مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

3️⃣ الخطوة الثالثة: شوف شي بديل لدااك المشكل

قلنا بلي الغضب و أي مشكل لي تتعاني منو، عندو شي فائدة و هادشي علااش تيبقى لااصق فيك. صوو، فااش تجي تخلص منو، تيخصك تبدلوا بشي حااجة لي غاادي تعطيك نفس دوك الفوائد لي كنتي راابح، و لكن بلا ضرر.

🔵 عمر داار جوج ديال الحواايج بااش يتعاامل مع الغضب دياالو. أولاا، بدا يطريني لكيك بوكسينغ بااش يخوي دااك الجهد و الغضب لي تيحس بيه و يرتااح. و فنفس الوقت هاادشي خلااه يتيق فرااسو، لاحقااش عرف بلي شكون لي يقدر يحگروا و هو تيطريني لكيك بوكسينغ؟ و السيد تبدلاات ليه المشية من بعد الحصة لولة تباارك الله.

و الحااجة التاانية هي ولاا تيجي بناادم مبااشرة. داباا قبل كاان تيحس بلي النااس ايحگروه لاحقااش هو ماكاانش تيهضر، ماكاانش تيقول للناس شنو قاابل يدير و شنو راافض. و فااش كانوا النااس تيجيو يطلبوه على حواايج مختلفة، كاان تيحس بلي داكشي بالسيف عليه و تيحس براسو دري صغيير ماقادر يدير واالو.

و لكن غي فااش ولاا تيهضر على راسو و تيقول للناس لحوايج لي تيبغي يدير، مابقا تا شي واحد تيجي يطلب منو شي حاجة لي ماباغيش. و يلا جا شي حد طلب منو شي حااجة، ولااو تيطلبوهاا بطريقة محترمة. و مابقااش عمر تيحس بالخوف، و فاللخر خرج من داك لكيك بوكسينغ، خواا الغضب لي كاان تيحس بيه، و مابقاا عندو لااش يكمل. و لكن بقاا محاافظ على المشية الجديدة دياالو من بااب الإحتيااط.

🟢 داباا نتوما شفتوا داك الغضب بااش نافعكوم، داباا خاصكوم تختااروا شي وسيلة بااش تبعدوا على راسكوم دااكشي لي خايفين منو. مثلاا:

• تانتوماا دخلوا طرينيو شي ريااضة، خرجوا تجريو بااش تخويو دااك الغضب.
• بدااو تمارسوا التنفس العميق، و حبسواا شوييا قبل ماتجااوبوا اي وااحد و تنفااعلوا.
• سول رااسك وااش هادشي لي غاادي نغضب عليه يستااحق.
• و بداا تجي بنادم نيشاان. قوليهوم بلي نتاا ماتبغيش دير شي حواايج، قوليهوم لحواايج لي ماتبغيهومش هوما يديروا، قوليهوم أي حااجة لي محتااج بااش تفاادى الغضب.

4️⃣ الخطوة الراابعة: شوييا داللوجيك عافااك

لي لااحظت أناا هو بزااف ديال الأوقات، ماتيكونش عدناا مشكل فالوااقع، تيكون المشكل هو الطريقة بااش حناا تنشوفوا الوضعية، و الافكاار ديالناا. مثلا، إنساان تيكون تيقول بلي حيااتو خااصها تكون مثاالية و تا حااجة ماتعكس ليه، بلي النااس كاملين خاصهوم يبغيوه و فااش الوااقع تيكون مغااير لهاد التوقعات الخيالية، تماا تيبداو المشااكل.

🔵 عمر كاان هكاا عوتااني. من غير الطفولة ديالو، السيد كاان عندوا توقعاات خيالية بحال أن كولشي خااصوا يتاافق معااه، كولشي خااصوا يكون كيف بغاا هو، واخاا السيد كاان قريب يدير 30 عاام، كاان بحاال شي دري صغير لي خااصك تدير ليه خاطروا ولا ينوض يغوت و يبكي ليك تماا.

🟢 ماتكونوش نتوماا بحال عمر. خاصكوم تعرفوا بلي العاالم ماغااديش يمشي كيف باغيين نتوماا. بطبيعة الحاال يمكن ليكوم أنه ماتدخلوش نااس لحيااتكوم يلا ماكانوش كيف باغيين، و لكن تأكدوا بلي التوقعات ديالكوم منطقية بااش فاللخر ماتلقااوش راسكوم بوحدكوم. سول رااسك تا هاد الأسئلة بااش ترااجع نفسك:

• شنو هوما التوقعات الخياالية لي عندي لرااسي و للناس؟
• كيفااش نغير تفكيري بااش يكون منطقي كتر؟
• وااش ممكن أنه نغير الوااقع ديالي فهااد الحاالة ولا ايخصني نتقبلوا كيف ماا هو؟

5️⃣ الخطوة الخاامسة: خلي العاادة جزء منك

گااع هادشي لي قلتوا ليكوم فهاد لكتااب، ماغااديش ينفعك يلا ماطبقتيهش، و حتى يلا طبقتيه غي مرة وحدة، غاادي تنسااه، تيخصوا يولي جزء منك، و ديروا ليوم غداا حتى يولي طبيعتك.

🔵 السي عمر بقاا ديماا تيفكر رااسو بلي رااه مابقااش دري صغير و بلي ماغااديش يتحگر. كاان تيشوف رااسو فالمرااية كل نهاار و تيقول لراسو نتاا هو السبع، نتاا هو العرندس، نتاا إنساان كبير و قاادر أنك تحمي رااسك. و بقاا ديماا تيفكر رااسو أنه الخوف و الألم لي تيحس بيه مااشي مبرر بااش أنه يعاامل النااس بطريقة خاايبة، و يمكن هاادي حااجة لي كلناا خاصناا نتفكروا.

🟢 شوف نتا شنو يمكن ليك دير بااش تغير طبيعتك شوييا و تخلي لكاالم و الهدوء جزء منك. المرة الجااية فااش شي حد يصعرك و تبغي تغوت عليه، بداا تفكر شي نكتة، سول رااسك شي سؤال تيضحك، بدل السااعة بخراا و سير فكر فكيفااش بااغي تعاامل مع ديك الوضعية. و فوق ماتحكم فالغضب دياالك، دير شي حااجة زوينة لرااسك، شي مكافأة.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"