تحميل كتاب "عقلك، صديقك المقرب الجديد" 

كولشي عندو أهدااف لي باغي يحققها، تا واحد ماتيكون 100٪ رااضي على الوضعية ديالو، و شحاال ماكاان الهدف كبيير و زوين، شحاال ماتنكونوا متحمسين ليه أكثر. و لكن شي مراات، داك الحمااس تيتحول لخوف.

تتبداا تشك فرااسك وااش تقدر تحقق داك الهدف ولا لا، تتبدا تفكر فأصغر الأمور و تتحااول تخلي كولشي مثاالي باش ماتفشلش و بااش الناس مايضحكوش علييك، تتفكر فگااع دااكشي لي خااصك دير و تتشوف فين نتاا داباا و تتلقى رااسك بعيد كل البعد على دااكشي لي كنتي باغي تحقق من صغرك.

عقلك تيقولك هي نساا و غي رتااح راك ماتقدرش، صعيبة علييك، يمكن النااس لوخرين يديرو هاادشي و لكن نتاا لاا. و فاللخر فااش عقلك تيقنعك بهادشي شنو تادير؟؟ تماماا! ماتنديرواا واالو، تنهزوا طيلي و تنبقااو نشوفوا لڤيديوهات حتى تنسااو رااسنا.

القلق تيخلينا نكبروا الموضوع و نستسلموا قبل مانبدااو. و متأكد بلي عندك شي مراات كنتي بااغي دير شي حااجة، كانت عندك فكرة، و لكن بقيت غي تتأجل و تقول ليوم غدا داباا نبداا، حتى نسيتي و دااز عام كاامل، و عااد تفكرتي بلي كنتي بااغي دير وااحد الحااجة.

صوو، بااش ماتعااودش طيح فهااد المشكل غاادي نشوفوا شي تقنياات بسيطة لي ديجاا شفناهاا من قبل فهاد لكتااب و انعاودوا نشوفوا كيفااش نطبقوهاا فااش يكون عدناا أهدااف لي باغيين نحققوا و نتيقوا فرااسنا كتر.

2️⃣ قسم الهدف ديالك لخطوات

⚪ علااش؟: القلق تيخليك تشوف و تحس بلي الهدف ديالك كبير بزاف. واخاا تكون نتاا عاارف و مأكد بلي راه ممكن يتحقق، تيباان كبير، تيخلعك و ماتتعرفش منين تبداا. صوو، ماتتااخدش ديك الخطوة لولة لي تتكون ضرورية باش تنجح، و تتبقى فبلااصتك.

🟢 صوو، كتب الهدف ديالك و قسموا لأجزااء. هاد لكتااب لي تتقرا داباا كاان فاللول غي فكرة فدمااغي، و كاان تيباان كبيير لاحقااش فاش بديت تنفكر فيه، كنت مشغوول بزااف و ماعرفتش كيفااش انصاايب كتااب و ندير 20 حااجة خراا. و لكن قسمتوا لخطواات بحاال:

كانت الخطوة لولة هي نفكر فالفصول و المشاكل لي باغي نعاالج، كاانت عوتاني خطوة ديال أنني نرجع للكتوبة لي قريت و الملخصات ديالهوم باش نقااد الأفكاار، خطوة اخرى هي أنني نقااد غي واحد الفهرس بسيط باش نعرف راسي فين وصلت و فين غاادي، كانوا خطوات ديال أنني ندير تقسيم لكل فصل، نبدا نكتب، نصحح الأخطااء، نجمع القصص لي اندير، نقااد الغلاف، نختاار العنوان، نجمع مصاادر إضاافية لي نقترح فاللخر دلكتااب و شحاال من حااجة.

🟢 هاادشي كاامل فاللول ايجيك بزااف، و ادير بنااقص و لكن تيخصك تقسم الهدف ديالك لهاد الخطوات بعداا. و من بعد تتلتزم بأنك دير خطوة بخطوة. و تتفتخر برااسك فاش تادير اي تقدم، مااشي حتى تساالي كولشي.

السبب هو يلاا جيتي تسااين رااسك حتى تساالي كولشي عااد تفتااخر برااسك يمكن ديك السااعة ماغاديش تكمل لكتااب ولا الهدف ديالك لاحقااش تمااارة بزااف و راك عاارفها، غاادي تعياا فالوسط و تقول مع رااسك 'ماالي على حاالي، بنااقص من هاادشي كاامل'.

و حتى يلا نقولوا گااع كملتي هاد الخدمة، غاادي تكون عياان و كااره رااسك فاللخر. و لكن يلا كنتي تادير الخطوة اللولة، و تفرح برااسك، و الخطوة الثاانية، و الثاالتة. شنو لي ايوقع؟ اتكون فرحاان و فحراان المدة كااملة دالخدمة. غاادي تعيش فاللحظة و تستمتع بيهاا مااشي حتى تحقق الهدف دياالك، و فااش اتكون كملتي لكتااب ولا الهدف دياالك، غاادي تكون فخور برااسك و درتي بزااف ديال الذكرياات، حيت كل خطوة كاانت بحلااوتهاا.

🟢 بإختصاار، قسم الهدف دياالك لخطواات صغيرة، كيف ما بغااو يكونوا، و افتخر بكل خطوة.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"