مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

3️⃣ الخطوة الثالثة: شوف شي بديل لدااك المشكل

قلنا بلي داك حب المثالية و أي مشكل لي تتعاني منو، عندو شي فائدة و هادشي علااش تيبقى لااصق فيك. صوو، فااش تجي تخلص منو، تيخصك تبدلوا بشي حااجة لي غاادي تعطيك نفس دوك الفوائد لي كنتي راابح، و لكن بلا ضرر.

🔵 داباا كريم، كاان تيكره دااك حب المثالية و لكن جزء فدمااغوا كاان تيحس بلي بسبب داك حب المثالية، لااش تيجي هو اللول. و مع عقلوا كاان تيعتقد بلي يلاا حااول يتخلص منو، ماغااديش يبقى يجي اللول. ضوونك، خااصنا حناا نعطيوه شي حااجة لي تخليه يتيق فرااسو و يحس بلي رااه ايجي اللول و لكن بلاا دااك الضغط كاامل. هو ولاا تيركز على أنه يخصص وقت كبيير للقرااية، و كل مرة يزيد للقداام و لكن بلا مايحااول يكون مثاالي، و يبقى يتعلم من الأخطااء ديالو.

🟢 و بديل لي ممكن تلقااو لديك المثاالية هي فلسفة "كايزن". هاادي فلسفة يابانية لي تتعني أن الإنساان غاادي يركز على أنه يطور رااسو و يبقى يتحس شوييا بشوييا، بلااصة مايبقى يتوقع أنه كولشي غاادي يكون مثاالي. زاائد، بدل هاد جوج أفكاار:

• بلااصة ماتقول خااصني ندير خدمة مثالية، قول بلي غاادي تدير لي فجهدك فالوقت لي عندك.
• بلااصة ماتقول مانقدر نرتكب تا أخطااء، قول بلي الأخطااء جزء من التعلم.

4️⃣ الخطوة الراابعة: شوييا داللوجيك عافااك

لي لااحظت أناا هو بزااف ديال الأوقات، ماتيكونش عدناا مشكل فالوااقع، تيكون المشكل هو الطريقة بااش حناا تنشوفوا الوضعية، و الافكاار ديالناا. مثلا، إنساان تيكون تيقول بلي حيااتو خااصها تكون مثاالية و تا حااجة ماتعكس ليه، بلي النااس كاملين خاصهوم يبغيوه و فااش الوااقع تيكون مغااير لهاد التوقعات الخيالية، تماا تيبداو المشااكل.

🔵 كريم كاان خااصوا يفهم بلي تا وااحد مايقدر يكون مثاالي ديماا و لو حتى نهاار وااحد. الإنساان تيرتكب أخطااء و تيتعلم منهاا، يمكن ماغاديش يعجبك الحاال فاش ترتكب أخطااء، و لكن رااه منهوم تتااخد تجربة و حكمة، و منهوم تتعرف كيفااش تصرف المرة الجااية. مستحيل أن أي إنساان يتوقع المستقبل و يتصرف بشكل مثاالي.

🟢 سول رااسك داباا وااش تتوقع من رااسك تكون مثاالي؟ وااش ممكن ان شي حد يحقق هاد المثاالية؟ وااش غاادي توقع شي حد لي عزيز عليك يكون مثاالي؟ وااش غاادي تهضر مع شي إنساان لي عزيز علييك يكون مثاالي؟ و كيفااش تبداا تدير اهدااف لي صعيبة و تقااتل بااش تحققها، و لكن تبقى فحدود الممكن و المعقول.

5️⃣ الخطوة الخاامسة: خلي العاادة جزء منك

گااع هادشي لي قلتوا ليكوم فهاد لكتااب، ماغااديش ينفعك يلا ماطبقتيهش، و حتى يلا طبقتيه غي مرة وحدة، غاادي تنسااه، تيخصوا يولي جزء منك، و ديروا ليوم غداا حتى يولي طبيعتك.

🔵 بالنسبة لكريم كاانوا تيجيو الإمتحانات و كاان عوتااني تيبدا يرجع لطبيعتوا و دااكشي لي مولف، و لكن كاان تيدير جهد بااش أنه يركز على "فلسفة كايزن" و يبقى يزيد درجة بدرجة مااشي يتوقع رااسوا يكون مثاالي.

🟢 و هاادوا طرق مختلفة بااش تخلي هاد السلوك الجديد جزء منك: كون ظرييف مع رااسك، و ركز على التقدم: كتب كل نهاار شي حااجة زويينة لي درتي واخاا ماتكونش كبيرة ولا مثاالية. و عرف بلي من الأخطااء الإنساان تيتعلم و ماحدك إنساان رااك غاادي تغلط و غاادي تعلم.

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"