تحميل كتاب "عقلك، صديقك المقرب الجديد" 

هادوا هوما المغالطات المنطقية، و هوما هوما تيخلقوا القلق و تيخليوه أسوء. فااش ديماا تتفكر أفكاار سلبية، عقلك تيبداا يااخد هاد الأفكاار على. أنها حقيقية، و هاادشي تيسبب إضطرااب القلق. مثلاا، يلا كنتي ديماا تتفكر بلي غاادي تفشل، أتبداا تجنب وضعياات لي ممكن تفشل فيهاا، غاادي ترتااح شويا فااش اتبعد، و لكن ديماا ايكون وااحد الجزء فدمااغك خايف و مقلق و حااضي معااك لا تمشي دير شي حااجة لي ممكن تفشل فيهاا، أيشوفك غي قربتي غاادي ينوض تيغوت و يخليك تبعد عليهاا.

و يلا جلستي مع رااسك و تفكرتي شي نهاار لي كنتي مقلق ولا مستريسي ولا مكتئب، غاادي تلقى بلي رااك كنتي تتفكر بشي وحدة من هااد الطرق بلاا ماتحس.و لاحقااش عوتااني تيباانو منطقيين و تيجيو بشكل طبيعي، دااكشي علااش ماتتفكرش تحدااهوم و تشوف وااش خاصهوم يتبدلوا ولا لا.

و لي خاصك دير داباا هو تشوف إناا جاانب فحيااتك لي نتاا تتعاني فيه من القلق. فإناا جاانب محن فحيااتك؟ وااش كااره رااسك لاحقااش عندك مشااكل فالقرااية، لخدمة، صحااب، المستقبل، الصحة دياالك، ولا شنو باالضبط. ختاار شي جاانب من حيااتك داباا لي بااغي تخدم عليه، و غاادي نعطيك بعض الأفكاار بااش تبداا، و لكن مهم انك نتاا تشوف حيااتك الخااصة، حيت هاادشي دياالي يقدر ينطبق و يقدر لاا، واخاا؟ 🐸

🔵 القرااية: ممكن تكون تتقول مع رااسك: "يلا ماجبتش مونسيون، رااني مكلخ و ماغااديش نتهز فحتى شي كونكور". ولا ممكن تكون دوزتي مقابلة فمدرسة الأساتذة، و تكون جااوبتي على شي سؤال بشكل عفوي و عقلك يقولك راك خربقتي و داباا ماغااديش يقبلوك. فهااد الحاالة غاادي تكون نتاا تتحس بالنقص و بلي رااك فااشل بسبب جوج مغالطاات منطقية: تتشوف حياتك إماا كحل وإماا بيض، و تتوقع أن الأسوء غاادي يوقع. و كااين حتى مسألة انك تتعاير رااسك و تتوصف رااسك بمكلخ.

🔵 العلاقات: تتخرج تلاقاا شي بنت و تتقول شي حااجة لي حاامضة و تتكره رااسك، ولا تتقمعك هي، ولا تتجي معطلة و تخليك محنسر، ولا تتطرا ليك شي حااجة لي تاافهة و لكن ماتتقدرش تحيدهاا من رااسك. نتاا غاادي تقول بلي صاافي عمري ماغاادي نلقى لي يبغيني و ماعنديش الزهر. عوتااني طاايح فمشكل التعميم و تتوقع مستقبل لي خاايب، و هادشي تيخليك تحس بدااك العجز المكتسب لي هضرناا عليه من قبل.

🔵 الخدمة: تاتمشي تصاايب سيڤي و تاتدفع للخداامي، و تتعيط ليك شي شركة دوز اونطغوتياان، و نتاا مستريسي و مخلوع قبل ماتمشي دوز، تتسول رااسك شنو غاادي ندير يلا ماقبلونيش. بااينة عمري ماغاادي نخدم و أنبقى بطاالي فهااد لبلااد دالحبس. عوتااني هناياا خديتي وااحد الحدث بسيط انك تمشي تدوز اونطغوتياان و كولشي تيبقى مع تيسير الله، و خليتيه يولي وااحد اليوم مصيري لي غاادي يحدد حيااتك. و لكن فالوااقع، گااع دوك الأمور لي تنقولوا حناا اتحدد حيااتنا و المصير ديالنا تتكون محطاات عادية، ادوز و أتجي محطاات اخرى.

🔵 فحيااتك الشخصية: تادير مع صااحبك تخرجوا السبت بالعشية. و تيجي هو نهاار السبت مع الظهر، تيسيفط ليك ميسااج و نتاا تتحس بيهاا. عقلك تيقولك شي مشكل غاادي يوقع، و تتولي مخلوع رااسك قبل ماتعرف حتى شنو كااين. صااحبك ممكن يقولك رااه غادي يتعطل شوييا ممكن يقولك راه گااع ماغاادي يجي، و ممكن گااع يكون غي بغاا يأكد عليك بااش نتاا ماتعطلش ولا تخوي بيه. و لكن مع رااسك، رااك مخلوع و قلبك بداا تيضرب و تتحس بالقلق و دمااغك تيفكر فأسوء الامور لي ممكن صااحبك يقولك.

هاادوا وضعياات مختلفة، و نتاا خااصك تشوف الحالة لي تتسبب ليك القلق كتر، و تطبق عليهاا هاد الخطوات لي غاادي نديروا داباا

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"