لي ماقرااش الجزء الحادي عشر، يقرااه هناا: 👇👇👇

لسيرة النبوية بالدارجة - الجزء الحادي عشر: بداية العهد المدني - Grow B'dariija (growbdarija.com)

بقيينا فمسألة الخيام. سعد بن معاذ غادي يقتارح على الرسول أنه يديرو ليه واحد الخيمة خااصة ( عريشاا ) تكون مقر لقياادة الرسول و تكون مزياانة حيت في حالة نتصروا غاادي يكون الإحتفال و الزردة تماا و في حالة وقعات الهزيمة، اتكون سااهلة من تماا تغاادر و تعلق. الرسول قبل و دارو ليه مقر للقيادة لي من فيه ايبداو تيوجدوا الجيش بالليل. الجيش ديال قريش تا هو كان تيوجد راسو للمعركة. 

لاغد ليه فالصبااح،  تلاقى الجيشاان و شي بقاا تيشوف فشي. الرسول بدا تيهضر و تيموتيڤي فالمسلمين، و أبو جهل  عوتاني تا هو كان تيموتيڤي فالكفاار. 

مهم، ايبدااو الطرفين تيوجدوا للحرب و فاش اتبدا المعركة غاادي تكون مبارزة ما بين 3 من المسلمين و 3 ديال الكفار. فاللول غاادي يجيو 3 من الأنصاار باش يبارزوا 3 من المشركين و لكن ماغااديش يقبلوا بيهوم المشركين و ايقولك بغيينا لي من أهل ديالنا نحروهوم نحير الجمل، الرسول ايسيفط ليهوم 3 ( حمزة، علي، و عبيدة بن الحارث )  ايربح المسلمين و ديك السااعة اتشبك كروشياات و اتبدا المعركة ما بين الكفار و المسلمين، و غادي ينتصر المسلمين على الكفار واخاا العدد قليل بزااف.

فاش المسلمين ربحوا المبارزة، الكفار غاادي يهجموا عليهوم و المسلمين ايبقااو واقفين شادين بلاصتهوم، يميلو  و مايطيحوش. 

الرسول وعد المسلمين بلي أي وااحد ايموت دابا فالحرب مقبل غير مدبر ( يعني غاادي يوااجه العدو مااشي تيهرب و تجيه قرطااسة للرااس ) ايدخل للجنة و هادشي ايموتيڤي لمسلمين و غاادي الرسول يأمر بالهجوم المضاد. كانوا المسلمين شاادين الدفااع داباا ايدوزو للهجوم. 

من ضمن لحوايج لي كانوا فشكل فهاد المعركة هي تيكون بنادم  غادي حتى تيتقطع ليه راسو. و السبب هو الله أنزل ملائكة تتسااعد المسلمين في القتال. 

و هناياا إبليس غاادي ينسحب من القتال. كان هو ديجا جاا لعند قريش و قالهوم بلي غادي نعاونكوم  فهاد الحرب و ماغااديش نخلي شي حد يهجم عليكوم فعقر داركوم و نتوما absent

و فاش إبليس غادي يهرب ( كان فصفة رجل سميتو سراقة ) المشركين ايقولو ليه واضفااك برو فين غاادي، إبليس غادي يقولهوم هولي شيت رااه انا لي تنشوفو ماتتشوفوهش نتوما. 

هنا قريش غادي يجيها لمااء فالركاابي و غادي تبدا الهزيمة السااحقة. أبي جهل غادي يكون  هو اللخر صاامد و لكن واحد 2 من الصحابة و كانوا هي صغاار ايسولو على فين هو ابو جهل باش يقتلو الرجل لي عاير النبي و دوز عليه لاندوشين،، و فاش غادي يشوفوه ايمشيو نيشاان و ايقتلوه بجوج. 

اتسالا المعركة بخساائر كبيرة للكفار، تقتل منهوم بزااف و تأسر بزااف من عامة القوم و حتى من أسياد قريش و فهاد المعركة غاادي يباان إيمان الصحابة حيت هناا بزاف لي قتل مشركين لي إما من عائلتوا ولا من صحابوا. يعني خوتنا و حبابنا فالإسلام لا غير. 

الكفاار صونااو على قبيلة قريش و لحبابهوم و كانوا تيسااينو يقولو ليهوم رااه نتصرنا ولكن صدمة قوية Directed by Robert 🐸

مهم تسالات الحرب المسلمين خدااو غنائم و تسجل هذا كأول إنتصار للمسلمين و كان مهم من الناحية النفسية و حتى الناحية الدينية كان الصحابة لي شاركوا فهاد المعركة عندهوم بلاصة و أهمية كبيرة. ولا لوااحد تيقولك رااه أناا صحاابي بدري يعني راه شي حااجة بحال يلا قاالك رااني بنت لكوميسير عدناا حناا 🤣🤣 

أحداث غزوة بدر كااين فالقرٱن فسورة الأنفال، قراوهاا و غادي تلقااو بزااف من هادشي لي ذكرت و كتر 

غداا إن شاء الله نشوفوا غزوة أخرى لي كانت سانك ساانك للطرفين

دخلو تقراو الجزء الثالت عشر هنا:  👇👇👇

لسيرة النبوية بالدارجة - الجزء الثالت عشر: غزوة بني قينقاع - Grow B'dariija (growbdarija.com)

يتبع ... 💓