لي ماقرااش الجزء التاسع، يقرااه هناا: 👇👇👇

لسيرة النبوية بالدارجة - الجزء التاسع: الإسراء و المعراج - Grow B'dariija (growbdarija.com)

البيعة: ( نظاام حكم ) 

كان ديما الرسول تيقلب على القبائ المجاورة لي تحميه و تبايعوا و تعاونوا يبلغ رسالة الإسلام و هاد المرة ايلقا 2 قبائل لي ايوافقوا يبايعوه، و لي هوما قبائل الأوس و الخزرج  و غادي يتعرفوا بالأنصاار ( حيت اينصروا الرسول ) و غادي يبايعوه فجوج مرااحل 

البيعة مقسومة لجوج: بيعة العقبة الأولى و بيعة العقبة الثاانية 

فالبيعة الأولى كان جااو 12 شخص من المدينة و بايعوا رسول على أنهم مايسرقوش و مايزنيوش و مايقتلوش و مايديروش شحاال من حااجة لي الله نهاا عليها و على السمع و الطاعة و مذكورين فهاد الحديث : 

( بايعوني على أن لا تشركوا بالله شيئا، ولا تسرقوا، ولا تزنوا، ولا تقتلوا أولادكم، ولا تأتوا ببهتان تفترونه بين أيديكم وأرجلكم، ولا تعصوني في معروف، فمن وفَّى منكم فأجره على الله، ومن أصاب من ذلك شيئا فعوقب به في الدنيا فهو له كفارة، ومن أصاب من ذلك شيئا فستره الله، فأمره إلى الله، إن شاء عاقبه، وإن شاء عفا عنه )، قال عبادة : فبايعناه على ذلك. 

تسمات هادي ببيعة النساء حيت كانوا فيها حتى النساء و ماكانش من البنود ديالها الحرب 

البيعة الثانية كان جا شي 70 شخص من يترب ( رجال و عيالات ) و جاو لمكة فالسنة 12 للنبوة باش يبايعوا الرسول. 

قبل ماتبدا البيعة عم الرسول العباس شرح ليهوم خطورة المسؤولية و بلي راه يلا بايعوا الرسول خاصهوم يحمييوه و يحضييوه من الأعدااء لي ضاايريين بيه.

و الأوس و الخزرج ( أهل المدينة )  قالوا للعباس عم الرسول مايكون هي خااطرك و هضروا مع الرسول و شرح ليهوم الإتفاقية و شروط البيعة لي هوماا ( يباايعوه على السمع و الطاعة و على النفقة و الأمر بالمعروف و على أن يقوموا في الله، ولا تأخدهم في الله لومة لائم ❤️ )

و قبلوا بهادشي كاامل و سلموا على الرسول كإشارة لأن صاافي راه كلشي نااضي.  و هاد البيعة الثانية، تتسمى ببيعة العقبة الكبرى 

شي وحدين من قريش سمعوا هاد لخباار و مشااو عند أشراف قوم يترب و سولوهوم وااش هاادشس بصح ولا غا إشاعة، قالوا ليهوم رااه  غا إشااعة و ماتخاافو من والو و رجعوا فرحاانين 

طلائع الهجرة 

فاااش كتر الإسلام فالمدينة جاا وقت الهجرة بااش تتأسس مدينة رسول  الله، مهم هااجر النااس و لي تكاالا تيتعدب و لي فلت راه فلت. تقريباا هااجر كلشي بقا غي الرسول و ابو بكر و علي. و شي وحدين من النااس لي مالقااو كي يديرو. 

كفاار قريش دخلهوم صهد و خافوا لا يمشي الرسول يهاجر و ديك ساعة يلا ولا هو فالمدينة غاادي تولي واحد القوة لي تتعارض قريش و يقدروا يهجمو عليهوم مستقبلا و تما دارو اجتماع لي الأساس ديالو هو كيفاش يتخلصوا من هاد الخطر و بقاو تيفكروا حتى قالوا نقتلوه و نسيفطو 12 رجل كل واحد من قبيلة و ديك سااعة غاادي يتسمى كلشي قتلوا و عائلة الرسول و قبيلتوا  ماغاديش يقدروا يواجهونا كامليين و تافقوا على هاد الرأي 

قريش تتخطط من جيه و الرسول تيوجد للهجرة من جهة، كان الرسول مشاا عند ابي بكر و قالييه راه الله امرني بالهجرة و ابي بكر قاليه بالرجولة نمشي معاك و  الرسول قبل و  وصى أبو بكر يوجد لماكلة للسفر و العير علايااش يركبوا و بدااو فالإستعداد.  

قريش مشااو لعند بيت الرسول و لكن الله طمس على أعينهم و خرج الرسول من حداهوم و ماشاافوهش گااع و بقاو هكاك على الصبااح و مشااو دخلوا  لدارو لقااوه ماكااينش و كااين غي علي متكي فبلااصتوا. 

فهاد الوقت مشاا الرسول و أبو بكر فطريقهوم للمدينة: 

أهم الأحداث و المواقف هي: 

1⃣ ابو بكر بغاا يدخل هو لول بااش حتى يلا كان شي حيوان ولا شي حااجة لي اتادي الرسول، تجي فأبي بكر هو لول 

2⃣ فااش قريس سيفطات جنود يتبعوا الرسول وقفوا حدا الكهف فين كاينين و ماشافوهمش و أبو بكر قال للرسول كون غير هبطوا عينيهوم للتحت كون راه شافونا و النبي جاابوا ما ظنك بإثنين الله ثالتهما 

مهم من بعد كمل الرسول و أبو بكر طريقهوم و وصلوا للمدينة ( كانت فلول سميتها يترب و من بعد ولات سميتها مدينة رسول الله )  

تماا كاانوا النااس تيرحبوا بالرسول و كل وااحد تيبغي يبات عندوا و تيبغيو يجروا الناقة  ديالو و لكن قاليهوم اتركوها فإنها مأمورة. النااقة ديال الرسول حبساات فواحد المكان و النبي دوز ديك الليلة عند أقرب منزل فين حبساات هي. 

صوو هناايا اتبدا مرحلة جديدة في تبليغ الدعوة ، المرحلة المدنية 

لي نبداو فيها غداا إن شاء الله ✌🏻

الجزء الحادي عشر: 👇👇👇

لسيرة النبوية بالدارجة - الجزء الحادي عشر: بداية العهد المدني - Grow B'dariija (growbdarija.com)