مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

0️⃣ تقديم

للأسف بزااف ديال النااس تيتجربوا المخدرات فااش تيكونوا مراهقين، و تيكونوا بلاا عقل. كااين فيهوم لي تيديرهاا بااش يباان قدام صحاابو ولا قداام بناات (و فاللخر ديك البنت تتخليه و تتزوج، ولا أصلاا ماكاانتش مسوقة ليه ولا عارفة حتى شكون هو) و كااين لي تيبداا يكمي بااش يهرب من المشااكل، تتلقى مشااكل عاائلية فالداار و تيبغي ينساهوم بالتدخين و البلية. و واخاا هاادي حااجة لي مااشي منطقية أنك تهرب من مشكل لمشكل اخوور، هاادي هي لحااجة لي تنشوفوا بزااف.

فهااد الجزء غاادي نهضر على كيفااش الإنساان يمكن ليه يطبق دوك 5 دالخطوات لي شفنا لحد الٱن بااش يتخلص من الإدماان. غاادي نهضر على قصة بنت من فاس سميتها فاطمة و كيفااش هي تخلصاات من الإدماان ديال السوشل ميدياا و الإدماان ديال الشوبينغ، تشري لحواايج بشكل مبالع فيه. و واخاا تكون نتاا ولا نتي مدمنين على شي حااجة اخرى، عرفواا بلي هاادشي لي غاادي تقرااو تينطبق و غاادي ينفعكوم بغض النظر على المشكل ديالكوم.

1️⃣ أول خطوة: شنو المصدر ديال المشكل؟

أول خطوة باش نتخلصوا من هاد المشكل و أي مشكل من غيروا، هي نعرفوا المصدر. و فالجاانب النفسي، تيكون المصدر هو شي رغبة و حاجة نفسية لي تنحاولوا نشبعوا، ولا شي حدث لي وقع لينا حناا، و كيفااش فهمناا هاد الحدث. مثلا، طلقوا واليديك (حدث) و قلتي مع رااسك تاحد ماتيبغيك و النااس ديماا غادة تهرب عليك. (الفهم) و بسبب داك الفهم 'لعوج' و الفكرة لي خديتي وليتي تتحس بوااحد الشعور سلبي، و تتقوم بتصرف سلبي اخور.

🔵 بالنسبة لفاطمة الزهرااء، كان المشكل هو أنها تتحس برااسها وحيدة. ماكانوش عندهاا الصحااب فالواقع، و كانت تتحس بلي ماعندهاا حتى شي قيمة. و كاانت بااش تهرب من هاد الفكرة تتبنج رااسها بالسوشل ميدياا و بلحواايج. كاانت تتبقى نهاار كاامل فلفاايس بااش تلقى معامن تهضر و فنفس الوقت ماتبقااش جاالسة تتسمع للأفكاار ديالهاا، و كاانت تتخسر فلووس بزااف فلحواايج بااش تهلا فراسها، تنسى ديك الوحدة و تحس بلي رااه عندها قيمة بسبااب داك اللبااس لي تتلبس.

🟢 دابا نتا خاصك تشوف شنو تتاخد من داك الإدمان. وااش تيخليك تنسى شي مشكل عندك؟ تيعاونك تنسى شي شعور سلبي؟ تيخليك تحس بشي شعور إيجاابي؟ ولا شنو بالضبط. تفكر ٱخر مرة قمتي بداك الإدماان ديالك و سول رااسك هاد الأسئلة بااش تعرف:

• شنو المشااعر لي تنحس بيهاا فااش تنقوم بهاد العادة؟
• منااياش تنحااول نهرب فااش تندير هاد لحااجة؟
• شنو لحااجة لي خلااتني نقوم بهاد السلوك؟

2️⃣ الخطوة الثاانية: بااش ناافعك هاد المشكل؟

داباا هاادي أتباان غريبة، و لكن خااصك تعرف بلي أي مشكل لي نتاا تتعاني منو، و ماقدرتيش تخلص منو، راه نافعك، رااه عندو وااحد الدور إيجاابي فحيااتك. هو ااه، مشكل و تيضرك و لكن رااه عندوا وااحد النفع فنفس الوقت.

🔵 بالنسبة لفاطمة، كانت تتربح أنها تنسى الشعور بالوحدة، تفرح، و تحس برااسها مميزة حيت عندهاا گااع دوك لحواايج. و لكن كانت تاضر رااسها من الناحية الماادية، كاانت تاضيع وقتهاا و تتبقى تكونيكطاا فوسط الخدمة و هادشي جبد ليها الصدااع. فااش عرفاات هي بلي هاد السلوك تيضرهاا كتر ماتينفعهاا عااد قدراات انهاا تغيروا.

🟢 بااش تخلصوا حتى نتوما من أي إدمان لي تتعانيو منو، خاصكوم تكونوا صريحين مع رااسكوم و تعترفوا بالإيجاابيات و السلبياات ديال هاد المشكل. سولوا راسكوم هااد الأسئلة بااش تعرفوا الجوااب:

• شنو تنربح من هاد السلوك؟
• كيفااش غاادي تولي حيااتي يلا بقيت تندير هادشي؟
• كيفااش هاد الإدماان تيأثر على علاقتي بالناس، خدمتي/قراايتي، و إحتراامي لنفسي؟
• وااش هاد المتعة تستحق أني نضحي بحيااتي و السعادة ديالي فالمستقبل؟