مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

3️⃣ الخطوة الثالثة: شوف شي بديل لدااك المشكل

قلنا بلي المقارنة و أي مشكل لي تتعاني منو، عندو شي فائدة و هادشي علااش تيبقى لااصق فيك. صوو، فااش تجي تخلص منو، تيخصك تبدلوا بشي حااجة لي غاادي تعطيك نفس دوك الفوائد لي كنتي راابح، و لكن بلا ضرر.

🔵 ساارة عرفاات بلي خاصهاا شي حااجة خراا لي تخليهاا تحس بداك الموتيڤاسيون لي كانت تتربح من المقارنات بلاا ماتحس بالنقص. و هي بداات تتركز على الأهدااف ديالهاا، تادير هدف بحاال أنهاا تعلم شي لغة و تتبقى غاادة معاهاا درجة بدرجة. و هكاا كيفااش ولاات تتقاارن راسها مع فين كانت لباارح و مااشي مع النااس.

🟢 و حتى نتوما من أجل صحتكم النفسية خاصكوم تبدااو تقارنوا فين نتوما ليوم مع فين كنتوا لباارح، و تديروا أهدااف خااصة بيكوم، مااشي أهدااف لي المجتمع تيفرضهاا عليناا و تيخلينا نحسوا بالنقص فااش ماتنوصلوش ليهاا. ها اقتراحات بسااط لي يمكن تطبقوا فحيااتكوم:

• وضعوا أهدااف خاصة بيكوم لي متعلقة بالطموحات ديالكوم و القيم ديالكوم.
• كل نهاار فكروا فشي حااجة بسيطة لي حققتوا.
• فااش تشوف شي حد لي حقق داكشي لي بااغي نتاا، سير تعلم منو. سولوا كيفااش وصل لداكشي و تعلم منو اي حااجة قديتي.

4️⃣ الخطوة الراابعة: شوييا داللوجيك عافااك

لي لااحظت أناا هو بزااف ديال الأوقات، ماتيكونش عدناا مشكل فالوااقع، تيكون المشكل هو الطريقة بااش حناا تنشوفوا الوضعية، و الافكاار ديالناا. مثلا، إنساان تيكون تيقول بلي حيااتو خااصها تكون مثاالية و تا حااجة ماتعكس ليه، بلي النااس كاملين خاصهوم يبغيوه و فااش الوااقع تيكون مغااير لهاد التوقعات الخيالية، تماا تيبداو المشااكل.

🔵 سارة عرفات بلي المقارنة مااشي شي حااجة لي غادي تخلص منهاا بين ليلة و نهاار، و يمكن مااشي شي حااجة لي غاادي تحيد بنسبة 100٪ گااع، لاحقااش العقل ديالناا ولد النااس بإمتيااز، شي مرة غاادي يكون لموراال طاايح و غاادي يلقاك فلحظة ضعف و يفكرك بلي نتاا قل من النااس. يعني ماتوقعااتش من راسها أنها صاافي ماغاديش تبقى تقاارن راسهاا، بالعكس تقبلاات بلي ممكن تقاارن راسها بالنااس و لكن هادشي ماتيعني واالو. فقط حااجة طبيعية لي تتوقع. و لي فشكل هو فااش تقبلاات هاد المسألة عااد مابقااتش تتوقع و قلاالت بزاااف.

🟢 حتى نتوما ماتوقعوش انك تولي إنساان اخور بين ليلة و نهاار. و ماتلومش رااسك يلا قارنتي رااسك مرة مرة. و يلا لمتي رااسك و طااح ليك المورال، سول رااسك هاد الأسئلة بالزربة بااش تحبس:

• وااش أنا تنتوقع أني نتبدل بين ليلة و نهاار؟
• كيفاش نكون ظرييف مع رااسي فهااد الوقت؟
• شنو شي حااجة زويينة درت لي يمكن لييا نفتااخر بيهاا؟ بس: رااه ديماا كااين ماتخليش عقلك يقووليك "واااالووو".

5️⃣ الخطوة الخاامسة: خلي العاادة جزء منك

گااع هادشي لي قلتوا ليكوم فهاد لكتااب، ماغااديش ينفعك يلا ماطبقتيهش، و حتى يلا طبقتيه غي مرة وحدة، غاادي تنسااه، تيخصوا يولي جزء منك، و ديروا ليوم غداا حتى يولي طبيعتك.

🔵 ساارة ولاات تادير وااحد لحااجة زويينة كل نهاار باش يولي هاد التغيير جزء منهاا. ولاات كل نهاار تتفيق فاالصبااح و تتفكر فشنو هوماا 3 ديال لحواايج لي حاامدة الله عليهوم. و هادشي خلاهاا تركز على حيااتها كتر من حيااة النااس.

🟢 تانتاا دير شي حااجة كل نهاار بااش تفتااخر برااسك و تركز على حيااتك كتر من حيااة النااس. شوف شي حواايج لي حاامد الله عليهوم فالصبااح، ولا دير أهدااف و خدم عليهوم كل نهاار، عطي لرااسك مكافٱت ولا فااش تكون بوحدك فالداار نوض نقز فوق لفرااش و غوت و قول "أنا واااعر". المهم هو تفتااخر برااسك كل نهاار و تبدا تشوف حيااتك، مااشي حيااة النااس.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"