مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

5️⃣ العاادة الراابعة: الطبيعة ربيعة 🌲🏞️

⚪ علااش؟: الطبيعة عندهاا وااحد التأثير زويين على صحتنا النفسية، تتنقص من الستريس، طلع المورال، و تاتفرز هرمون السيروتونين.

🟢 سير خرج للزنقة و شوف شي غاابة، شي جردة، أي مسااحة خضرااء. تمشى تماياا، جري، طلع فشي جبل ولا غي جلس. و خلي التيليفون فالداار، ولا على الأقل ماتديهش معااك و تبقى خداام بيه. عجبااتك شي حااجة صورهاا، و رد طيلي لجيبك و استمتع بالمنااظر.

🔵 بالنسبة لييا أناا، خداام فواحد لبلااصة زويينة سميتهاا تافراانت، فإقليم تاونات. تااطل على وااحد سد الوحدة و المنااظر لي تماا زوينين. تنوريهوم للناس و ماتيتيقوش بلي رااه هادشي فالمغرب، و حتى من الليسي فين خداام كاتطل على وااحد المنظر زويين.

6️⃣ العاادة الخاامسة: تلاقاا الصحااب 🕺💃

⚪ علااش؟: العلاقاات دياالنا هي مصدر ديال الدعم النفسي و تتعطينا واحد الإحساس بالإنتمااء و بلي حناا مااشي بوحدناا، و هاادشي تينقص من القلق بزااف.

🟢 خرج تلاقاا النااس، خرج مع صحاابك ولا دير صحااب جدااد، سير لبلايص فيها النااس بزااف، سول فصحاابك لي قرااو معااك و مابقااوش بيناتكوم تواصل، يلا كانوا بعاادين عليك صوني عليهوم أبيل ڤيديو. عااود للناس الجديد لي فحيااتك، سولهوم على حياتهوم، تنمر عليهوم ولا يتنمروا علييك، تنمروا على بعضيااتكوم و هي غاادة.

🔵 بالنسبة لييا أناا، تندوز أغلب الأوقات ديالي فالدار، إماا تنقراا لكتوبة ولا تنصاايبهوم ولا تنخدم على رااسي بشي طريقة. و لكن واخاا هكااك، كل نهاار تنخصص شي وقت لأني نهضر مع صحاابي (غالباا لبناات بصرااحة 😂😂) و نتعاودوا و صاافي. مااشي ضروري أنه يكون عندناا علايااش نهضروا، فقط تتبقى محاافظ على ديك العلااقة و تتحس بلي رااك مااشي بووحدك فالدنياا.

7️⃣ العاادة الساادسة: نقص من طيلي📱

⚪ علااش؟: رااه بااين علااش. التيليفون تيضيع ليك وقتك فالخواا لخااوي، ماتتقرا كتااب ماتتعلم حتى شي حااجة، و يلا دخلتي للسوشل ميدياا تتلقى غي الأخباار السيئة لي تتزيد دير ليك القلق. بس: بطبيعة الحاال هاادشي تعميم و ماتينطبقش على جميع الحالات.

🟢 بداا تخرج و تخلي طيلي فالداار. ولا خدموا لأمور إيجاابية، تقراا فيه لكتوبة، تسمع لشي بودكاست، تشوف ڤيديو (تعليمي، مااشي شي ڤيديو ٱخوور🐸)، بلوكي الصفحاات لي تتأثر سلباا على صحتك النفسية. فاللخر هو تيبقى وسيلة، يلا عرفتي تخدموا راه غاادي ينفعك؛ ماعرفتيش، غاادي يضرك.

🔵 بالنسبة لييا اناا، تنخدم طيلي فأمور لي تتنفع. مثلاا، هاد لكتااب رااني بديت فاللول تتكتبوا فmemo و عاد دوزتوا لبيسي. تنخدموا باش نبارطااجي الإيجاابية و التحفيزاات. يعني مااشي الطيلي لي خاايب، غي الطريقة بااش حناا تنخدموه و صاافي.

8️⃣ العاادة الساابعة: الإمتناان ❤️💌🤲

⚪ علااش؟: القلق و الخوف هو شعور، لي تيجي فااش تتفكر فشي حااجة لي ماعندكش، ولا شي حااجة لي ماتتقدرش تحكم فيهاا. و الدواء ديالو هو أنك تشوف الأمور لي عندك و تحمد الله عليهاا، هااد الإمتناان عتابروه بحاال شي تريااق لي تيقضي على سم القلق.

🟢 فااش تفيق فالصبااح سول رااسك شنو هوما 3 ديال لحواايج لي أناا حاامد الله عليهوم. و أول حااجة لي تحمد الله عليها هي أنك فقتي داك الصبااح و كتااب ليك تعيش نهاار جديد لي فيه ممكن تصلح أخطااء الماضي و تخدم على طموحات المستقبل و تستمتع باليوم.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"