تحميل كتاب "عقلك، صديقك المقرب الجديد" 

1️⃣ تقديم

تخاايل أنه يكون عندك وااحد الشخص ولا اشخااص لي ديماا تتمشي عندهوم فااش تيكون عندك شي مشكل، شخص لي عاارفواا غادي يسمع ليك حتى تساالي لهضرة، يعطيك الدعم النفسي، يقترح عليك حلول، يفرحك، عمروا يخون الثقة دياالك و أهم حااجة يكون ديماا فجنبك.

حيااتك اتكون مختلفة بزااف، ماتتعنيش انه حيااتك اتكون مثالية ولا ديماا فرحاان، هاادي ماشي منطقية الحيااة فيهاا مشااكل، و لكن على الأقل فوسط گااع دوك المشااكل غاادي يكون إنساان لي هو ملااذ ٱمن بالنسبة ليك.

و العكس كذلك ممكن: يقدر يكون الإنساان نااجح فحيااتو، خداام ولا عندو مشروع ديال رااسو، عندو لفلوس، قااري و وااعي، عندوا الداار و الطونوبيل، ديماا تيساافر و عندوا گااع دااكشي لي حناا تنعتبروه نجااح، ماعندوش مشااكل كباار، و لكن ماعندوش معاامن يشاارك هاادشي، غاادي يكون وااحد النقص فحيااتو. الجودة ديال العلاقات ديالنا تتحدد الجودة ديال حيااتناا.

يلا كانوا عندك صحااب كاتيق فيهوم، هاادشي تينقص الستريس، تيزيد الثقة بالنفس، تيخليك تحس بالإنتمااء و الأماان فوسط الحيااة و المشااكل ديالهاا. و فهااد الجزء غاادي نشوفوا كيفااش تبني علاقاات إيجاابية فحيااتك لي تخليك قوي فوجه الحيااة، كيماا تيقولوا "تمييل و ماطيحش".

2️⃣ كيفااش تبني علاقات لي تزيد بيك للقدام

🟢 أولا، فكر فشكون النااس لي عندك فحيااتك داباا. كتب السمياات ديال الناس لي كاتيق فيهوم و تتكون مرتااح معاهوم و تقدر تشاارك المشاعر ديالك معاهوم. هاد النااس تقدر تكون عاائلة ولا صحااب ولا أسااتذة، ولا أي نااس لاقاتك بيهوم الحيااة.

🟢 شنو تيزيدوك: فكر فكيفااش كل وااحد تيسااندك، وااش تيسمعوا ليك بلا مايحكموا ولا يضحكوا عليك. وااش تيقدموا ليك النصيحة؟ وااش تيعااونوك تطور رااسك و تيعطيوك حلول للمشااكل ديالك. مهم انك تعرف هاد النااس شنو تيزيدوك بالضبط.

🟢 سير هضر معااهوم: فاش تعرف النااس لي عندك فحيااتك و فااش تيسااندوك بالضبط، تواصل معاهوم فاش تحتااج داك الدعم لي تيقدموا ليك. فااش تكون محتااج شخص لي غير ايسمع ليك، سير عند دااك الشخص. فااش تحتااج نصيحة و إنساان لي يجيك للصرااحة، تا هو سير عندوا و طلب منوا يقدم ليك نصيحة.

🟢 عبر على الحاجياات دياالك بشكل مبااشر. يلا كنتي بااغي شي مسااعدة مختلفة على شنو تيقدموا ليك هاد النااس، قولها ليهوم بشكل مبااشر. و بطبيعة الحال، كون وااجد لأن هاد النااس ترفض. كااين لي ماتيعرفش يعطي النصيحة ولا ماتيبغيش، و تيفضل أنه يبقى يسمع ليك و صاافي. هانياا، تقبل هادشي منهوم.

🟢 قلب على نااس جداادين: ممكن أنه هاد النااس لي ديجاا عندك يكونوا مشغولين بعض الأوقات ولا العلاقة ديالكوم تساالي إما لشي سبب ولا فقط مع الوقت. قلب على نااس لي تيشاركوك الإهتمامات ديالك، نااس لي ممكن يسااعدوك، نااس لي نتاا محتااج فحيااتك.

🟢 ماتنسااش مسألة هااك و أراا: بإختصاار، ماتكونش أنااني؛ كيماا نتا تتوقع النااس يسمعوا ليك و يعاونوك، حتى نتاا خااصك تسمع للناس و تعاونهوم.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"