مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

0️⃣ تقديم

كلناا عدناا وااحد الصوت فلدااخل ديالناا لي تينتقدناا، تيطيح ليينا لمورال، تيخليينا نبالغوا فالتفكير، و تيدير ليناا الستريس، صووت لي ماتيخلينااش نرتااحوا واخاا نديروا اي حااجة. و يلا بديتي تتقول مع رااسك داباا 'لاا إناا صووت؟ أناا ماعندي حتى شي صوت' عرف بلي هااد الصوت لي سمعتي، هو علايااش تنهضر. هااد الصوت ديماا كااين و تيخلي أي مشكل لي تنعانيو منو يباان كبيير بزااف و تيعطيه كتر من قيمتو، بحاال يلا شي كاميرااماان تيزومي بزااف على اللقطة و تيخلييها تباان فشكل بتأثيراات درامية، و دااكشي.

و غاادي نشوفوا داباا 5 ديال الخطواات بااش نتخلصوا منو، و هااد 5 ديال الخطواات خاصكوم تعقلوا عليهوم لاحقااش غاادي نطبقوهوم فااش نبغيو نتخلصوا من المشااكل لي اتجي فهاد لكتااب. و بااش تعرفوا هاد الخطواات، غاادي نعاود ليكوم قصة ياسمينة، بنت من الربااط لي مرضهاا هاد الصوت الدااخلي فحيااتهاا.

1️⃣ أول خطوة: شنو المصدر ديال المشكل؟

أول خطوة باش نتخلصوا من هاد المشكل و أي مشكل من غيروا، هي نعرفوا المصدر. و فالجاانب النفسي، تيكون المصدر هو شي رغبة و حاجة نفسية لي تنحاولوا نشبعوا، ولا شي حدث لي وقع لينا حناا، و كيفااش فهمناا هاد الحدث. مثلا، طلقوا واليديك (حدث) و قلتي مع رااسك تاحد ماتيبغيك و النااس ديماا غادة تهرب عليك. (الفهم) و بسبب داك الفهم 'لعوج' و الفكرة لي خديتي وليتي تتحس بوااحد الشعور سلبي، و تتقوم بتصرف سلبي اخور.

ياسمينة كاانت مصممة دالگرافيك، و واخاا كانت مزياانة فخدمتهاا عمرهاا ماحساات براسها وااعرة، ديماا تتشوف غي التفاصيل لخايبين لي اصلاا تا وااحد ماكاان تيلااحظ من غيرهاا. و دااك الصوت كاان تيطيح ليهاا لمورال و تيقوليهاا بلي نتي لاا علااقة فخدمتك، غا سيري بدلي الحرفة و ديري شي حااجة خراا.

🔵 أول حااجة قلت أناا لياسمينة هي خاصها تعرف علااش ديما تتنتقد رااسها. سولاات راسهاا "علااش ديماا تنحس بلي خدمتي نااقصة؟" و فاللول ماعرفااتش و لكن بقاات تتقلب و تتسول راسهاا و من بعد عقل ديالهاا قاليهاا بلي هاادشي جا من الطفولة دياالهاا حيت واليديهاا ديماا كانوا تيبغيوها تكون طووب و كانوا ضاغطين عليهاا و تا هي كاانت ضااغطة على رااسها بااش ترضيهوم.

🟢 بااش تعرفوا نتوما المصدر و السبب لااش تتبالغوا فالتفكير و لااش تنتااقدوا رااسكوم، سولوا راسكوم هااد الأسئلة:

• شنو لحااجة لي اناا خاايف منهاا؟
• شنو هي أسوء حااجة ممكن گااع توقع؟
• شنو هي شي فكرة لي تحت من هاد الإنتقادات؟
• شنو گااع غاادي يوقع؟
• مناايااش هاد الإنتقادات تيحاولوا يحميوني؟
• شنو الهدف من هااد المبالغة فالتفكير؟

2️⃣ الخطوة الثاانية: بااش ناافعك هاد المشكل؟

داباا هاادي أتباان غريبة، و لكن خااصك تعرف بلي أي مشكل لي نتاا تتعاني منو، و ماقدرتيش تخلص منو، راه نافعك، رااه عندو وااحد الدور إيجاابي فحيااتك. هو ااه، مشكل و تيضرك و لكن رااه عندوا وااحد النفع فنفس الوقت.

🔵مثلا، ياسمينة كاان ضاارهاا هاد الصوت لي تينتقدهاا، و لكن لقاتوا نافعهاا فنفس الوقت، كان نافعهاا لاحقااش خلاهاا تعطي مزياان فالخدمة و تقااتل بااش تولي طوب، و تفادى الفشل. و لكن من جاانب ٱخور كان ضاارهاا لاحقااش ماتيخليهااش تزعم، تتجيهاا شي فرصة زويينة و تاضيعهاا من يديهاا لاحقااش خاايفة تفشل و دااك الصوت تيبداا عليهاا "اوااش من نيتك، هاادشي رااه صعيب، غي بلا ماتحااولي."

🟢 داباا باش تخلصوا من هاد الصوت السلبي، خاصكوم تعرفوا بااش نافعكوم، سولوا راسكوم هاد الأسئلة بااش تعرفوا:

• بااش تينفعني هاد الصوت؟ و بااش تيضرني؟
• شنو تنربح فااش تنسمع لهاد الصوت و شنو تنخسر فااش تنسمع ليه؟
• وااش تانضيع فرص فحيااتي بسباابوا؟
• ايش استفاادت الأمة من هاد الصوت؟