشي واحد، بلي خااصك تقرا، ولا بلي خااصك تشري شي لعيبة. خلي حدااك شي ورقة و اي حااجة جاات فبالك كتبهاا، و قول لعقلك بلي غداا غاادي تكلف بيهاا، و بصح تكلف بديك الحااجة، ماتخليهااش تا الليل عوتااني.

⚪ علااش؟: فوسط النهاار تنكونوا مشغولين و حاجة طبيعية ان حنا نسااو شحاال من حااجة. و فااش تنكونوا مرتااحين و ماتنديرو والو عااد الأفكاار تتلقى الفرصة فين تجي. تتوقع شي مراات حتى فاش تتكون تادوش.

المهم يلا حناا جاونا الأفكاار بالليل و بغينا نساوهوم، ايدابزوا معاناا و ماغاديش يخليوناا نعسوا، و لكن يلا فقط كتبناهوم و عطيناا لراسناا وعد بلي غاادي نبقااو عاقليين عليهوم و انديروهوم، دمااغنا غاادي يرتااح و غاادي نقدوا نعسواا.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"