مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

3️⃣ الخطوة الثالثة: شوف شي بديل لدااك المشكل

قلنا بلي داك حب التأجيل و أي مشكل لي تتعاني منو، عندو شي فائدة و هادشي علااش تيبقى لااصق فيك. صوو، فااش تجي تخلص منو، تيخصك تبدلوا بشي حااجة لي غاادي تعطيك نفس دوك الفوائد لي كنتي راابح، و لكن بلا ضرر.

🔵 ٱية كيماا قلناا كانت تتخااف لا تفشل و النااس ينتاقدوها. هااد الخوف عندهاا كبيير يعني ماشي منطقي ولا ممكن انني نقولهاا غي تيقي فرااسك و صاافي. لاا. خااص شي عاادة جديدة لي تخليهاا تنوض تخدم على رااسها،

و فنفس الوقت تحميها من الفشل و الإنتقادات. بالنسبة لييها هي لقاات بلي فااش تتسول الناس لي خداامين معاهاا على رأيهم و طلب المسااعدة ديالهوم من قبل، تتهنى من هااد المشكل. لاحقااش بناادم يلا سولتيه و عطااك رأي ديالو و عاونك، وااش غاادي يجي من بعد و يقوليك خدمتك نااقصة؟ مستحيل، لاحقااش رااه لخدمة ديالك داار هو فيهاا يدوا، يعني لا كاانت لاجاا و قاليك 'خدمتك لا علااقة' اتقوليه 'هضرتك و النصاائح ديالك لي لا علااقة' و اتقوليه "بوناني هو" بحاال دااك الڤيديو. عرفتوه؟ لا ماعرفتوهش، صاافي ماشي مشكل.

🟢 المهم هو نتاا خااصك تكون نزق و تفكر كيفااش نوض نخدم بلا مانتعرض لدااك المشكل لي خاايف منو.

• يلا كنتي خاايف مثلا، أنك غاادي تخدم و ماغاديش تلقى الوقت فين ترتااح، دير مع رااسك بلي غاادي تخدم غي 5 دقاايق.
• كانت لخدمة تتباان ليك كبيرة، قسمهاا لأجزااء.
• كنتي بااغي تدير شي حااجة مثالية، قول مع رااسك غاادي نركز على أني نتطور و نزيد للقداام.

4️⃣ الخطوة الراابعة: شوييا داللوجيك عافااك

لي لااحظت أناا هو بزااف ديال الأوقات، ماتيكونش عدناا مشكل فالوااقع، تيكون المشكل هو الطريقة بااش حناا تنشوفوا الوضعية، و الافكاار ديالناا. مثلا، إنساان تيكون تيقول بلي حيااتو خااصها تكون مثاالية و تا حااجة ماتعكس ليه، بلي النااس كاملين خاصهوم يبغيوه و فااش الوااقع تيكون مغااير لهاد التوقعات الخيالية، تماا تيبداو المشااكل.

🔵 ٱية كاان خاصهاا تعرف بلي النجااح ماشي هو أنك تكون مثاالي. حيت يمكن تكون مثاالي بالنسبة لشي شخص، و لكن إنساان اخور تجيه خدمتك نااقصة. المهم هو نتاا يكون عندك توقعاات مرتفعة لخدمتك بااش بصح تكون طوب، و لكن فحدود المعقول و بلاا ماتضغط على رااسك.

🟢 سول رااسك داباا ولا المرة الجااية، شنو هو شي هدف لي منطقي نديرو لرااسي. عندي هدف اني ندير كتااب مثلاا، وااش خاصني ندير أحسن كتااب فالتاريخ ولا ندوز حيااتي كاملة و انا تنخدم على كتااب وااحد. و لا ندير كتااب لي نااضي و وااعر بحال مولااه، يعااون النااس و لكن ندوز لحاجة خراا باش مانضغطش على رااسي. سول رااسك كيفااش نخدم و انا مرتااح و اتلقى بلي هاد المشكل ديال التأجيل غاادي يختفي.

5️⃣ الخطوة الخاامسة: خلي العاادة جزء منك

گااع هادشي لي قلتوا ليكوم فهاد لكتااب، ماغااديش ينفعك يلا ماطبقتيهش، و حتى يلا طبقتيه غي مرة وحدة، غاادي تنسااه، تيخصوا يولي جزء منك، و ديروا ليوم غداا حتى يولي طبيعتك.

🔵 بااش تهنى ٱية من مشكل التأجيل، ولاات فااش تادير شي خدمة واخاا صغيرة تتعطي لرااسها شي كاادوا ولا مكافأة بسيطة. مثلاا تتكمل شي خدمة و تتشري لراسها الشكلااط، ولا تتنقز بالفرحة ولا تتشطح ولا تتفرح ولا اي حااجة. المهم هو أنهاا طريناات العقل ديالهاا على أن الخدمة = السعاادة و الفرحة و النشااط ها هو شااط.

🟢 تانتوماا داباا فااش تقرااو شي صفحة من كتااب، تحفظ شي درس، تدير ريااضة، تدوز نهاار بلا مادير شي عاادة سيئة، تهلاا فرااسك بشي طريقة لي اتعجبك نتاا. المكاافأة ماشي ضروري تكون كبيرة، غا شي حاجة بسيطة قااضية الغرض، هو هي تكون تتفرحك نتاا. و فرح لييا مع رااسك. 😁❤️😍

إلا لقيتي هاد الأفكار تتنطبق عليك دخل لهاد الليان  و طيليشارجي هاد لكتاب باش تعلم كيفاش تفهم عقلك، وتغلب على أصعب المشاكل النفسية 👇👇

تحميل كتاب "عقلك، صديقك المقرب الجديد"