كيفااش تحقق الأمور لي بااغي بلا قلق ولا ستريس - الجزء الخامس و العشرون
.png)
تحميل كتاب "عقلك، صديقك المقرب الجديد"
4️⃣ تخلص من المثالية
⚪ علااش؟: عقلك شي مراات فااش ماتيبغيكش تدير شي حااجة، ماتيجيش نيشاان لوجهك و يقولك "عطي رااحة لرااسك، راك ماتقدرش" لا تيجي يزوق فالهضرة و يلعب عليك بااش ترجع اللور، مادير واالو، و تبقى فمنطقة الرااحة دياالك.
تيجي يقولك "ماتبدااش داباا، صبر حتى تكون وااجد" ولا "خلي حتى لمن بعد، حتى يجي الوقت المنااسب" ولا "مزاال خااصك تعلم كتر على هااد المشروع عااد تبدااه" ولا تيجي يعطيك شي مبرر أخوور. نتا تتسمع داك المبرر تيجيك منطقي و لكن فالوااقع هذااك راه هي دمااغك خاايف و تيخدم هااد المثاالية باش يبقى شاادك و يخليك ماتبدااش ليوم، ماتبدااش غداا، حتى دوز سيماانة، شهر، تتفقد نتاا ديك الرغبة فتحقيق الهدف و عااد دمااغك تيحس بالرااحة.
🟢 أولاا، تيخصك تعرف بلي ماكااينش شي حااجة مثاالية، الخدمة دياالك يلا صبرتي شهر باش تبداا ولا صبرتي عاام - كتر ولا قل- عمرهاا ماغاادي تكون مثاالية.
🟢 ثانياا، الهدف ديالك خااصوا يكون هو التطور. اليابان عندهوم واحد الفلسفة تتسمى 'كاايزن' و لي تتعني "تطور مستمر و غير منتهي". تيصاايبوا شي منتوج و تيبقااو يطوروه من بعد. و لكن ماتيقولكش صبر حتى نخرجوا المنتج المثاالي. و النتيجة رااه باينة: اليابان من الدول المتقدمة، واخا ماعندهومش أكبر تيراان و راابع العالم راهوم متقدمين.
🟢 فالواقع هاد المثالية هي غطااء لمشكل أكبر لي هو الشعور بالنقص و بلي نتاا مااشي كاافي. جرب تسول رااسك شنو غاادي يوقع يلا الخدمة ديالي ماكانتش مثالية؟ عقلك فاللول يقدر مايجااوبش و لكن من بعد ايبدا يهضر. ايقولك "واا اتكون خدمة"، "ماغاديش يعجبني الحاال"، "هكاا حسن دير شي حااجة وااعرة"، النااس ايضحكوا". ايبدا يعطي مبررات متخلفة، نتاا بقاا تسول، قوليه اهااه زيد، شنو من بعد؟
شنو غاادي يوقع يلا النااس ضحكوا؟ شنو غاادي يوقع يلا ماعجباتهومش الخدمة؟ فاللخر اتوصل لحااجة وحدة لي هي الشعور بالنقص. عقلك ايقولك "وا ديك السااعة أنكره رااسي" ولا "انحس بالنقص و بلي اناا مااشي كاافي" ولاا شي عباارة أخرى لي عقلك ايقولك، و لكن واخاا تبدل العباارة اتحس فديك اللقطة بلي لحااجة لي نتاا خاايف منهاا هي تكون نااقص و النااس مايبغييوكش.
🟢 صوو، بداا من دابا تدير هدف و ركز على التقدم، و انك خدمتك تكون مزياانة و مقبولة، مااشي مثالية. و تخلص من ديك فكرة أن خدمتك خااصها تكون مثالية بالطريقة لي شفناا ديال تحدى الفكرة السلبية، تعوضها بفكرة إيجاابية و تلصقهاا فرااسك.
🟢 و كون ظرييف مع رااسك: يلا شي صااحبك دار الخدمة لي درتي نتاا، واش اتقوليه بلي خدمتوا نااقصة و هو فااشل و النااس ماغاديش يبغيوه؟ إواا علااش تتقولهاا لرااسك؟ تيقولك عاامل النااس كيماا تتعاامل رااسك، و لكن فهاد الحاالة غاادي نقولك عاامل رااسك، كيماا تتعاامل النااس.
إلا لقيتي هاد الأفكار تتنطبق عليك دخل لهاد الليان و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇
تحميل كتاب "عقلك، صديقك المقرب الجديد"
