مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

3️⃣ الخطوة الثالثة: شوف شي بديل لدااك المشكل

قلنا بلي داك حب المثالية و أي مشكل لي تتعاني منو، عندو شي فائدة و هادشي علااش تيبقى لااصق فيك. صوو، فااش تجي تخلص منو، تيخصك تبدلوا بشي حااجة لي غاادي تعطيك نفس دوك الفوائد لي كنتي راابح، و لكن بلا ضرر.

🔵 فااطمة كان خاصهاا تشوف شي حااجة اخرى بااش تحس بلي عندهاا قيمة و ماتحسش بالوحدة عااد اتقدر تخلص من هاد الإدماان. و بالنسبة لييها رجعاات لشي هواياات زوينين كانوا عندها بحال الرسم. واخاا كانت مبتدئة و بحاال يلا تترسم برجليهاا (هي لي قالت هاد لهضرة، مااشي أناا) كاانت فرحاانة. مااشي ضروري تكون وااعر فشي حااجة عااد تفرح بيه. هااد الهوااية الجديدة ديالهاا خلااتها تلاقاا بالنااس و تحس بالشعور بالقيمة.

🟢 داباا من بعد ماعرفتي شنو راابح من داك الإدماان، قلب على شي حااجة لي تحقق ليك داك الشعور و تعطيك ديك الفائدة و لكن ماضركش. ها بعض الأمثلة لخفيفة:

• كنتي مدمن على المخدراات حيت تيعاونوك تنقص من الستريس، بداا دير الرياضة و خرج تجري مع صحاابك.
• كنتي مدمن على الأفلام الإباحية حيت تتحس بالوحدة و ماتتلقاش معامن تهضر، بداا تعمر وقتك بلقرااية ديال لكتوبة و تعرف على نااس لي تاهوما عندهوم هااد الشغف.
• كنتي مدمن على المااكلة دالزنقة ولا على السوشل ميدياا حيت تتحس بالغضب و تيخصك شي حااجة لي تكالميك، بداا تماارس التنفس العميق و تمارين الإسترخااء.

4️⃣ الخطوة الراابعة: شوييا داللوجيك عافااك

لي لااحظت أناا هو بزااف ديال الأوقات، ماتيكونش عدناا مشكل فالوااقع، تيكون المشكل هو الطريقة بااش حناا تنشوفوا الوضعية، و الافكاار ديالناا. مثلا، إنساان تيكون تيقول بلي حيااتو خااصها تكون مثاالية و تا حااجة ماتعكس ليه، بلي النااس كاملين خاصهوم يبغيوه و فااش الوااقع تيكون مغااير لهاد التوقعات الخيالية، تماا تيبداو المشااكل.

🔵 فااطمة كان خاصها تحيد وااحد الفكرة من رااسها: الفكرة هي أنه كانت تتقول خاصها فكل دقيقة من كل سااعة تتهضر مع النااس و تاضحك معاهوم. بالنسبة ليها، يلا ماكاانش هادشي راه أتحس بالوحدة. هاادي مااشي منطقية لاحقااش عادي تلقى صحابك مشغولين، ولا يكونوا مساليين و لكن مافيهوم لي يهضروا ولا ماكااين مايتقاال أصلاا. مااشي ضروري تكون تتهضر مع النااس كل سااعة. فااش حيداات هاد الفكرة رتااحت كتر و مابقااتش ضروري أنهاا تدير الرسم ولا دير أي حااجة. تتجلس بوحدهاا و تتكون بخير.

🟢 حتى شوف رااسك شنو لحااجة لي مدمن عليها، و شوف شنو هو السبب، و حااول تبحث على الحااجة لي ماشي لوجيك. مثلا:

• وااش مدمن على الأفلام الإباحية تتكره الملل و فأي لحظة لي تتحس بالملل تتبدا تفرج فيهوم؟ بدل عقليتك من أن الملل خاايب لأن الملل شعور عاادي و فااش تتحس بالملل يمكن ليك غي تجلس مع رااسك و تفكر فحيااتك.
• وااش مدمن على المخدراات حيت تتغضب بزااف؟ يلا كان السبب ديال الغضب دياالك هو أن النااس ماتيتصرفوش كيف مانتاا بااغي، خااصك تبدل هاد الفكرة حيت مااشي منطقي أن النااس تقوليك "سمعاا و طاعة" و تصرف كيف ما نتاا بااغي.

5️⃣ الخطوة الخاامسة: خلي العاادة جزء منك

گااع هادشي لي قلتوا ليكوم فهاد لكتااب، ماغااديش ينفعك يلا ماطبقتيهش، و حتى يلا طبقتيه غي مرة وحدة، غاادي تنسااه، تيخصوا يولي جزء منك، و ديروا ليوم غداا حتى يولي طبيعتك.

🔵 فاطمة كانت تتمشي درجة بدرجة. ماشي جاات و قالت بلي ماغاداش تعااود تخدم سوشل ميدياا فحيااتها ولا ماغاديش تشري شي حااجة جديدة. هاادوا أهداف كباار و بصرااحة ماشي منطقيين. السوشل ميديا و تشري لحواايج هوما أمور لي زوينة يلا لوااحد خدم مبدأ الوسطية و الإعتداال. و كانت فوق ماتتبعد على لفاايس لشي مدة، تتفرح براسهاا و هادشي خلاهاا تكمل.

🟢 تانتوماا اسياادي، سيرول درجة بدرجة. ممكن تغلب على أي إدماان و لكن خاصك تمشي شويا بشويا، فااش تبعد على الحاجة لي مدمن عليها لمدة ساعة، فرح برااسك؛ لمدة نهاار، فرح برااسك؛ لمدة سيماانة، فرح برااسك؛ لمدة شهر، شنو غاادي دير؟ ايييه، اتفرح برااسك. شحاال مافرحتي برااسك شحاال ماتتعلم دمااغك أن هاد السلوك الجديد زويين، و غاادي يعااونك أنك تبقى غاادي فطريق جديدة.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"