تحميل كتاب "عقلك، صديقك المقرب الجديد" 

كااين وااحد الفيلم زوين سميتو Monsters Inc. و تيهضر على وااحد البنت لي بالصدفة دخلاات لعاالم الوحوش و كوناات صدااقة مع جوج وحوش تماا، و بلا مانحرق عليكوم الفيلم، ديك البنت لقاات بلي الوحوش فداك العاالم عندهوم عائلاات، و خداامي، و عايشين حيااتهوم بحاالناا.

و العبرة من الفيلم كاامل هي أن دوك الوحوش لي حنا تنخاافوا منهوم، فالوااقع ماتيخلعوش، و يلا قلبتي تحت لفرااش ديالك غاادي تلقى جوج حواايج: إماا دوك الوحوش ماكااينينش، أولا دوك الوحوش ماتيخلعوش، و بالعكس هوماا تيخاافوا مناا.

علااش تنعااود ليكوم هاادشي؟ هااد الفيلم هو أحسن تشبيه لي قديت نفكر فيه لشنو غادي نهضروا عليه اليوم. غاادي نهضروا على 'Exposure Therapy' و لي هو بإختصاار العلااج بالتعرض أو الموااجهة.

2️⃣ شنو هو العلاج بالتعرض؟

تخاايل أنك مخلوع من لكلااب، يمكن فااش كنتي صغير تبعك شي كلب و نتاا مساافر للعروبية ولا غي فالحومة دياالك جراا عليك شي كلب، شدك و عضهاالك، ولا غي تبعك و ماعضهاالكش و نتاا بقيتي مخلوع منهوم من ديك السااعة.

من ديك السااعة للقدام، وليتي فوق ماتتشوف شي كلب تتخااف، قلبك تيضرب بالجهد، تتخبى مور شي صااحبك ولا صااحبتك، و تتحس بلي خااصك تهرب. و دااكشي لي تادير ديماا، عقلك تيقولك تشوف شي كلب، قلب الطريق و بعد عليه. هاادشي غاادي ينفعك فالمدى القصير، و لكن فالمدى الطويل غاادي يخرج عليك. و لكن علاااش؟

السبب هو أنه ماحدك تتفادى أنك توااجه دااكشي لي خاايف منو - شخص، حيوان، ولا تجربة - عقلك غاادي يبقى ديماا تيخااف و داك الخوف تيتزااد. لي خااصك دير هو انك ماتبقااش ديماا تخبع و تهرب، و لكن توااجه دوك المخااوف دياالك، غاا هو خااصك تعرف كيفااش توااجه المخااوف دياالك.

خااصك توااجه المخاوف ديالك بالتدريج و بلا ماتعرض رااسك للخطر. يلا كنتي تتخااف من لكلااب مثلاا، ماغااديش نيشاان تمشي لشي خلاا و تلعب معاهوم، و لكن اتبدا بعدا غي تشوف تصااور، ڤيديوهات، تشوفهوم من لبعيد، تقرب و تشوف كلب لي مربوط،

من بعد تقيس شي كلب دياال صااحبك و يكون شاادو هو. يعني تتمشي درجة بدرجة و تتأكد بلي نتاا ماعندك تا شي خطر علييك نهائياا. يعني تا وااحد مايمشي يلوح رااسو للعقاارب، و يجي لعندي يقول 'واا نتاا قلتي لييا نوااجه المخااوف ديالي'. و شحاال ما وااجهتي المخااوف ديالك، شحاال ماتتغلب عليهوم.

3️⃣ كيفااش توااجه المخااوف دياالك؟

⚫ قصة

كااين وااحد البنت سميتها عائشة و كانت تتخاف من انهاا تهضر فالقسم، تتخااف توقف تنوض للسبورة، و كانت تتباان تترجف فااش تتهضر قداام لبرااني. هااد الخوف كاان جاهاا من الصغر لاحقااش ماكاانوش واليديهاا و الجدود ديالهاا تيخليوها تهضر و تعبر على رأيهاا. من قبل كاانت تتجلس للأرض و ماتتشااركش، و لكن من بعد ماشداات لبااك و بغاات تدفع ل ENS بااش تولي أستااذة حساات بلي خااصهاا تبدل هادشي بااش تقدر تهضر قداام اللجنة و فااش تولي أستااذة ماتخاافش تهضر قداام التلاامد ديالهاا. و ها كيفااش عاائشة و حتى نتوماا يمكن ليكوم توااجهوا المخااوف دياالكوم.

🟢 كتب گااع الأمور لي تتسبب ليك الخوف: كتب وضعياات لي فيهاا تتحس بالخوف و القلق و كون دقيق فالوصف دياالك. مثلا، بالنسبة لعائشة "الهضرة قداام صحابها فالقسم" و "تسول أسئلة فااش تيكونوا النااس بزااف".

🟢 رتب هاد الأمور: قداام كل وضعية من هاادوا لي درتي، دير واحد النقطة حداهوم. دير 0 يلا ماتيسببوش ليك القلق گااع، و دير 10 يلا غي تتفكر فيهوم، تتشدك السخفة. و رتبهوم من بعد، من السااهل للصعيب.

🟢 وااجه المخااوف دياالك: غاادي تبداا بالوضعية لي سااهلة شوييا و ماتتسببش ليك القلق و ديرهاا، و فااش تساالي منهاا، دوز للي صعب منهاا، و هي غاادة.

🟢 مزاال مخلوع: من بعد ماتواجه أي وضعية لي كانت تتخلعك، سول رااسك وااش بااقي مخلوع. و قاارن كيفااش كانت الوضعية تتباان فعقلك مقاارنة مع الوااقع. و من بعد ماجربيتهاا وااش مزاال مخلوع لديك الدرجة؟

🟢 عااود نقط دوك الوضعيات: يلا كنتي تتخااف تسول أسئلة، و كنتي عاطيهاا من قبل 8/10 فدرجة الخوف، عااود عطيهاا نقطة جديدة من بعد ماجربتي. و غاادي تلقى بلي ديك النقطة نقصاات. يمكن كانت 8/10 و داباا ولاات غي 5/10.

🟢 صبر على رااسك: ماغااديش يمشي الخوف كاامل من الدقة لولة، خااصك تواجه المخاوف ديالك و تعااود حتى يفقدوا السيطرة ديالهوم عليك. و هانياا واخاا تحس برااسك معطل.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"