مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

0️⃣ تقديم

عمرك شفتي فشي وااحد و قلتي "علااش أناا ماوصلتش لداكشي لي وصل ليه؟". ولا يمكن ماقلتي واالو مع رااسك، غي شفتي شي إنساان عندو شي حااجة لي نتاا بااغي و جزء فيك لدااخل حس بالنقص؟

للأسف حناا فالثقافة ديالناا، تنتربااو على المقاارنات من الصغر. اناا بعداا عندي 6 ديال خالااتي و 6 ديال خواالي، و ديماا لوااليدة كانت تتقولي شوف ولااد خالك ولا ولااد خاالتك، و المشكلة بزااف إناا وااحد لي انشوف 😂😂. ماعلينااش، فاللخر صدقت اناا وااعر عليهوم كاملين 😌 و لكن هذاا موضوع لي يستحق كتااب بوحدوا. 🐸

بااش وااليديناا مايحسوش بالنقص و يشوفوا بلي ولادهوم قل من ولااد الجيراان، كاانوا من الصغر تيبدااو يقارنوناا مع النااس بااش حناا نزيدوا للقداام زعماا، و هاد المشكل بقاا معانا حتى كبرناا و تزااد بالسوشل ميدياا: تادخل لإنسطغراام و تتلقى بلي كلشي عايش الحياة السعيدة إلا نتاا.

و حيت هاد الموضوع أكثر حااجة لي لاحظت الناس تيعانيو معاهاا، غاادي نهضروا عليه و كيفااش تطبقوا الخطوات الخمس لي شفناا لحد الٱن بااش تخلصوا منو. غاادي نمشيو و نهضروا على قصة بنت سميتهاا سارة من طنجة و كيفااش عانات مع المقاارنة و كيفااش داباا ولاات تتقارن راسها بالأهداف ديالهاا و بفين كاانت لباارح مااشي بفين كااين شي حد اخور ليوما.

1️⃣ أول خطوة: شنو المصدر ديال المشكل؟

أول خطوة باش نتخلصوا من هاد المشكل و أي مشكل من غيروا، هي نعرفوا المصدر. و فالجاانب النفسي، تيكون المصدر هو شي رغبة و حاجة نفسية لي تنحاولوا نشبعوا، ولا شي حدث لي وقع لينا حناا، و كيفااش فهمناا هاد الحدث.

🔵 واخاا المقاارنة تاضر ساارة، و لكن كانت تتساافد شي حاجات منهاا. كاانت بعدا تاضرهاا فااش تتحس برااسها ناقصة و عمرهاا توصل لدااكشي لي بااغاا، كانت تتحس بالستريس، و تتخسر علاقااتها مع شي نااس فااش تيحسوا بيهاا 'حاسداهوم'. و لكن لي كانت تتربح هو كاانت تتحس بداك الموتيڤاسيون و الحمااس لي تيجيك مور 12 دالليل و تتقول غاادي نوض غداا و نغير حيااتي. و كانت تتقول مع رااسها بلي منين تتقارن راسها مع النااس، يعني رااه فيهاا النفس و راها مسؤولة و باغاا تخدم.

🟢 بااش تخلصوا حتى نتوما من المقارنة، خاصكوم تكونوا صريحين مع رااسكوم و تعترفوا بالإيجاابيات و السلبياات ديال هاد المشكل. سولوا راسكوم هااد الأسئلة بااش تعرفوا الجوااب:

• شنو تتعطيني هااد المقاارنة؟
• لااش تنبقى نقاارن رااسي مع النااس واخاا تاضرني؟
• شنو التأثير ديالهاا على تقديري و احتراامي لنفسي؟
• وااش داك لموتيڤاسيون لي تنحس بيه يستااهل الشعور بالنقص لي تنحس بيه؟

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"