مرحبا بيكوم! هاد البوسط هو جزء من أخر كتاب ديالي "عقلك، صديقك المقرب الجديد" كتاب لي تيوريك كيفاش تغير عقليتك، حياتك، وتجاوز جميع المشاكل النفسية بإستخدام العلاج السلوكي المعرفي. طيليشارجيو الكتاب باش تعمقوا فهاد الموضوع وتكتاشفو كيفاش تغلبوا على القلق و الإكتئاب خطوة بخطوة.👇👇

تحميل كتاب "عقلك، صديقك المقرب الجديد" 

0️⃣ تقديم

كلشي ممكن يحقق اهداافوا بشرط أنه يبدا الخدمة عليهوم، و لكن بزااف ديال الناااس تيبقااو يأجلوا الاهدااف ديالهوم نهاار على نهاار. مثلاا، تنعرف وااحد دري سميتو يوسف عاام و هو غاادي يدخل لاصاال التنين الجااي، و مزاال أنا مافهمت علااش هاد التنين الجااي بااقي مابغاا مايجي!!

و مااشي غي هو، كلناا تنبقااو نأجلوا أمور لي باغيين نديرو، بحاال ان حناا نقرااو شي كتااب، نتعلموا شي لغة، حرفة، ولا يمكن غي نقاادوا بيتناا، ولا نغسلوا لمااعن ديال لغداا لي عگزت نوض ليهوم، و أغلب التلاامد لي تنعرف تيخليو لحفااظة و لخدمة حتى الليلة بليلتهاا. و فااش تنعگزوا على هاد الأمور تنحسوا بشويا ديال الستريس و تأنيب الضمير و تنبقااو نفكروا فدااكشي لي خااصنا نديروا.

و عوتااني غاادي نشوفوا داباا 5 ديال الخطواات بااش نتخلصوا من هاد المشكل، و هااد 5 ديال الخطواات خاصكوم تعقلوا عليهوم لاحقااش غاادي نطبقوهوم فااش نبغيو نتخلصوا من المشااكل لي اتجي فهاد لكتااب. و بااش نفهموا هاد الخطواات، غاادي نعاود ليكوم قصة ٱية، موظفة من مرااكش و المعاناة ديالها مع فوسط الخدمة.

1️⃣ أول خطوة: شنو المصدر ديال المشكل؟

أول خطوة باش نتخلصوا من هاد المشكل و أي مشكل من غيروا، هي نعرفوا المصدر. و فالجاانب النفسي، تيكون المصدر هو شي رغبة و حاجة نفسية لي تنحاولوا نشبعوا، ولا شي حدث لي وقع لينا حناا، و كيفااش فهمناا هاد الحدث. مثلا، طلقوا واليديك (حدث) و قلتي مع رااسك تاحد ماتيبغيك و النااس ديماا غادة تهرب عليك. (الفهم) و بسبب داك الفهم 'لعوج' و الفكرة لي خديتي وليتي تتحس بوااحد الشعور سلبي، و تتقوم بتصرف سلبي اخور.

🔵 مثلاا، ٱية كاانت ديماا تتأجل الخدمة ديالهاا. هي كاانت خداامة فلماركوتينغ فوااحد الشركة، و كانت ديماا تتأجل الخدمة ديالها حتى لٱخر اللحظاات بلا ماتحس. ديماا فااش تتجي تبداا لخدمة تتلقى راسها هزاات طيليفون و تتفرج فڤيديوهات دياال نااس تيغسلوا الزراابي ولا كيفااش تبداا ترسم و هي أصلاا ماعندهااش مع الرسم.

من بعد فاش داارت هاد الخطواات باش تعرف سبب المشكل ديالهاا، علااش تتخلي خدمتهاا و تتفرج فڤيديوهات ديال زراابي موسخين، لقاات بلي هي خاايفة من الفشل، و أن النااس ينتقدوا خدمتهاا. و كاانت بلا ماتحس تتخلي الخدمة حتى لٱخر اللحظاات بااش حتى يلا ماصدقش دااكشي مزياان، اتقول للنااس "اواا رااه بديت لخدمة معطلة، دااكشي بااش جاات هكاا"

🟢 و بااش تعرفوا تانتوما علااش تتأجلوا الخدمة حتى لٱخر اللحظاات، سولوا رااسكوم هاد الأسئلة:

• منايااش خاايف؟
• شنو غاادي يوقع گااع لا بديت الخدمة دغياا؟
• شنو غاادي يعني لييا الفشل فهااد الوضعية؟
• شنو غاادي نقول على رااسي يلا ماكانتش خدمتي متقونة 100٪؟

2️⃣ الخطوة الثاانية: بااش ناافعك هاد المشكل؟

داباا هاادي أتباان غريبة، و لكن خااصك تعرف بلي أي مشكل لي نتاا تتعاني منو، و ماقدرتيش تخلص منو، راه نافعك، رااه عندو وااحد الدور إيجاابي فحيااتك. هو ااه، مشكل و تيضرك و لكن رااه عندوا وااحد النفع فنفس الوقت.

🔵 مثلا، ٱية كاان نافعهاا هاد التسويف، يلا جاا شي حد و قاليهاا "اواا تي اش هااد لخدمة" ... (يمكن هكاا ايقولوهاا بالمرااكشية) هي غاادي تقولهوم بلي رااه بداات معطلة و راه ماشي لخااطرها و I'm just a girl و، مهم كاانت عندهاا سبة وااجدة لا جاا شي حد ينتقدهاا. و لكن عوتااني كان ضاارها لاحقااش تتندم من بعد و عاارفة هي بلي تقدر تعطي حسن و لكن ماتتبينش لرااسهاا.

🟢 بااش تخلصوا حتى نتوما من التأجيل، خاصكوم تكونوا صريحين مع رااسكوم و تعترفوا بالإيجاابيات و السلبياات ديال هاد المشكل. سولوا راسكوم هااد الأسئلة بااش تعرفوا الجوااب:

• شنو تنربح فااش تنأجل الخدمة؟
• بيني و بين رااسي، لااش تندير هكاا؟
• واخاا هااد العاادة خاايبة، شنو غاادي نخسر لا بدلتهاا؟
• بااش تايضرني هااد التأجيل؟
• كيفااش حيااتي أتحسن لا نقصت من هااد تبرهيش و بديت تنخدم لخدمة السااعة بسااعتهاا؟