لي ماقرااش الجزء الثاني و العشرون، يقرااه هناا: 👇👇👇

لسيرة النبوية بالدارجة - الجزء الثاني والعشرون: عمرة القضاء - Grow B'dariija (growbdarija.com)

معركة 3000 ضد 200 ألف محارب. 

بداات المعركة و تقاتل الطرفين و گااع دوك القادة 3 لي رسول الله وصا عليهوم ماتوا من بعد ماتحاربوا و عطاو جهدهوم كاملين. و تخربق الجيش ديال المسلمين حيت ماكااينش لي يقودوا، و بدااو تيسولوا شكون لي يقود الجيش، شكون لي يفكناا ؟ و نااس قالوا بلي خالد بن الوليد هو لي يستحق هاد المهمة، كان خالد  يالاه سلم قبل هاد الحرب و هو لي غاادي يفكهوم من هاد لمشكل و لكن قبل مانهضروا على كيفااش يفكهوم، نهضروا بعجاالة على كيفااش دخل للإسلام 

من بعد ديك صلح الحديبية بشويا، كان الرسول هضر مع خو 'خالد بن الوليد' سميتو "الوليد ابن الوليد" و سولو على خوه و قاليه بلي بغاه يسلم و سيفط ليه ميسااج مع خوه.

خالد بن الوليد فرح منين عرف بلي راه الرسول باغييه يدخل للإسلام حيت راه كان مهتم ديجاا باش يسلم و فاش مشاا لعند الرسول هو و عمرو بن العاص باش يسلموا، سول الرسول واش الله يسمح لييا و اناا ديجا دااير زباايل و محاارب المسلمين سنين هاادي، و النبي جاوبوا، قالييه " يا خالد إن الإسلام يجب ما قبله " يعني فاش تتسلم راه داكشي لي فاات ماات واخا تكون درتي لي درتي، و هادشي تينطبق حتى على فاش تتوب لله توبة نصوحة بشروطهاا. لي فات  تيموت. 

مهم، عدناا 

خداا خالد بن الوليد لواء المسلمين و خرجهوم من ديك المعركة بأقل خسائر.  كان قال للجيش يبدل لبلاصة، لي القداام يمشي للور، و لي فليمن يدوز لليسر، و هي غاادة بااش الأعداء يصحابهوم رااه هذاا جيش اخور ولا نااس تزادو و دخلهوم الصهد. 

و ديك السااعة ترااجع العدو باش يفكرو شنو يديرو، و المسلمين ستغلوا هاد الفرصة و رجعوا بحالهوم.

فهاد المعركة مات شي 12 لواحد من المسلمين اما عدد لي مات من الرومان مامعروفش. 

المسلمين مانتصروش فهاد المعركة و لكن حتى الرومان مانتاصروش فيها، ماقدوش يقضيو على المسلمين، بالعكس، المسلمين قتلوا منهوم بزااف و عااد داروا ليهوم الشوهة و المسلمين ولا عندهوم واحد الشأن كبيير و داارو لبووز بين القبائل. و بسباب شجاعة المسلمين فهاد المعركة، بزاف ديال القبائل دخلات للإسلام. 

غزوة فتح مكة: 

السبب  ديال هاد الغزو هو قريش كانوا خرقوا واحد البند من بنود المعاهدة. هاد البند هو أن أي قبيلة بغات تدخل إما للإسلام ( فحزب النبي ) ولا فالكفر ( فحزب قريش ) تدخل، و أي عدوان عليها تيتمسى عدوان على داك الحزب. واحد القبيلة سميتها 'بني خزاعة' دخلات للإسلام و إنضمت للرسول، و لكن قبيلة أخرى سميتها 'بنو بكر' لي كانت فحزب قريش هجمات عليها و قتلات شي ناس منهوم. و هذا هو خرق صريح بلعلالي لديك المعاهدة لي دارت قريش مع النبي. واحد الرجل مشا عند النبي يتشكا و النبي قاليه غي رتاح، غادي تنصر بإذن الله. 

النبي وعده بالنصر و داكشي لي غادي يكون. غي هو كيفاش هاد النصر ايتحقق ؟ لبوسط الجااي و نعرفوا ✌

الجزء الرابع و العشرين:  ️👇👇👇

لسيرة النبوية بالدارجة - الجزء الرابع والعشرون: فتح مكة - Grow B'dariija (growbdarija.com)