مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

1️⃣ تقديم

تتحس شي مراات بلي رااك وليتي حسن، تجااوزتي القلق، الستريس، ولا اي مشكل لي كنتي تتعاني منو، و تتقول بلي رااك صاافي ماغااديش تعااود تطيح فالقلق مرة اخرى؟

و لكن واخاا تتكون زدتي للقدام، شوييا بشويا تتلقى رااسك رااجع كيف كنتي: ديماا غضباان و مقلق، تتستريساا على واالو، و تترجع لگااع دوك المشااكل لي صحاابك تجااوزتيهاا.

فهااد الجزء غاادي نهضروا على كيفااش مانعاودوش نطيحوا فالقلق، كيفااش ماتخليش هااد الخدمة كااملة لي درتي تمشي فالزيرو، و كيفااش تحاافظ على هاد التقدم لي درتي. ااه، ليوما رااك بخيير، و لكن وااش هاادشي غاادي يبقى هكاا؟ يمكن هذاا سؤال لي تيجي فباالك. و الجواب هو "ااه، ممكن هاادشي يبقى" فقط خاصناا غي نديروا واحد الخطة بااش تعرف الحاجات لي ممكن ترجعك للقلق فالمستقبل و نديرو خطة بااش نتعاملوا مع هاد الأمور و نتفادااوهوم.

2️⃣ قصة

وااحد لبنت سميتهاا سارة كانت سقطاات فالبااك. و السبب مااشي هو ماكانتش تتقراا ولا تتحفظ، فقط كاانت تتخلع بزااف، و فاش تيقربوا الإمتحانات ديال البااك تتقوليك تمشي تجلس فالداار حسن ليهاا من انهاا دوز الوطني. سقطاات العاام لول حيت بالخلعة و الستريس دمااغهاا تمحى و مابقاات عاارفة واالو. و خدمت معاهاا فالصيف بااش نفس الخطأ مايتعااودش العاام الجااي، و لكن عاادت حليمة (ولا نقولوا عادت ساارة) لعادتها القديمة.

عاامهاا الثااني فالبااك، رجع الستريس، الخوف، القلق و كولشي. و لكن الفرق هو أنه ساارة ماكاانتش غاادي تعااود دوز عليهاا مرة ثاانية، و اهم فرق هو أنه أناا ديجاا وجدتهاا لهاد المسألة. كنت عاارف انه غاادي يجي البااك و أتعااود تخلع عوتااني، و لكن قلت ليهاا شنو دير فديك الحالة.

3️⃣ كيفااش تفاادى القلق فالمستقبل؟

🟢علامات القلق: حدد العلامات و الأعراض الذهنية، الجسمية، و العاطفية لي تتبين بلي رااك اتعااود تطيح فالقلق. هاد العلامات ممكن تكون أنه قلبك تيضرب بالزربة، تتبدا ترعد، تتغضب، ماتتقدرش تجلس بلااصتك، تتنفعل بزااف، و رجعتي تتفاادى شي وضعياات لي غير مريحة.

و ممكن تكون داايز من شي وضعيات لي تتسبب ليك القلق بحال شي مشااكل فالقرااية ولا الخدمة؛ ممكن تكون دوزتي شي إمتحاان صعيب ولا غاادي تدوزوا؛ ممكن تكون خرجتي من الخدمة. ممكن تكون خاارج و تلاقاا نااس لي ماعندكش معاهوم و تيخليوك مامرتااحش. ممكن تدوز من طلااق ولا تشوف شي حااجة فالسوشل ميدياا. هااد الإشارات تتختلف من وااحد لواحد، و لكن فالغالب هوما الأعرااض ديال القلق لي قلناا فاللول دالفصل: أعرااض ذهنية، أعرااض عااطفية، و أعرااض جسدية. و ممكن يوقع شي تغيير كبير فحيااتك.

فااش تيوقع ليك شي مشكل بحال هاادو، جزء من دمااغك غاادي يبغي يكاالميك و يطبق گااع هاادشي لي قريتي لحد الٱن، و جزء ٱخر غاادي يبداا يحس بالقلق و غادي يحااول يرجعك لدوك العادات و التصرفات لي كنتي تادير من قبل فاش تتغضب؛ يمكن تباالغ فرد الفعل، توقع الأسوء، تنهي علاقة حيت خاايف لا الطرف الٱخر ينهيهاا، و غيرهاا. مهم أنك نتاا تدير ما أمكن بااش تعاامل مع الوضعية لي تتسبب ليك القلق بشكل جديد، مااشي كيفااش كنتي تتعامل معاهوم من قبل.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"