مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

المثاالية هي وااحد الخصلة لي تتباان زويينة فالإنساان من براا، تتباان للناس بلي راك تتقاتل و تتخدم من نيتك، و رااك مثالي، و لكن من لدااخل تتعدبك. تتولي تتوقع شي حاجاات مستحيلة من رااسك، تتسبب ليك القلق، و تتخليك تخااف من شي حاجة سميتهاا الفشل، غي فااش تتفكر فيه تيضرك خااطرك. ماتتبقااش رااضي على حيااتك، خدمتك، و أي حااجة لي درتي.

و غاادي نشوفوا داباا 5 ديال الخطواات بااش نتخلصوا من هاد المشكل، و هااد 5 ديال الخطواات خاصكوم تعقلوا عليهوم لاحقااش غاادي نطبقوهوم فااش نبغيو نتخلصوا من المشااكل لي اتجي فهاد لكتااب. و بااش نفهموا هاد الخطواات، غاادي نعاود ليكوم قصة كريم، طالب جاامعي من كازاا و المعاناة ديالو مع المثالية.

1️⃣ أول خطوة: شنو المصدر ديال المشكل؟

أول خطوة باش نتخلصوا من هاد المشكل و أي مشكل من غيروا، هي نعرفوا المصدر. و فالجاانب النفسي، تيكون المصدر هو شي رغبة و حاجة نفسية لي تنحاولوا نشبعوا، ولا شي حدث لي وقع لينا حناا، و كيفااش فهمناا هاد الحدث. مثلا، طلقوا واليديك (حدث) و قلتي مع رااسك تاحد ماتيبغيك و النااس ديماا غادة تهرب عليك. (الفهم) و بسبب داك الفهم 'لعوج' و الفكرة لي خديتي وليتي تتحس بوااحد الشعور سلبي، و تتقوم بتصرف سلبي اخور.

كريم كاان قرااي فالليسي ولافااك، و لكن شحاال ماجااب، و واخاا يڤاليدي كولشي بمونسيون ماكاانش تيرتااح، تيساالي من إمتحانات ليوم، و تيبداا يرااجع و يقراا للإمتحانات ديال السوميستر لي جااي، و المشكل واخاا كاان تينجح و كولشي، ماكاانش تيفرح برااسو، غي تيقراا و تيخدم و ماتااياخدش حتى دقيقة فأنه يشوف راسو شنو داار و يفتااخر برااسو.

🔵 عوتااني مع كريم، قلت ليه بلي خااصوا يعرف السبب ديال المشكل، علااش ديماا تيحااول يكون مثالي، شنو لي خلااه يضغط على رااسو بهاد الطريقة. و فااش سول رااسو أسئلة باش يعرف سبب المشكل، لقاا رااسو خاايف لا يكون ضحكة و يباان مكلخ قدام النااس.

🟢 بااش تعرفوا نتوماا السبب ديال حب المثالية، سولوا راسكوم هاد الأسئلة:

• علااش أناا خاايف من الأغلااط؟
• علااش خااصني ديماا نااخد القرار الصحيح؟
• شنو أسوء حااجة ممكن توقع يلا ماكنتش مثاالي؟
• شنو تنقول مع رااسي فااش ماتنكونش مثاالي فدمااغي؟

2️⃣ الخطوة الثاانية: بااش ناافعك هاد المشكل؟

داباا هاادي أتباان غريبة، و لكن خااصك تعرف بلي أي مشكل لي نتاا تتعاني منو، و ماقدرتيش تخلص منو، راه نافعك، رااه عندو وااحد الدور إيجاابي فحيااتك. هو ااه، مشكل و تيضرك و لكن رااه عندوا وااحد النفع فنفس الوقت.

🔵 مثلاا، كريم كاان تيعااني بسبب هاد الصوت، كاان ديماا تيحس بلي رااه مكلخ، ماتيديهش النعااس بالليل، الإرهااق، تيبقى يأجل الخدمة ديالو، و لكن واخاا هاادشي كاامل، كاان فاللخر مستفد وااحد لحااجة: مستفد أنه تيجي هو اللول فالقسم، و هاادشي كاان عااجبوا.

🟢 بااش تخلصوا حتى نتوما من المثاالية، خاصكوم تكونوا صريحين مع رااسكوم و تعترفوا بالإيجاابيات و السلبياات ديال هاد المشكل. سولوا راسكوم هااد الأسئلة بااش تعرفوا الجوااب:

• شنو تنربح فااش تنحااول نكون مثاالي؟
• شنو تنخسر بسبب هاد المثالية فالجاانب العاطفي، الذهني، و الجسدي؟
• كيفااش حيااتي أتغير يلا ماكاانتش تنحااول نكون مثاالي؟