تحميل كتاب "عقلك، صديقك المقرب الجديد" 

4️⃣ أسباب القلق

خااصنا نفهموا أسبااب و مصادر القلق بااش نعرفوا الطريق لي وصلااتنا لهاد المشكل، و الطريق لي أتخرجناا منو. و القلق عندو أسبااب مختلفة، أهمهاا:

🔵 المبالغة فتقييم الأحدااث: فااش تنعطيو للحاجة كتر من قيمتها، تتطيحوا فوااحد الحالة دالقلق. مثلا، عندك إمتحاان و خاايف لا مادوزش مزياان. القلق تيجي مااشي غي من الخوف أنك مادوزش مزياان، و لكن حتى من مسألة أنك يلا مادوزتيش مزياان، ماغااديش تجيب شي نقطة بااش تدخل لشي مدرسة زوينة، و ماغااديش تلقى خدمة مزياانة، و ماغااديش تأسس حيااتك، و ماغااديش تنجح فالحيااة. هناياا الإنساان تيعتقد أنه حدث سلبي وااحد غاادي يأدي لمجموعة دياال المشااكل مستقبلية. و تيشوف لحظاات بسيطة فالحيااة على أنهاا مصيرية.

🔵 الخوف من المجهول: العقل دياالناا تيبغي يعرف شنو غاادي يوقع بااش يحس بالأمان و بلي مسيطر، و فااش ماتنقدروش نتوقعوا شنو غاادي يوقع فالمستقبل، العقل ديالناا تيتخلع و تيبداا يتخاايل أسوء الأمور.

مثلاا، عندك مقاابلة عمل غداا، حااجة عادية أنك تكون مستريسي شوييا، و خاايف لا مادوزش مزياان. و لكن إنساان لي تيعااني من القلق، غاادي يبقى يسول رااسو كيفااش اندوز، كيفااش اللجنة اتكون، شنو غاادي يوقع يلا ماخديتش الخدمة، شنو هي الخطة b و c. و الإنساان غاادي يحااول أنه يتوقع المستقبل ما أمكن، و لكن بدون جدوى.

🔵 المثاالية و الخوف من الفشل: القلق تيجي حتى من وااحد الرغبة فأن الإنساان يكون مثاالي ولا يتفادى الفشل بأي شكل من الأشكاال. فااش تتوضع على رااسك وااحد المعايير مبالغ فيهاا، تتحس بالقلق حيت اتخااف من انك تفشل و تباان نااقص و ضعيف فأي مجاال.

مثلاا، تلميذة عندي جاابت فواحد الفرض 19.5 و عمراات الورقة بالدموع فااش شاافت بلي رااها ماجابتش 20. و المسألة مااشي متعلقة بالنقطة، و لكن متعلقة بأنهاا عتابراات راسهاا مكلخة و إنساانة فااشلة حيت ماكانتش قد التوقعات المثالية لي داارت هي على رااسها.

و العلاقات مثلا، الإنساان يقدر يكون تيحااول بااش يكون مثاالي لدرجة أنه يبقى يرااقب التصرفاات ديالو فكل لحظة بااش مايغلطش. هااد حب المثالية أيخلي الوااحد خاايف فكل لحظة حيت خطأ بسيط غاادي يعني النهااية.

🔵 قدرة التحمل ضعيفة: كااين نااس لي ماتيقدوش يصبروا على أي وضعية لي تتسبب ليهوم عدم الإرتيااح، و تيتفادااوها، و فااش الإنساان تيتفاادى شي وضعية بحاال هكاا لي تتخليه مامرتااحش، تيبقى ديماا عاايش فالخوف من أنه يطيح فديك الوضعية.

مثلاا: تخاايل شي وااحد لي تيحشم يهضر قداام النااس. بلاصة مايوااجه الخوف دياالو و يهضر قداامهوم، غاادي يبعد على التجمعات و يبعد على العروض فلافااك. فاللول غاادي يرتااح شوييا. و لكن من بعد يلا شي حد قاليه غاادي يخصك تهضر قداام النااس ايرجع داك الخوف بشكل كبيير لاحقااش داك الإنساان غي تيهرب. كون زعم و وااجه المخااوف دياالو، غاادي يتغلب عليهوم. و لكن ماحدو تيبعد، غاادي يبقى يتعرض ليهوم، و حتى يلاا ماتعرضش ليهوم، غي هو رااسو أيحس بالنقص.

دوك الوضعياات لي تتخليناا مامرتااحينش هي نفس الوضعياات لي خااصنا ندوزوا منهاا بااش نتطوروا. يلا واجهناهوم، غاادي نتيقوا فرااسنا كتر، و يلاا هربناا منهوم غاادي نبقااو خايفيين ديماا من أن حناا نطيحوا فيهوم.

🔵 معتقداتنا السلبية: القلق تيجي بسبب أفكاار سلبية لي عدناا، خصوصاا أفكاار لي تتعلق بيناا حناا بحال 'أناا فااشل' ولا 'تاحد ماتيبغيني' ولا 'ديماا تنفشل' ولا 'ماانقدرش نداافع على رااسي'. هااد المعتقداات السلبية تتجي فالصغر غالباا نتيجة لشي مشااكل و تتأثر على حالتناا النفسية و كيفااش تنشوفوا العاالم فلكبر.

و شي وااحد لي تيعتبر رااسو فااشل ولا تاحد ماتيبغيه، غاادي يتعرض للقلق كتر فوضعياات لي صعيبة و تتبان ليه أنهاا تتنقص من قيمتو. يلا تتعتبر رااسك فااشل، و درتي خطأ فالخدمة، غاادي تحس بالقلق بزااف حيت دااك الجرح و الخوف ديال أنك فااشل غاادي يرجع ليك. هاادشي تيخليك ديماا حااضي رااسك، تتشك فرااسك، و خاايف من أن القيمة دياالك تنقص.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"