فاش تتكون مكتأب و حزين تتفقد الإهتمام بالحياة. تتحس بلي تا حااجة ماعندها  شي معنى. تتفقد الإهتمام بشي أمور لي كنتي تتبغيها و ماتتبقى عندك لگاانة لتا شي حااجة.

علااش انصدع رااسي و نوض نقراا؟ 

علااش انحمق رااسي و نوض نخدم؟ 

علااش نحمق رااسي و نهضر مع بناادم؟ 

ماغااديش يفهمني أصلا، علااش نصدع رااسي و نشرح؟

تتبغي تبقى جاالس و مادير والو و تتخلي نهاار يدوز غي هكااك.

فاش تتكون مكتأب تتحس بلي بحال يلا توفيتي، بحاال يلا بقيتي عاايش. مااعندكش شي قيمة  ولا شي حااجة مهمة فحيااتك. 

تتولي تتبغي غي نعااس و صاافي، حيت غي فالنعااس لي تتلقى رااحتك. و دمااغك تيحبس على التفكير. هاادشي يلا ماحلمتييش بدااكشي لي تتعااني منو، و صدقتي مامرتااح لا فنعااسك ولا فنهاارك.

و خلااص فااش تتفيق، و تتحل عينيك فالصبااح، تتبداا فدواامة ديال التفكير و الإرهااق. تتعيا قبل ما يبدا النهاار حيت عاارف شنو تيسااينك هاد نهاار.

تيسااينك واحد العقل لي ماغاديش يسكت من الهضرة و من شي سيناريوهات لي نتاا عاارف رااهوم غي تخربيق و لكن واخاا هكااك ماتتقدش تيحدهوم من رااسك.

هاادشي المجتمع ديالنا ماتيحسش بيه و ماتيسوقش ليه. تيقولك بناادم غي جمع رااسك و ماديرش فباالك. ماتقلقش.

ماعارفينش بلي الحزن عندو بزااف ديال التأثيرات سلبية على الجسم. تيسبب صعوبة في النوم، تيخليك تحس بفرااغ دااخلي كبير، تيضعف الذااكرة و تيصعب على الإنساان أنه يتااخد قرارات و لو فأمور بسااط فحياتو اليومية.

تيسبب تغيرات مفاجئة فالوزن، تيضااعف خطر الإصاابة ب نوبات قلبية، تيضعف المنااعة، تيخليك تحس بالعياا و تيولي جسمك تيحرقك كاامل، تيسيي تضييق فالأوعية الدموية، و يقدر يأدي للإنتحاار يلاا الإنساان ماقدرش يتعاامل معااه.

و لكن واخاا هاادشي كاامل، الحزن زويين و ضروري فحيااتنا. 

قبل ماتعايروني، غي سمعوا بعداا. 

الحزن عندوا إيجابيات و تيحل عينين ديالنا لشحال من حااجة. الإنساان محتاج گااع المشااعر ديالو ماشي غي المشااعر الزوينة. 

و هااد النقطة هي الفكرة المحورية ديال فيلم خرج ف 2015 سميتو Inside Out.

الفيلم تيهضر على بنت عندها 11 لعام لي العالم ديالها غادي يتقلب بين عشية و ضحاها. أترحل مع العائلة ديالها ل 'سان فرانسيسكو' و تما ماغاديش تبقى حياتها طبيعية. 

التغير فالبيئة غاادي يكون عندو تأثير على الحالة النفسية ديالها. أتغرق فالحزن، و لكن مع كل لحظة تنعرفوا بلي الحزن هو هدية. 

فلبوسطات الجااية انهضر على قصة الفيلم بتفصيل، العبر لي نقدوا ناخدو منو + كيفااش نخدموا الحزن فالحيااة ديالناا بطريقة إيجاابية.

أما داباا النصيحة لي نخليكوم بيها هي: 

1⃣ أولا، تفرج فالفيلم علاش الحزن هدية. 

2⃣ ثانيا، فااش تحس بالحزن، قول مع راسك: واخاا الحزن هدية. شنو لميسااج لي نقدر نااخد من هاد الهدية. 

فلبوسطات الجااية انتعمقوا كتر فهاد القضية. 

يلا بغيتي تعرف كيفاش تغلب على الحزن ديالك و أي عوائق نفسية، دخل لهنا و قرا جوج بوسطاات لي تتوضح هاد المسألة. 👇👇👇👇

تأثير مشاكل الطفولة على صحتنا النفسية - Grow B'dariija (growbdarija.com)

طريقة بسيطة باش تخلص من القلق و التفكير الزائد - Grow B'dariija (growbdarija.com)