تحميل كتاب "عقلك، صديقك المقرب الجديد" 

5️⃣ السوشل ميدياا و المغالطاات المنطقية:

السوشل ميدياا برااسها تتزيد من هاد المغالطات المنطقية بطرق مختلفة، بحاال:

🟠 المقاارنة: النااس فالعادة تتبالغ فتقدير نجاح الإنساان، و تتنقص من قيمة النجاح ديالها. فااش تتشوف شي حد دااير شي إنجااز فالسوشل ميدياا، تيباان ليك راه حسن و بلي نتاا ماتتسوا واالو فالمقاارنة. هذاا تيسبب القلق حيت تنحسوا بداك الخوف و الشعور دالنقص، و تنشكوا فقدرااتنا و فوااش حناا درناا شي حااجة فحيااتنا ولا غي ضيعناهاا.

🟢 الحلول: خااصنا نقصوا من الوقت لي تندوزوا فالسوشل ميدياا، يلا كنتي تادوز النهاار كاامل، ولي تادوز غي ساعتااين. ثانياا، نحمدوا الله يومياا على الأمور لي حناا حققنا: كل نهاار كتب 3 ديال لحواايج لي حققتي فحيااتك و حامد الله عليهاا، و واخاا يكونوا الأفكاار تيتعااودوا مااشي مشكل. و ثالثاا، فكر رااسك بأن السوشل ميدياا ماتتورينااش الصورة كااملة، فقط تنشوفوا الجاانب الإيجاابي من حيااة كل وااحد.

🟠 توقعاات و تطلعاات خياالية: السوشل ميدياا ولاات تترسم وااحد الصورة محددة ديال النجااح. تيخصك تكون عندك ڤيلاا، طونوبيل، تتساافر للخارج كل صيف و ديماا المغامراات فالمغرب، ولا رااك اتسمى فااشل - مغالطة التفكير بالأسود أو الأبيض. فااش تادخل للسوشل ميدياا و تتلقى رااسك نتاا بعيد على هاد الحياة ولا ناقصااك غي شي حااجة بسيطة، صاافي تتكره رااسك و تتحس بالفشل.

🟢 الحلول: أولا خااصك دير توقعاات و أهدااف خااصة بك. مااشي حيت فالسوشل ميدياا النجااح هو يكون عندك بزااف ديال المتابعين، تمشي تبع هاد الفكرة. ممكن ما يكونوش گااع عندك و لكن تعتبر رااسك نااجح. و خااصك تكون متعااطف مع رااسك، و عرف بلي عاادي تكون شي حااجة نااقصة فحيااتك، و ماتشوفش الأمور ديماا بمنظور الأسود و الأبيض.

🟠 المجموعات ديال الفايسبوك: إنساان لي تيبغي الرسم، غاادي يدخل لمجموعات ديال الرسم فين أيلقى النااس لي تيشاركوه نفس الإهتمامات. و إنساان لي تيعاني من القلق، غاادي يدخل لمجموعات ديال القلق و تماا غادي يلقى نااس لي تاهوما تفكيرهم سلبي بحاالو. هاادشي تيوقع بسبب مغالطة الفرز، أن حناا تنركزوا على المعلومات لي تتأكد الأفكاار ديالناا واخاا يكونوا أيضروناا.

🟢 الحلول: قلب على محتوى إيجاابي قلب على صفحاات لي تتنشر الإيجاابية و الموتيڤاسيون و محتوى لي ايزيد بيك للقداام. و بلوكي الصفحاات و الأشخااص لي تتنشر غي البؤس و المشااكل.

بس: عاارف بلي كااين مجموعات لي تتعاون النااس يتغلبوا على القلق، و لكن أغلبية المجموعات تيكون الأعضااء دياالها تفكيرهم سلبي و بلا مايقصدوا تيأثروا على النااس.

🟠 التنمر: هضرناا على هاد النقطة من قبل و نعاودوهاا. التنمر لي تيتعرضوا ليه الناس فالسوشل ميدياا تيزيد يحسسوهوم بالقلق و بالمشااكل ديالهوم و شحاال ماركزتي على المشااكل ديالك شحال ماغادي يكون تفكيرك سلبي.

🟢 الحلول: خااصك تعرف بلي قيمتك ماتيحددوهااش النااس فالإنترنت. و فااش النااس تحااول تنمر عليك، إماا دير بحاالي وتنمر عليهوم بلمزياان حتى يندمواا، ولاا على الأقل ماتكبرش الموضوع و تعطيه كتر من قيمتو (تفكير كارثي) و ماتبقااش توقع بلي النااس ديماا غاادي يتنمرواا عليك.

🟢 و مرة مرة، خوود إسترااحة من السوشل ميدياا يلا لقيتي بلي صحتك النفسية تاتدهور.

🟤 و ختاار شي فكرة سلبية لي عندك و ماقديتيش تحيدهاا من دمااغك لحد الٱن. شنو هي المغالطة المنطقية لي تتخلي ديك الفكرة سيئة و لااصقة فدمااغك؟ بااش تتخليك هاد الفكرة تحس؟ و شنو هي شي فكرة منطقية و إيجاابية كتر لي تديرهاا بلااصة هاد الفكرة!؟

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"