مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

0️⃣ تقديم

الغضب هو شعور لي كولشي تيحس بيه، و تيكون شي مراات مزياان، تيخليك تخدم و تغير الحااجة لي ماعجبااتكش. مثلاا، شفتي شي إنساان تيحگر شي حد اخور و تيتعدى عليه، ولا شفتي شي وااحد تيسيء للإسلام، فهااد الحالة الغضب ايكون مزياان لاحقااش ايخليك تنوض و تغير الحااجة لي ماعاجبااكش.

و لكن فااش تتولي صااعر كل دقيقة، فااش تتولي تتغضب على سبة، فااش تتولي تتخسر علااقتك بالنااس ديماا و تتندم من بعد، فااش تتولي ديماا تتغوت و تتداابز، هناا الغضب تيولي مشكل، هناا تيخصك تخلص منو. و فهاد الجزء غاادي نشوفوا كيفااش تخلص منو. عوتااني غاادي نتبعوا نفس الخطوات لي شفنا من قبل، و غادي نشوفوا كيفااش دري سميتو عمر خدمهاا بااش يولي يتحكم فرااسو.

1️⃣ أول خطوة: شنو المصدر ديال المشكل؟

أول خطوة باش نتخلصوا من هاد المشكل و أي مشكل من غيروا، هي نعرفوا المصدر. و فالجاانب النفسي، تيكون المصدر هو شي رغبة و حاجة نفسية لي تنحاولوا نشبعوا، ولا شي حدث لي وقع لينا حناا، و كيفااش فهمناا هاد الحدث. مثلا، طلقوا واليديك (حدث) و قلتي مع رااسك تاحد ماتيبغيك و النااس ديماا غادة تهرب عليك. (الفهم) و بسبب داك الفهم 'لعوج' و الفكرة لي خديتي وليتي تتحس بوااحد الشعور سلبي، و تتقوم بتصرف سلبي اخور.

🔵 بالنسبة لعمر، كاان الغضب وااحد الوسيلة بااش يداافع على رااسو. فااش كان صغير كاان تحگر بزااف ديال المراات فالمدرسة، و فااش كبر، بقاا تيحس بداك الألم و زااد كبر معااه. و ولاا ديماا فااش تيبااليه شي حد فالخدمة ولا فصحاابو ولا حتى فعائلتوا، بااغي يحگروا، تينوض تيغضب و تيبداا يغوت و دوك النااس تيرجعوا اللور.

هو فالوااقع رااه تا شي وااحد ماكاان بااغي يحگر عمر، غي داك الألم لي عانى فالطفولة كاان بااقي تايضروا. كاان مزاال ماتجااوز الحگرة لي دازت عليه فالصغر، و فااش شي حد تيفكروا بالطفولة ديالو، وااحد الجزء فيه لدااخل كان تينوض يغوت، بااش يخلع داك النااس. يعني تتباان للناس بلي عمر إنساان معصب و خاايب، و لكن فالوااقع، هو إنساان لي خاايف و مجروح.

🟢 و خاصكوم حتى نتوما تعرفوا السبب لاش تتغضبوا بزااف. جلسوا تفكروا ٱخر مرة ولا مراات لي غضبتوا فيهاا، و سولوا راسكوم هاد الأسئلة:

• شنو كنت تنحس فديك اللحظة من غير الغضب؟ (غالباا ايكون الخوف و الألم)
• شنو تيخبي الغضب دياالي؟
• شنو هي الحااجة لي تنخااف منهاا؟ خاايف نحس بالضعف، خاايف الناس مايحتارمونيش؟

2️⃣ الخطوة الثاانية: بااش ناافعك هاد المشكل؟

داباا هاادي أتباان غريبة، و لكن خااصك تعرف بلي أي مشكل لي نتاا تتعاني منو، و ماقدرتيش تخلص منو، راه نافعك، رااه عندو وااحد الدور إيجاابي فحيااتك. هو ااه، مشكل و تيضرك و لكن رااه عندوا وااحد النفع فنفس الوقت.

🔵 كيماا قلنا عاد داباا، عمر كاان تيخااف لا يعااود يتحگر كيماا وقع ليه فالطفولة ديالو، و دااكشي لااش كاان تيغضب. كاان تيبغي يخلع النااس بااش مايتعرضش لنفس الألم ديال الطفولة. و كاان تيحس بالرااحة. و لكن لي خلااه يتبدل هو فااش شااف بلي هاادشي تيدير ليه مشاكل مع واليديه، صحاابو، تيندم فاللخر و تيكره رااسو.

🟢 بااش تخلصوا حتى نتوما من الغضب، خاصكوم تكونوا صريحين مع رااسكوم و تعترفوا بالإيجاابيات و السلبياات ديال هاد المشكل. سولوا راسكوم هااد الأسئلة بااش تعرفوا الجوااب:

• شنو تنربح فااش تنعبر على الغضب دياالي؟
• شنو تنخسر فااش تنغضب؟ شنو المشااكل لي تنتعرض ليهاا؟
• كيفااش الغضب ديالي تيأثر على العلاقات ديالي؟ على خدمتي؟ على احتراامي لنفسي؟
• كيفااش حيااتي اتولي يلا قدرت نتحكم فالغضب ديالي؟