شنو هو إضطراب القلق؟ - الجزء الأول
.png)
تحميل كتاب "عقلك، صديقك المقرب الجديد"
تخاايل انه عندك شي ضيف فدمااغك، شي حد لي ماتيسكتش، و تيبقى النهاار كاامل تيفكرك فالأخطااء ديالك، أمور لي درتي و ندمتي عليهاا، شنو كاان خااصك تدير، و تيفكرك فالخوف دياالك، و ديماا تيرسم ليك أسوء حااجة ممكن توقع. هذاا هو إضطرااب القلق، هو فااش المخيلة دياالنا تتمشي بعيد و تخلق سيناريوهاات لي عمرهاا توقع، و عقلك تيحااول يقنعك بيهاا و يوجدك بااش تعاامل معاهاا.
تتحس بيه شي مراات حتى فالجسم دياالك؛ يلا عندك شي إمتحاان جااي و مستريسي، تاضرك كرشك، قلبك تيبداا يضرب بالجهد فااش تتفكر الحااجة لي خاايف منهاا، يديك تيعرااقوا، و النعااس تيمشي ليك بالليل فااش عقلك تيبقى يفكرك فگااع الأمور لخاايبة لي ممكن توقع. و هاادشي تيولي وااحد الحلقة مفرغة لي نتاا وااحل فيهاا و ماعندك كيدير تخرج منهاا.
و فهااد الفصل غاادي نهضروا على هاد المشكل و غاادي نوضحوا الأعرااض ديالو، الأسبااب ديالو، و الدرجات المختلفة ديالو من القلق الخفيف إلى المتوسط و الحاد، و بطبيعة الحاال غاادي نوضحواا كيفااش نتخلصوا منو بإستخداام العلاج السلوكي المعرفي بااش تسترجع حيااتك.
2️⃣ درجاات القلق
بحاال الإكتئااب، القلق ماشي شي حااجة لي إماا تتعاني منهاا ولا ماتتعاانيش، ولا ديماا تتوصل الإنساان للجنون بحاال لي تيبينوا فالأفلام. مثلا، كولشي ايكون عاارف فيلم باتمان و شخصية 'جوكر'. هااديك شخصية لي تتعاني من إضطرااب القلق بأنوااعوا، و تيبينوا أن هاد المشكل جاا غي هكااك و بلي هو شخصية حمقة لي مايمكنش توقعهاا.
الوااقع حااجة خراا، فالوااقع كااين أسبااب مختلفة و كااين درجاات ديال القلق لي هوما: قلق خفيف، متوسط، و قلق حااد. و غاادي نلقااو فهاد الفصل تقنياات لي اتعااونك بغض النظر على الدرجة لي تتعااني نتاا منهاا.
⚪ قلق خفيف: هذاا هو وااحد القلق لي بسيط و واخاا تيخليك مامرتااحش وااحد الشويا فحيااتك، تتبقاا مديرونجي فدمااغك، و لكن ماتيأثرش على حيااتك بشكل كبيير. و شي مراات هاد القلق الخفيف تيكون مزياان لاحقااش تيدفعك بااش تنوض تخدم و تقراا و توجد لأي حااجة عندك.
مثلاا: تقدر تكون تتقراا فالليسي ولا لافااك و عندك شي عرض خااصك تقدموا. غاادي تكون مستريسي شوييا و قلبك تيضرب، و يديك تيعرااقوا. و اتبقى تقول مع رااسك "عندااك نسى" ولا "عندااك نتلف و يضحكوا علييا". و لكن واخاا هاد الأفكاار عندك، غاادي تمشي للقسم و تقدم العرض دياالك و داك القلق غاادي يمشي. هذاا هو القلق الخفيف، كنتي مامرتااحش شوييا و لكن واخاا هكااك قديتي تدير الهدف ديالك و دغياا مشاا داك الشعور.
⚪ قلق متوسط: هذاا مجهد شوييا و تيسبب ليك مشااكل فحيااتك اليومية. تتولي صعيبة عليك أنك تركز، تتولي تتبعد على الوضعياات لي تتسبب ليك القلق، و واخاا نتاا رااك تتكون قاادر تعيش حيااتك و تمشي للقرااية، الخدمة، و لكن هاادشي تيجيك صعيب، و تتعاني حتى من أعرااض جسدية بحال رااسك تيبقى يضرك بزااف و تتحس بالإرهااق.
مثلا: نرجعوا للمثال ديال القلق الخفيف. ايكون عندك شي عرض خاصك تقدموا ولا إمتحاان فاللخر ديال العام. يلا كنتي تتعاني من القلق الخفيف، غاادي تكون مستريسي و لكن اتمشي تدوز. يلا كنتي تتعاني من قلق متوسط، غاادي تبقى جاالس تتقول مع رااسك "يلاا مانجحتش غاادي تضيع حيااتي" و غاادي تبقى تخاايل رااسك ماقريتيش، و خرجتي من لافااك، و ماخدمتيش و بقيتي جاالس بطاالي حيااتك كااملة و نتاا متقل على واليديك و تتفيق حتى للعصر.
غاادي تبقى تخاايل صحاابك نجحوا و وصلواا لداكشي لي باغيين و تزوجوا و نتاا بلااصتك. و غاادي تمشي تلهي رااسك بااش ماتقرااش. غاادي يجي نهاار الإمتحاان، اتقول مع رااسك بلا ما نمشي حيت يمكن غانسقط. و تقدر تكون نتاا ديجاا حاافظ و لكن بسبب دااك الخوف و القلق غاادي تنسى دااكشي لي قريتي، و تخرج من الإمتحاان سااخط و اتقول مع رااسك، كنت تنقول بلي ماغااديش نطفروا، زهري و أناا عاارفوا.
⚪ القلق الحااد: هذاا هو سطااج الوحش فالقلق. هناياا تتبقى نتاا نهاار كاامل مستريسي و تتفكر فأسوء الأمور لي ممكن توقع. ماتتقدر دير واالو النهاار كاامل، التركيز تيكون زيرو، تتحس بالخوف بزااف و ممكن تصااب بنوباات الهلع. النااس لي تتعاني من القلق الحااد تيبعدوا على أي وضعية غير مريحة، يقدروا يبقااو جالسين فالداار و مايخرجوش گااع. تيكونوا أعرااض جسدية قااصحة بحاال ألم فالصدر، الدوخة، ماتتنفسش مزياان، و حيااتك كااملة تتولي صعيبة.
مثلا: نقولوا صحاابك عرضوك لشي خرجة ولا شي منااسبة. نتاا فااش تيعرضوا عليك تتحس بالخوف و تتقول مع رااسك "كولشي غاادي يضحك علييا و ماغااديش نعرف شنو نقول و غاادي غي نشوه رااسي." هااد الأفكاار غاادي تخليك مخلوع و ماتبقااش تقدر تنفس، صدرك غاادي يتزير عليك، و فوق ماتتفكر فديك الخرجة تااضرك كرشك. فاللخر غاادي تسيفط ليهوم ميسااج و تقوليهوم شي سبة بااش ماتمشيش تخرج، و غاادي تبقى سااد على رااسك فبيتك، ماغااديش تبغي تخرج بااش ماتلاقااهومش، و ماغااديش تجااوب حتى على لميسااجات ديالهوم.
إلا لقيتي هاد الأفكار تتنطبق عليك دخل لهاد الليان و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇
تحميل كتاب "عقلك، صديقك المقرب الجديد"
