مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

1️⃣ تقديم

لحد الٱن تعلمتي بزااف ديال التقنياات لي تعاونك تجاوز القلق؛ تعلمتي كيفااش تبدل أفكاارك السلبية بأفكاار إيجاابية، كيفااش تقااد نعااسك، كيفااش تغلب على نوبات الهلع، كيفااش تكون كاالم فدمااغك، و بزااف دلحواايج، و لكن كيفااش تجمع و ترتب گااع هاادشي لي تعلمتي؟

بسيطة، غاادي نشوفوا شنو هوما المشااكل لي نتاا تاطيح فيها كتر، و غاادي نوجدوا لكل مشكل الحل دياالو. حيت مااشي ضروري تعرف هاادشي و تعقل عليه كاامل، المهم هو تكون نتاا فااهم رااسك و المشااكل ديالك، و فااش تفيق فالصبااح، تفيق و نتا تاايق فرااسك حيت عاارف بلي قاادر أنك تجااوز اي مشكل.

المشااكل جزء من الحيااة، غاادي يكونوا، و لكن داباا واخاا يكونوا غاادي تولي قاادر تعامل معااهوم حيت غاادي تولي عندك خطة بااش تقضي عليهوم، و كااين مرااحل بااش تكون عندك هاد الخطة.

2️⃣ أولا، حدد الأمور لي تتسبب ليك القلق

🟢 شنو هوما الأمور لي تتخليك مستريسي و تقلق. وااش فااش تتلاقاا النااس تتستريساا؟ ولا وااش الإمتحانات هوماا لي تيسببوا ليك القلق و الخوف؟ أولاا لهضرة ديال العاائلة دياالك و التوقعات ديالهوم ليك هي لي تتسبب القلق؟ ولاا ربماا، فااش تادخل لإنسطغراام و تيباالك كولشي عاايش حيااتو إلاا نتاا.

3️⃣ ثانياا، ختاار تقنياات منااسبة لكل مشكل

🟢 فااش تكون عرفتي بالضبط الأمور لي تتخليك مستريسي، كتب حداهاا التقنياات لي تينفعوك كتر بااش تجااوز داك المشكل.

🟢 و بااش تعرف إناا حااجة أتنفعك كتر، أولاا جرب كولشي. تقدر شي تقنية تباالك حاامضة، و لكن فااش تجربهاا تعجبك. اتكون التجربة دياالك مختلفة بزااف على شنو توقعتي فرااسك.

🟢 حااول تفهم المشكل مع رااسك. من بعد هاادشي لي شرحناا خااصك تكون قاادر أنك تفهم المشكل دياالك و لو شوييا. واش عندك شي فكرة سلبية هي لي تتسبب ليك القلق؟ وااش تتهرب من وضعياات و تيتزااد القلق هكاا؟ و ختاار التقنية المنااسبة لكل وضعية. يلا تلفتي رجع قراا هاد الفصل و غاادي تشوف المشااكل و الحلول دياالهاا.

🔵 مثلا، نقولوا شي شخص تيخااف من أنه يهضر قداام النااس. تيكون عندو شي عرض يديروا فلافااك ولا فالليسي. تيكون عندو قبل بشهر و ماتيكونش مخلوع حيت مزاال بعيد، و لكن فااش تيقرب تيبداا تيخااف، تيدعي الأستاذ مايجيش، يديه تيعراقوا و كرشوا تا ضرو، و تيقدر يغيب فاللخر.

فهااد الحاالة الإنساان يقدر يدير شحاال من حااجة. أول خطوة هي يسول بناادم رااسو "ماالي على حاالي" و "لااش محن رااسي". هااد الأسئلة العميقة يلا سولتيهاا غاادي تبداا تبين ليك المشكل فين كااين. يمكن عقلك يقوليك "وا غاادي يضحكوا عليك" ولا "ماغااديش دوز مزياان" ولا شي حااجة خراا. مهم حناا نمشيو بهااد الجوج.

🟢 نتاا قرر شنو دير فهااد الحالة. أناا بالنسبة لييا غاادي نشوف شنو هي المغالطة المنطقية لي كااينة فهاد الفكرة، حيت هاادوا ديماا كاينين. فهااد الحاالة كااين "مغالطة الإستنتاجات السريعة"، و غاادي نتعاامل معاهاا: نقلب على الدليل، نتحدى الفكرة، و نبقى مركز فالحاضر؛ فالحااضر تاحد ماتيضحك علييا، يعني ماعندي مشكل و ماكااين لااش نكبر الموضوع.

🟢 و غاادي نتحدى الأفكاار السلبية و نعوضهاا بفكرة إيجاابية لي نبقى نعااودهاا كل نهاار حتى دخل لرااسي. غاادي ندير تماارين الإسترخااء كل نهاار بااش نقص من هاد الخوف، و نبقى نتخاايل رااسي تندوز دااك العرض مزياان.

بس: فااش تتخاايل رااسك داايز من شي تجربة مستقبلية لي خاايف منهاا، القلق تينقص بزااف و تتحس بالرااحة. فااش تتكون فوسط التجربة تتحس برااسك فمكاان مألوف و تادوز حسن من لي كنتي تتوقع.

هاادوا بعض الأمور لي نقدر ندير بااش نتجااوز داك الخوف و القلق لي عندي. تانتوماا، حددوا الأمور لي تتسبب ليكوم القلق و خططوا كيفااش تعااملوا معاهاا.

4️⃣ ثاالثاا، حاافظ على روتينك اليومي

بااش تكون إنساان لي كاالم و تولي هاادي طبيعتك، ماكاافيش أنه تحدى فكرة سلبية مرة وحدة، دير الحضور الذهني مرة فالشهر، ولا تحقق شي هدف مرة فالعاام، خااصك هاادشي يولي روتين لي تاديروا يومياا. مثلا، يلا كنتي باغي تطريني لحديد، وااش غاادي تطريني نهاار وااحد 4 دالسااعات و توقع بلي صاافي ادير لفصاالة و اتولي صحيح؟ لاا، مايمكنش خااصك تطريني بإنتظاام يلا بغيتي تبني العضلاات.

و هاادشي تينطبق حتى على الجاانب النفسي. الحيااة غاادي توااجه فيهاا مشااكل مختلفة، و خااصك تكون وصلتي لوااحد النيڤو لي غاادي يخليك تبقى كاالم و مرتااح واخاا يجيو المشااكل. هوماا غاادي يأثروا عليك بطبيعة الحاال، و لكن غاادي يولي خااص شي مشكل كبيير بااش يأثر عليك، زاائد، ماغااديش يأثر عليك لمدة طويلة.

🟢 صوو، الحل لهاادشي كاامل هو تدير روتين يومي خااص بك. بداا الصبااح بأنك تماارس الحضور الذهني، التأمل، ولا تفكر فالأمور لي حاامد الله عليهاا. من بعد فالظهر ولا العصر، يمكن ليك تخرج تجري ولا دير شويا ديال الريااضة فالداار. بالليل، تقدر تجلس مع صحاابك و تهضروا. و قبل ماتنعس، عااود كتب الأمور لي حاامد عليها الله، و دير تمارين الإسترخااء بااش تنعس و نتاا مرتااح.

🟢 هذاا غا مثاال، شوف نتا شنو هوما لحواايج لي تينفعوك و تبغي تبقى ديرهوم كل نهاار، و مااشي ضروري دير فالصبااح حااجة و فلعشية حااجة اخرى، يمكن انك دير نفس الحااجة صبااح و عشية. و مااشي ضروري انك تدير لحااجة صبااح و عشية، يمكن أنك تختاار شي حاجة وحدة و ديرهاا فاالصبااح فقط بااش نهاار يدوز زويين.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"