تحميل كتاب "عقلك، صديقك المقرب الجديد" 

تخاايل تفيق معطل على المدرسة نهاار عندك شي إمتحاان ولا الوطني گااع. أتقول مع رااسك "تفوو، علااش مافقتش، و تتقلب طيلي بااش تشوف لااش ماصونااش تتلقاا رااسك كااتب 7:00 فلكالكيلاتريس مااشي فالمنبه، ولا تتكون داااير 7 فالمنبه، و لكن دياال العشية، مااشي الصبااح. المهم، غاادي تبقى تعااير رااسك و تقول بلي نتاا مكلخ و زهرك عوج، و هاادي مؤامرة ماسونية.

هااد الأفكاار بطبيعة الحال غاادي يخليوك تكره رااسك، تحس بالقلق و الخوف حيت عندك امتحاان، و نتاا صبحتي نااعس. و لكن تخيل أنك فقتي معطل و لكن ماعاايرتي رااسك مابكيتي ما شكيتي ماا واالو، فقط قلتي "صبحت نااعس و لكن غاادي نزرب و نمشي دغياا، و نطلب الأستااذ يعااود ليا الإمتحاان".

تقدر تقول مع رااسك داباا بلي مستحيل أني نولي بحاال هكاا، ولا يلا ولييت بهااد الهدوء رااني غاادي نولي ملااك. و لكن رااه ممكن أنك تولي هكاا، و أمور لي كانت تتسبب ليك القلق ماتبقااش بديك الحدة و ينقص التأثير دياالها عليك. فقط غاادي يخصك تماارس هاادشي لي كااين فهاد الفصل و الكتااب بصفة عاامة، و ترجع تخدم على المغالطات المنطقية كتر، حيت كيماا قلناا من قبل، الأفكاار دياالنا هوماا لي تيأثروا و تيحددوا المشااعر ديالناا، و المشكل هو أغلب أفكاارنا تتلقاهاا عوجة بسبب دوك المغالطات المنطقية.

2️⃣ قصة:

كااين وااحد الدري سميتو عمر تيقراا فالليسي. عمر تيبغي الكرة و لكن قبل مايلعب شي مااتش تيحس بالقلق، و مايتفهمش علااش. هو تيلعب مزياان يلا كاان بوحدو ولا يلا كاان غي مع شي وااحد و صاافي بجوج. و لكن يلا كاان مااتش فالحومة ولا فالليسي، تيولي كواامانجي مااشي كواايري. و السبب أش؟ السبب هو الأفكاار ديالو لي تتخليه مستريسي، مخلوع و مامرتااحش. و هااد الأفكاار ديالو شبعاانة بالمغالطات المنطقية. مثلاا:

🔴تيبداا يقول مع رااسو: يلا مالعبتش مزياان، غاادي نتشوه، غاادي يضحكوا علييا، و غاادي نخسروا. و هاادي مثال على التفكير الكارثي. حااجة بسيطة و عادية انك ماتلعبش مزياان تيكبرهاا فدمااغو و تيخلي عندهاا وااحد التأثيرات كبيرة.

🔴 عوتااني تيتفكر شي مااتش لي ماالعبش فيه مزياان و تيقول كيماا دااك لمااتش لي فاات مالعبتش مزياان، تا هذاا غاادي نكون عياان فيه. هاادي فيها مغالطة التعميم لاحقااش ماتش وااحد مالعبش تيقول بلي صاافي أي مااتش غاادي يكون مطرق. و فيهاا حتى قراءة الطالع او توقع المستقبل؛ تيتوقع شي حااجة خاايبة اتوقع بلا اي دليل.

هااد الأفكاار تتخلي عمر يكره كورة و إماا تيدير بنااقص و ماتيلعبش، ولا تيلعب و لكن مستريسي فالمااتش كاامل و غضباان، و خاايف لا يمشي يغلط. يعني ها هو تيلعب، و لكن ماكااين لا متعة لا واالو.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"