لي ماقرااش الجزء الثامن، يقرااه هناا: 👇👇👇

لسيرة النبوية بالدارجة - الجزء الثامن: نزول سورة الكهف و المقاطعة - Grow B'dariija (growbdarija.com)

عاام الحزن هو واحد الفترة لي داازت سيئة على رسول الله

أولا ماات ليه عمو و موراه توفات زوجة ديالو خديجة

من بعد ماتوفى عم الرسول بدااو كفار قريش تيأدييوه و بعد وفاة زوجة ديالو مابقااش داك الدعم المعنوي لي كان عندوا

و لكن صبر واخا هكااك على تبليغ الدعوة 

لي ألم الرسول بزااف على موت العمو ديالو هو أنه مات على الكفر. فاش جااه المرض و قرب يموت مشاا الرسول عندو و تيقوليه غي شهد و وحد الله و أنا غادي نشهد ليك يوم القيامة بالشهادة ديالك. و كان أبو جهل فنفس الغرفة تيقوليه وايااك واياااك، بقاا على ملة أجداادك و توفى على الكفر. و النبي كان قال بلي غاادي يستغفر ليه من غير يلا مانهااهش الله، و تماا نزلوا 2 ٱيات

الٱية لولة هي : " ما كان للنبي و اللذين ٱمنوا ان يستغفروا للمشركين و لو كانوا أولي قربى من بعد ما تبين لهم أنهم أصحاب الجحيم " سورة التوبة

الٱية الثاانية " إنك لا تهدي من أحببت و لكن الله يهدي من يشاء و هو أعلم بالمهتدين " سورة القصص 

و من بعد غاادي يسولوه الكفار و المسلمين بجوج وااش غاادي تشفع لعمك لي كان تيحميك و تيداافع عليك، واش نفعتيه ولا والو، و الرسول قاليهوم: بسباابي أناا راه في ضحضاح من الناار ( لعافية واصلا ليه حد الكعب ديال رجلييه) 

دعوة الإسلام خارج مكة 

بداا النبي تيتحرك خاارج مكة و تيدعوا الناس للإسلام، فلول مشاا للطائف و لكن النااس تما ماهتاموش لكلام الرسول و رجع لمكة و جاا موسم الحج و بدااو القبائل تيجيو يحجوا و النبي كان تيعرض عليهوم الإسلام قبيلة قبيلة و لكن كانوا تيرفضوا  حتى وصلات السنة 11 للنبوة عاد تماا كان واحد المجموعة ديال النااس لي بعقلها من اهل يترب ( مدينة رسول الله ) و حيت هوما كانوا عشراان اليهود كانوا تيسمعوهوم تيهضرو بلي هذا راه هو وقت ديال نبي و عرفوا بلي الرسول راه على حق و قبلوا برسالة ديالو و فاش رجعوا للمدينة بدااو تينشروا الخبر على الرسول  و من بعد غاادي يعاودوا يرجعوا لمكة بااش يباايعوه على الإسلام و على كلمة التوحيد 

الإسراء و المعرااج : 

الوقت المضبوط فوقااش  كاان  الإسرااء فيه اختلاف و لكن هذاا مااشي هو المهم تعرفوا أن حادثة الإسراء

الرسول سافر من المسجد الحرام إلى بيت المقدس على البراق صحبة جبريل و تما صلى بالأنبياء 

و الإعرااج هو صعود الرسول إلى السماء السابعة و فكل سماء كان تيستقبلوا نبي  و كانت التحية لي تيحييوه بييها هي " مرحبا بالأخ الصادق، و النبي الصادق "  من غير ٱدم ( أب البشرية ) و إبراهيم ( أب الأنبياء ) هادو كانوا تيقولو لييه " مرحبا بالإبن* الصادق، و النبي الصادق "

فالسماء الأولى كاان ٱدم

الثانية: يحيى بن زكريا و عيسى ابن مريم

الثالتة: يوسف

الرابعة : إدريس

الخامسة : هارون ابن عمران

السادسة: موسى ابن عمران

السابعة: ابراهيم

و من تماا انتقل لسدرة المنتهى ( نهاية الخلق ) فين الله فرض علييه الصلوات الخمس و أوحى لعبده ما يوحى. و تما شاف الرسول شحال من حاجة و لكن لا داعي ندخلوا لييها هناا. 

فاش رجع الرسول لمكة من بيت المقدس شااف فالطريق واحد العير تا هيا متجهة بيت المقدس. 

و فاش جاا الصباح و الرسول عاود لييهوم شنو وقع ماتاقوش بيه الكفاار و حتى شي وحدين لي عاد سلموا جاتهوم غريبة كيفااش وقع هادشي و بدااو تيتشككوا فالدين ديالهوم. فهاد الحادثة سمي ابو بكر الصديق ' صديق هذه الأمة' حيت فاش قالوا ليه ها شنو قال صااحبك ( على الرسول ) قاليهوم بكل برودة يلا قالهاا رااه دارها بصح و صاافي

و نزلات واحد الٱية فسورة الزمر تتهضر على موقف أبي بكر

الٱية هي " و اللذي جاء بالصدق و صدق به أولئك هم المهتدون "

والرسول بداا تيعطيهوم الوصف ديال بيت المقدس و لي شافوا من قبا عرفوا و قاليهوم بليمارة رااه ايجي وااحد العير من ديك نااحية فهاد الأياام  و فااش جاات ديك القافلة بصح لي كاان هضر عليها نااس تعجبوا و لي كان فيها الشك من قبل تأكد من كلاام الرسول

صوو، ما بقا والو و تسالا مرحلة العهد المكي و تبداا فترة العهد المدني و غدا إن شاء الله انشوفوا الحدث لي غادي يبدي الإنتقالة لهاد 

المرحلة الجديدة

دخلو تقراو الجزء العاشر هنا: 👇👇👇

لسيرة النبوية بالدارجة - الجزء العاشر: طلائع الهجرة - Grow B'dariija (growbdarija.com)

يتبع ... 💓