مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

3️⃣ الخطوة الثالثة: شوف شي بديل لدااك الصوت

قلنا بلي داك الصوت و أي مشكل لي تتعاني منو، عندو شي فائدة و هادشي علااش تيبقى لااصق فيك. صوو، فااش تجي تخلص منو، تيخصك تبدلوا بشي حااجة لي غاادي تعطيك نفس دوك الفوائد لي كنتي راابح، و لكن بلا ضرر.

🔵 مثلا، ياسمينة فااش عرفاات بلي داك الصوت تيخليهاا تطور راسهاا، و لكن تيضيع ليهاا بزاف ديال الفرص، بدلااتوا بصوت أخوور لي تيعترف بلي ممكن تغلط و تينبهاا للأخطااء ديالهاا، و لكن تيشجعهاا بااش تكمل و تقااتل و ماتضيعش الفرص. يعني ماجاتش و قالت، غاادي نسكت عقلي و ماغاديش يعاود يهضر، و لكن بلاصة مايهضر و يبقى غي ينتقدني، غاادي نخليه يخدم لصاالحي.

🟢 تانتاا خااصك تبدل داك الصوت لي تيبقى ينتقدك بشي صوت اخور لي غادي يكون متواازن: يوريك الأخطاء ديالك و لكن يشجعك تزيد للقدام. مثلاا:

• بلااصة ماتبقى تقول على رااسك بلي نتاا فااشل، اتبدا تقول هانتاا تتعلم و كل خطوة للقدام تتبقى حااجة زويينة.
• بلااصة ماتبقى تقول عمرك غاادي تنجح، قول بلي النجااح تيااخد وقت و مجهود، و مع المثاابرة غاادي نوصل.

4️⃣ الخطوة الراابعة: شوييا داللوجيك عافااك

لي لااحظت أناا هو بزااف ديال الأوقات، ماتيكونش عدناا مشكل فالوااقع، تيكون المشكل هو الطريقة بااش حناا تنشوفوا الوضعية، و الافكاار ديالناا. مثلا، إنساان تيكون تيقول بلي حيااتو خااصها تكون مثاالية و تا حااجة ماتعكس ليه، و فااش تتعكس شي حااجة داك الصوت تيبداا ينتااقدوا و تيقوليه بلي نتاا فااشل.

🔵 ياسمينة كاانت بحاال هكاا، بالنسبة ليها الخدمة ديالهاا خاصها تكون مثالية و عمرهاا تغلط، و كاانت داايرة قيود مختلفة على رااسهاا، و لكن فااش بداات تتشوف واش دوك التوقعاات ديالهاا منطقية ولا لاا، قدراات أنهاا تغيرهوم و شاافت بلي تا شي إنساان ما مثاالي. يعني ماولااتش هي حسن فخدمتهاا ولا جاهاا شي مشروع جديد و نجحاات فيه، غي بدلاات دوك الأفكاار 'المعتوهة' و الغير منطقية و ولاات بخيير.

🟢 تأكد مع رااسك نتاا داباا وااش عندك شي شروط لي غير منطقية. وااش عندك شي توقعاات كبيرة لحيااتك؟ بااش تتوقع من رااسك تكون مثاالي؟ وااش تاتوقع شي حاجة لي ممكنة أصلاا؟ و يلا كانوا التوقعات لي عندك مااشي منطقيين بدلهوم.

5️⃣ الخطوة الخاامسة: خلي العاادة جزء منك

گااع هادشي لي قلتوا ليكوم فهاد لكتااب، ماغااديش ينفعك يلا ماطبقتيهش، و حتى يلا طبقتيه غي مرة وحدة، غاادي تنسااه، تيخصوا يولي جزء منك، و ديروا ليوم غداا حتى يولي طبيعتك.

🔵 ياسمينة ماجااتش بين ليلة و نهاار و ولاات تايقة فرااسها و بدلاات داك الصوت، و لكن بقاات كل نهاار تتفكر راسهاا بلي راها قادرة تعلم و تولي حسن. و فوق مااكانت تتجيهاا شي فكرة سلبية، كاانت تتغيرهاا بشي فكرة إيجابية. و مع المدة لقاات فرق كبيير بزااف فالتفكير ديالهاا و فحيااتهاا.

🟢 بااش تخلي التفكير الإيجاابي جزء منك، بداا كل نهاار بأنك تقول شي حاجة إيجاابية لرااسك. ماتخليش داك الصوت ينتقدك بزااف، مع الإنتقااد اللول مع تبدل ديك الفكرة السلبية، و حتاافل بأي تقدم درتي، فااش تلقى رااسك تتفكر بطريقة إيجاابية فتااخر برااسك.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"