تحميل كتاب "عقلك، صديقك المقرب الجديد" 

🔵 صدماات الطفولة و المخااطر: القلق هو فااش دمااغناا تيباان ليه شي خطر كبيير و تيبقى حااضي رااسو بااش مايطيحش فيه. هااد الخطر فالغالب تيكون غي وهم. يمكن فااش كنتي صغير تقتي فشي إنساان و مورااها قولبك، تتولي فااش كاتبداا تيق بشي إنساان، تتحس بالخوف لاحقااش ديجاا داازت عليك من قبل، و دمااغك تيبغي يبعد عليك هاد الخطر.

شي مراات تيكون خطر حقيقي، و لكن تنباالغوا فتقدير الخطورة دياالو. و شي مراات تتكون نتاا لي خاايف بوحدك، مثلا، يمكن نتاا فشي بلاصة فيهاا زحاام و خاايف لا يتسرق طيلي ديالك ولا بزطاامك. حااجة عاادية انك تخااف و هاادي ممكنة أنهاا توقع، و خااصك تحضي رااسك، و لكن مااشي كل ثاانية و نتاا حااضي رااسك ولا تشعر بالخوف بزااف. ولا تبقى توقع أنك غاادي تسرق و يتعدااو عليك النااس. شوف الخطر يلا كان ممكن بلا إفرااط ولا تفريط.

🔵 المقاارنة و الضغط: القلق تيجي حتى فااش تنقارنوا راسناا بالنااس و تيباان ليناا حناا قل منهوم، و فااش تنحسوا بالضغط ديال قوانين المجتمع: خااصك تكون كملتي لقرااية فوااحد السن، لقيتي خدمة، و مورااهاا تزوجتي فواحد السن. يلا لقيتي نااس فعمرك محققين هاادشي و نتاا لاا، اتحس بالنقص و ايبقى فيك الحاال.

و هاادشي ولاا منتشر بزااف بسبب السوشل ميدياا، تيكون الصيف و نتاا جاالس فداارك بااغي تساافر و ماعندكش لفلوس، ولا عندك لفلوس و ماعندكش الصحااب لي يساافروا معااك. تاتدخل لفاايس ولا إنسطغراام و تتلقى كولشي دااير سطورياات مساافر لبلاايص لي باغي تمشي ليهوم نتاا، و ماتتحملش رااسك. تتحس بالنقص و بلي النااس فايتيينك و ماعندك كيدير تلحق عليهوم.

🔵 العجز المكتسب: هضرناا على هاد لقضية ففصل الإكتئااب و غادي نعاودوا نهضروا عليها تا داباا: العجز هو فااش تتحس بلي نتاا ماقاادرش تغير ظروف حيااتك، تتكون وااحل. إماا ماعندك حتى شي حل بااش تغير حيااتك، ولا عندك حل وااحد و لكن ماغااديش تقدر تطبقوا.

مثلا: عندك مشكل و تتبان ليك بلي كااين حل وااحد، و لكن داك الحل صعيب بزااف و مايمكنش يتداار. اتحس بدمااغك مزير و بلي تاضرب رااسك مع الحيط. عوتاني يلا تتحس بلي الطريقة الوحيدة باش تحقق شي هدف لي ممكن يكون خدمة مثلا هو انك تسرق و تكدب، غاادي تكره رااسك حيت دااك الطريقة ضد الأخلاق ديالك و اتشوف بلي الخدمة تاتطير بين يديك.

🔵 ماوااجدش: ٱخر حااجة لي غاادي نشوفوا و تتسبب الستريس هي انك تكون ماوااجدش. قلناا قبل أن دمااغك تيبغي يبعد عليك الخطر و غالباا داك الخطر تيكون وهمي: شي حااجة لي وقعاات فالمااضي وداازت ولا شي حااجة فالمستقبل و عمرهاا غاادي توقع. و لكن شي مراات تيكون الخطر حقيقي و حناا بلاصة مانستعدوا ليه، تنبقااو نأجلوا الخدمة.

مثلاا، عندك اونطغوتياان، و بلااصة ماتوجد ليهاا تتمشي تجلس تفرج فشي سيري، تخرج مع صحاابك، و تنسي رااسك. أتبقى تحس بالقلق، و القلق ديك السااعة تيقولك نوض وجد بااش ماتسقطش. و ماحدك تتجااهل هاد لميسااج، القلق غاادي يبقى يزيد.

و ممكن أن الإنساان يكون تيعاني من القلق لعواامل مختلفة من هاادوا. و على أي، أول خطوة هي تعرف سبب المشكل، بااش من بعد فااش نبدااو ندوزوا لكيفااش تخلصوا من القلق، طبقوا التقنياات على هاد المشااكل الخاصة بيكوم.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"