لي ماقرااش الجزء التاسع عشر، يقرااه هناا: 👇👇👇

لسيرة النبوية بالدارجة - الجزء التاسع عشر: مكاتبة الملوك - Grow B'dariija (growbdarija.com)

ٱخر مرة قلنا أن كسرى صعر حيت النبي دار الإسم ديالو هو لول و غادي يسيفط 2 رجال باش يجيبو النبي لعند كسرى. فاش دوك الرجاال جاو، النبي ايهضر معاهوم بالصواب  و ايقوليهوم سيروا حتى تجيو  غدا، ايمشيو و نهار لي من بعد فاش جاو اتكون ناضت واحد الثورة عندوا فالقصر و هجم عليه قيصر حاكم الروم.

صو دوك 2 نااس لي جاو باش يديو الرسول ايعرفوا هاد القضية و ايمشيو بحالهوم. 

4⃣ النبي ايسيفط رسالة لقيصر حاكم الروم 

المقدمة عوتاني بحال بحال، و العرض مختلف.

فاش ايجي سفير رسول الله لعند قيصر، ايجيبوا واحد المترجم و غادي يسولو قيصر واحد الأسئلة. مثلا، ايسولوا كيداير النسب ديال هاد النبي فيكوم، و غادي يقولوا ليه نسب مزيان، الله يعمرها دار. ايسولوا واش شي حد ادعى النبوة فيكوم قبل، ايقوليه لاا. ايسولوا واش كان شي حد فعائلة ديالو ملك، ايقوليه لا. واش تيتبعوه أشراف الناس ولا الضعفاء ديالهوم، ايقوليه، الضعفاء. واش تيتزااد العدد ديالهوم ولا تيتنقص، ايقوليه تيتزاد.  ايسولوا واش شي حد خرج من الدين ديالوا حيت مابقااش عاجبوا، ايقوليه لاا. ايسولوا، كاان قبل ما يتبعت بالنبوة كان معروف عليه لكذوب ولا الخدااع ولا الغدر ايقوليييه لا لا لااا . و ايبقى تيفكر داك قيصر و ايزييد يسولوا، وااش قاتلتلوه فاللول، و كيفااش كان هاد القتال؟ ايقوليه ااه تقاتلناا و "الحرب  بيننا سجال". معنى الحرب سجال هو الحرب متكافئة، مرة تنربحوهوم و مرة تيربحونا.  ايسولوا ٱخر سؤاال و غاادي بااش تيأمركم، ايقوليه تيٱمرنا نعبدوا الله وحده، و مانشركوش بيه و نساو شنو كان تيعبد الٱباء ديالنا. 

قيصر غادي دابا يهضر مع المترجم و ايقوليه، سولتك هاد الأسئلة الدقيقة من لول حتى لخر باش نتأكد من واش راه رسول بصح ولا نو. و گااع الأجوبة لي عطيتيني تتطاابق المواصفات لي تيتبعثوا بيها الأنبياء.  و ايقوليه كنت عاارف بلي ٱخر نبي غاادي يتبعث و لكن ماعرفتش راه عندكوم. و كون صحاابني هكا كون راه مشيت انا نتلاقاه شحال هاادي. 

غاادي يقراا عوتاني كتاب رسول الله و دوك الحاشية ديالو اتكتر الهضرة معاه بريڤي. السفير و الصحابة غادي يبقااو تيسااينو براا شنو ايوقع، فاللخر ايخرج قيصر ايعطيهوم شي هدايا و ايسيفطهوم بحالهوم. 

من غير هاد الملوك الأربعة، النبي ايسيفط ل 4 ملوك وحدين خرين لي هوما: المنذر بن ساوى حاكم البحرين، هوذة بن علي حاكم اليمامة، الحارث بن أبي شمر الغساني صاحب دمشق، و ملك عمان جيفر. 

الملوك  لي ذكرت هوما لموهيمين، بزااف و لكن في حالة بغيتو تعرفوا حتى كيفاش كان تعامل هؤلاء مع رسول الله و مع الدعوة 

للإسلام، تقدوا تقلبوا عليهوم ✌

دخلو تقراو الجزء الحادي و العشرين: 👇👇👇

لسيرة النبوية بالدارجة - الجزء الحادي والعشرون: غزوة خيبر - Grow B'dariija (growbdarija.com)

يتبع ... 💓️