تحميل كتاب "عقلك، صديقك المقرب الجديد" 

عمرك حسيتي بلي واخا دير لي درتي، ماتتقدرش تحبس دمااغك من أنه يفكر فالمشااكل و شنو أيوقع؟ بزااف دالنااس تيحسوا برااسهوم بلي لا حول لهم ولا قوة، يعني يدير لي داار، يطير حتى يعياا و لكن ماغاديش يقدر انه يحبس عقلوا من التفكير.

هااد الشعور ديال أنه واخاا دير لي درتي، تا حااجة ماغادي تبدل تتسمى 'العجز' و هضرناا عليها فالفصل لي قبل ديال الإكتئااب. و تا داباا أنعاودوا نهضروا على نفس الشعور، غي هاد المرة أنربطوه بالقلق. بالضبط غاادي نشرحوا شنو، هوماا، كيفااش تيسبب ليناا القلق، و بطبيعة الحاال شنو خااصنا نديروا بااش نتغلبوا على هاد الشعور بالعجز.

2️⃣ شنو هو هااد العجز المكتسب؟

تخاايل أنه شديناا شي طاائر ولا حيواان أخور درنااه فقفص و سديناا عليه. دااك الحيواان غاادي يبغي يحااول يهرب، المرة لولة، ثاانية، ثاالثة، و لكن واالو أيلقى بلي القفص مسدود، حتى غاادي يستسلم فاللخر و يرضى بالمصير ديالو. يلا جيناا من بعد و حليناا القفص، غالباا دااك الطاائر غاادي يبقى بلاصتو و مايحااوش يهرب لاحقااش هو صاافي قتاانع بلي ماعندو مايدير، ماعندو كي يدير يخرج. و هذاا هو العجز المكتسب.

العجز المكتسب هو فااش تيفقد الإنساان الأمل فالحيااة، هي فااش الإنساان تيقولك أناا دااير هكاا و عمري ماغاادي نتبدل. هي فااش تتحس بلي أتبقى ديماا قلق و فنفس المشااكل حيااتك كااملة. و هااد الحالة تنتعرضوا ليهاا من بعد ماتنفشلوا و نعااودوا نفشلوا فأن حناا نغيروا حيااتنا، حتى اللخر تنقولوا مع رااسنا بلي ماكااين لااش نحااولوا، تا حاجة ماغاادي تغير.

و ديجاا هضرت على التجربة لي داروا العلمااء بااش يبينوا هاد الحالة، راها كااينة فالفصل الثالث فاللول ديالو، فالجزء ديال 'فاش تتفقد الأمل فالحياة.' و فااش عقلك تيصدق بلي نتاا وحلتي فشي وضع و ماقاادرش تخرج، القلق تيبداا. تتبداا تحس بالخوف، القلق تيزيد، و ثقتك بنفسك تتنقص. تتولي بحاال شي إنساان تيغرااق فاالبحر، واخاا تاضرب بجهد و تتزير رااسك بااش تخرج، تتلقى رااسك هي تتزيد تتغرق، و تتغرق فوااحد الحاالة دالرعب.

3️⃣ كيفااش نتخلصوا منهاا؟

العجز المكتسب كيماا قلنا هو فكرة لي ترسخاات لينا فالعقل من بعد تجاارب فااشلة، و هاد العلاج السلوكي المعرفي هو أحسن طريقة بااش نتخلصوا من افكاارنا السلبية. ايخصنا فقط نتبعوا هااد الخطواات:

🟢 اولاا، خااصك تحدد الفكرة السلبية لي عندك. شنو هي الفكرة لي عندك و ضارااك فرااسك. فهااد الحاالة رااه بااينة: الفكرة هي أنه حياتك عمرهاا غاادي تبدل. خااصك غي تحدد فين و كيفااش بالضبط. وااش حيااتك عمرها تبدل فالقرااية، و غاادي تبقى ديماا تسقط!؟ وااش حيااتك عمرها غاادي تبدل فالعلاقاات، و غاادي تبقى ديما بلاا زوااج و ماتلقااش لي يفهمك؟ وااش حيااتك عمرهاا غاادي تبدل من نااحية لفلوس، و غاادي تبقى ديماا حاازق بلاا خدمة!؟

ممكن تكون عندك فكرة بلي حيااتك عمرهاا غادي تبدل فهاد الجواانب كاملين و كتر، و لكن بداا غي بجاانب وااحد بعداا، و فااش تساالي عااد دوز لوخرين.

🟢 تحدى الفكرة السلبية: عقلك غادي يكون متشبت بديك الفكرة، و لكن نتاا خااصك تزعزعهاا و تبداا تحيدهاا. سول عقلك هاد الأسئلة بااش يبداا يشك فديك الفكرة و يتخلى عليهاا:

وااش هاد الفكرة بصح؟ وااش بصح ماعندي ماندير بااش نغير حيااتي؟ ماايمكنش تكون هاد الفكرة هي مباالغة ولا شي إستنتااج غاالط لي خديتو من شي تجربة فحيااتي؟ مايمكنش يكون دمااغي هي مافهمش شي حااجة و نقز لهاد الإستنتااج؟ ماكااينش زعماا شي إحتماالية أن هاادشي مايكون صحيح 100٪؟

أتبقى تسول هااد الأسئلة، ضروري ماعقلك غاادي يجااوب ب "اه" على شي وااحد فيهوم، و يقولك واقيلا مااشي بصح. فهاد المرحلة، حناا ماشي محتاجين أن العقل ينسى هاد الفكرة فخطراا، غي يشك شوييا فيهاا، هاادشي لي بغيناا.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"