كيفااش تحقق الأمور لي بااغي بلا قلق ولا ستريس - الجزء الرابع و العشرون
.png)
تحميل كتاب "عقلك، صديقك المقرب الجديد"
3️⃣ تحدى أفكاارك السلبية
⚪ علااش؟: عقلك غاادي يقولك قبل ماتبداا و حتى من بعد ماتبداا بلي هاادشي غي تماارة و ماعندك مادير بيه، و بلي راك اتفشل، النااس ايضحكوا عليك، و وااش داباا نتاا تقدر توصل لهاادشي كاامل. مايمكنش!! هاادوا أفكاار سلبية لي خااصنا نحااربوا.
🟢 أولا، حدد الفكرة السلبية لي عندك. هانتا تفكر ٱخر مرة كنتي بااغي تدير شي حااجة و حبستي. شنو قالك عقلك باش تحبس؟ وااش قالك هادشي صعيب عليك؟ ماتقدرش ديرهاا؟ شنو ايقولوا النااس يلا فشلتي؟ هاادشي تيصلااح للنااس خرين، مااشي ليك.
🟢 فااش تلقى ديك الفكرة خااصك تحداهاا. خااصك تقول لعقلك بلي هادي مافكرة ما تاوزة. و الطريقة هي تتسول رااسك "وااش هاد الفكرة بصح؟" و "شنو هو الدليل على هاد الفكرة؟" و "منين جبتي هاد النظرية؟" و "مايمكنش تكون هاادي غي مباالغة؟" و "شنو هي شي فكرة لي منطقية كتر؟".
السبب لااش تنسولوا بزااف دالأسئلة هو بااش نسكتوا الدمااغ. يلا قلتي لعقلك غي وااش هاد الفكرة بصح، فنظرك شنو غاادي يقول؟ ايقولك 'ااه رااه بصح و كداا' و غاادي يبغي يفكرك بگااع الأدلة عليهاا، و يلا ماكاانوش أدلة غاادي يصنعهوم هو. هاادشي علااش تنبقااو عليه سؤاال مور سؤاال، سؤاال مور سؤاال حتى تيطيب و تيعياا، و فاللخر هو تيقولك "صاافي صاافي، هاد الفكرة مااشي بصح".
🟢 فااش تنزمتوا العقل دياالنا و تنخويوه من ديك الفكرة، تيخصناا نديروا فكرة جديدة لي تكون زوينة. السبب هو أنك يلا جيتي تحيد فكرة سلبية بلا ماتعوضهاا بشي فكرة إيجاابية أخرى، ماغاديش تقدر: إماا دمااغك غاادي يرجع لديك الفكرة نيت بااش يسد داك الفرااغ ولا غاادي يلقى ليك شي فكرة سلبية أخرى لي كفس من اللولة. و بين قوسين، يلا كاان إنساان تيكمي ولا عندو شي عاادة اخرى خاايبة و بغا يحيدهاا، كااين خطواات مختلفة، و لكن من ضمن المهمين هو يبداا شي عاادة جديدة لي تنفعوا: يبداا يجري، يطريني لحديد، السبااحة، و غيرهاا.
🟢 المهم، نتاا خااصك تخلق فكرة إيجاابية أخرى و تكون العكس و النقيض ديال الفكرة لقديمة. يلاا كنتي من قبل تتقول، غاادي نجرب و غادي نفشل. الفكرة الجديدة اتكون "ماغااديش نفشل لاحقااش غاادي نبقى نحااول و نحاول حتى نوصل". ولا "الفشل هو أني نجلس و ماندير واالو".
🟢 لصقهاا: داباا فنظرك، يلا حيااتك كااملة و نتاا تتخاف تجرب اي حااجة حيت عقلك تيقولك أتفشل، و جيتي نهاار وااحد قلتي ليه "الفشل هو أني مانجربش" و قلتيهاا مرة وحدة و سكتي. وااش صاافي، هااد المرة كاافية؟
الجوااب هو 'لا لا لا'. خااصك تقولهاا و تعااود و تشوف طريقة بااش ديك الفكرة الجديدة تولي جزء منك. مثلا: يمكن تكتبهاا فورقة و تقراها كل نهاار، يمكن تديرها فطيلي عندك، ديرها فلمرااية، تخرج تجري و تبقى تقولهاا، تسجل رااسك تتقول ديك الفكرة و تسمع ليهاا كل نهاار قبل ماتنعس و فاش تفيق، و فااش تفيق ديرهاا كعبارة فالمنبه.
المهم هو نتاا خااصك تدخل ديك الفكرة لرااسك و تخليهاا لاصقة تماا، و التكرار ضروري بااش توصل لهاد النتيجة. خاصها تولي فدمااغك بحاال شي أغنية جديدة لي داارت لبووز و لصقاات فعقلك.
🟢 بإختصاار، رمي الفكرة لقديمة، جيب شي وحدة جديدة بلااصتها، و دير ليها لمساامر بااش تلصق فدمااغك.
إلا لقيتي هاد الأفكار تتنطبق عليك دخل لهاد الليان و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇
تحميل كتاب "عقلك، صديقك المقرب الجديد"
