تحميل كتاب "عقلك، صديقك المقرب الجديد" 

فااش تتكون تتعاني من الإكتئااب، أمور بسيطة و ضرورية تتجيك تقيلة بزااف. أمور بحاال أنك تدوش، تحك سناانك، تحسن و تغسل شعرك، تقااد فرااشك، و گااع هاد الأمور الضرورية تتولي تقييلة بزااف. و حتى أمور أخرى بحاال انك تلعب، تفرج فأفلام، أنيم، سيرياات، تيمشي الشغف ديالهوم.

من نااحية ماتيبقااش عدناا الجهد بااش نديروهاا، تتولي مرخي و غي نااعس فبلااصتك، و من نااحية أخرى تتولي تتحتقر رااسك و تتنقص من قيمتك. تتشوف رااسك بدون قيمة و ماتستااهلش أنك تكون نقي و مقااد حاالتك. و ماتستااهلش حتى انك تدير شي حااجة بااش تفوج شوييا و تضحك.

بالنسبة للناس لي عمرهوم تصاابوا بالإكتئااب، هادشي تيجيهوم غريب، و لكن لي مجرب عاارف علايااش تنهضر. و فهااد الجزء غاادي نهضروا على كيفااش ترجع تعتني برااسك لا من نااحية المظهر، ولا من نااحية الأمور لي كاانت تتجيب ليك السعاادة.

2️⃣ كيفااش تعتني برااسك

🟢 تخلص من أفكاارك و معتقدااتك السلبية: غاادي تكون عندك شي فكرة فدمااغك لي تتخليك ماتهتمش برااسك. مثلا، يلا نتاا تصاابيتي بالإكتئااب لاحقااش فشلتي فقراايتك و ماخداامش ولا كنتي خداام و جرااو عليك من الخدمة، تقدر الفكرة لي تكون عندك (خصوصاا يلا كنتي رااجل) هي أناا فااشل و ماناافع لواالو. هااد الفكرة غاادي تخليك تعگز انك تقااد حاالتك و تشوف رااسك أنك ماتتستااهلش تكون نقي، لاابس مزياان، ولا تدير شي حااجة لي تخليك سعيد لاحقااش نتاا 'فااشل' عند رااسك.

و تا نتاا ايكون عندك فكرة بحاال هكاا. سول رااسك شنو هي الفكرة لي تتخليك ماتعتنيش بنفسك و ماتديرش الأمور لي تتخليك سعيد. شي مراات تتلقاها دغياا و شي مراات تتكون صعيبة انك تلقاهاا. يلا ماكنتيش عاارف الفكرة، شد ورقة و ستيلو و كتب جملة 'أنا ماتنهتمش برااسي' و موراهاا كتب 'لاحقااش' و دير شي سهم --> و كتب السبب لااش ماتتهتمش برااسك. هناياا عقلك يقدر يعطيك شي مبرر تاافه بحاال غي تنعگز و صاافي. ماتيقش بدااك المبرر الأول؛ هذااك دمااغك تيحااول ينكر الحقيقة.

دير سهم اخوور --> و كتب عوتااني 'لاحقااش' و غاادي تلقى مبرر ٱخوور. تقدر تلقى شي سبب تاافه عوتااني و تقدر تلقى السبب الحقيقي. السبب الحقيقي غالباا غاادي يكون أنك نتاا ماتتستحقش الإهتماام بسبااب أخطااء المااضي لي قمتي بيهاا. تبع هااد الطريقة حتى تلقى السبب الحقيقي، و فااش اتلقااه غاادي تحس بيهاا.

فااش تلقى السبب الحقيقي لي هو فكرة سلبية كيماا شفناا من قبل، غاادي يخصك تخلص منهاا بنفس الخطوات لي شفناا قبل. أولا، سول رااسك واش هاد الفكرة بصح ولا هي مباالغة فقط ولا هي رأي لي خديتيه فوقت لي كنتي حزيين. و فكر فگااع الأدلة لي تتبين أن هااد الفكرة غاالطة.

ثانياا، (كيماا درنا فٱخر جزء) كتب بااش هاد الفكرة السلبية تتخليك تحس (الحزن، الإكتئااب، الشعور بالنقص) و كيفااش غاادي تحس منين تخلص منهاا (السعاادة، الثقة بالنفس، الرااحة النفسية). و خود وقت كاافي فهااد الخطوة. هااد المسألة اتخليك تحس بأن ديك الفكرة مامزياانااش لنفسيتك و بلي خااصك تحيدهاا دغياا.

ثالثاا، من بعد كيماا قلنا من قبل، ماكافيش أنك تخلص من فكرة سلبية و صاافي. خااصك تبدلهاا بفكرة إيجاابية لي تكون مصدقهاا. ديك القضية ديال 'نتاا ماتستحقش الإهتماام' غي عقلك تيكدب عليك و صاافي. بااش تلقى الفكرة الإيجاابية، سول رااسك شنو هي الحقيقة. و الحقيقة اتكون هي فكرة إيجاابية لي غاادي تيقهاا بحاال 'أنك إنساان مزياان بغض النظر على أخطااء المااضي و خااصك تعتني بنفسك'.

رابعاا، الفكرة بااش تلصق خااصها دليل قوي. فكر نتاا فگااع الأدلة لي يجيوك فباالك لااش هاد الفكرة الجديدة هي لي كااينة و ماكااين ما حسن. و بقاا تعاودها كيماا قلنا و خليها حدااك كل نهاار: فالصبااح، بالليل، ديرها فطيلي، بيسي، كتبهاا فيديك، فورقة. المهم هو هااد الفكرة تولي على طرف لساانك و فدمااغك.

و شحاال ماعاودتي هاد الفكرة و ولاات جزء منك، شحاال ماغاادي تولي مرتااح كتر انك تنوض تحك سناانك، تغسل وجهك، تدوش، تقااد فرااشك، تلبس مزياان، دير أمور لي تتفرحك و تهلاا فرااسك بأي شكل من الأشكاال.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"