لي ماقرااش الجزء الثالت و العشرون، يقرااه هناا: 👇👇👇

لسيرة النبوية بالدارجة - الجزء الثالت والعشرون: معركة مؤتة - Grow B'dariija (growbdarija.com)

غزوة فتح مكة: 

السبب  ديال هاد الغزو هو قريش كانوا خرقوا واحد البند من بنود المعاهدة. هاد البند هو أن أي قبيلة بغات تدخل إما للإسلام ( فحزب النبي ) ولا فالكفر ( فحزب قريش ) تدخل، و أي عدوان عليها تيتمسى عدوان على داك الحزب. واحد القبيلة سميتها 'بني خزاعة' دخلات للإسلام و إنضمت للرسول، و لكن قبيلة أخرى سميتها 'بنو بكر' لي كانت فحزب قريش هجمات عليها و قتلات شي ناس منهوم. و هذا هو خرق صريح بلعلالي لديك المعاهدة لي دارت قريش مع النبي. واحد الرجل مشا عند النبي يتشكا و النبي قاليه غي رتاح، غادي تنصر بإذن الله. 

قريش خافوا لا الرسول يعرف و يلغي الهدنة لي بيناتهوم، و سيفطوا واحد الرجل لعندو ( أبو سفيان )  للمدينة بااش يفكروا بلي رااه دايرين عقد و كدا و يلحس لكابة و يبينوا راسهوم ظريفيين، و لكن الرسول رفض أنه يقاابل داك الرجل و فاش قريش عرفاات، عولوا على راسهوم انه راه اتنوض الحرب بيناتهوم. 

أبو سفيان مشا تيجري لقريش و عاود ليهون بلي النبي مابغاش يشوفوا و عرفوا أن الحرب جاية لا محالة، مايحيدهاش ليهوم الطبيب. 

الرسول وجد الجيش لي غادي يغزوا مكة. بغا النبي يمشي بالتخبيعة و باش يضمن أن القبائل ماغاديش تعرف فين غادي ولا شنو ايدير، اسيفط شي رجال لواحد جهة بعيدة على مكة باش ناس يقولوا راه ايمشي يتحارب مع شي جيش اخور

الجيش لي تجمع كان فيه 10000 محارب و مشاو لمكة فالسنة 8 للهجرة فرمضان. 

فالطريق لمكة، النبي غادي يتلاقا العم ديالو العباس و غادي يسلم عليه و ايتلاقاو حتى ولد عمو و بنت عمتو ( أبو سفيان الحارث & أم سلمة ) و لكن النبي ماغاديش يبغي يشوفهوم حيت دازت عليه تمارة بسبابهوم و ايرغبوه و لكن والو. ايمشيو عند عم الرسول ايقولو ليه شنو نديرو ايقولهوم قولو ليه كيما قال إخوة يوسف ( تاالله لقد ٱثرك الله علينا و إن كنا لخاطئين ) و النبي ايجاوبهوم ب ( لا تثريب عليكم اليوم يغفر الله لكم و هو أرحم الراحمين ) 

ايتلاقا الرسول فالطريق حتى أبو سفيان بن حرب و هذا كان عدو كبير ديال المسلمين. غادي يتلاقاهوم فالطريق و ايخاف من أنه يتقتل حيت ولد الناس بإمتياز، و لكن عوتاني عم الرسول ( العباس ) غادي ينقدوا. ايعطيه البغلة لي كان تيركب عليها الرسول و ايقوليه يلا كنتي راكب على هادي راه تا حد ماغادي يفكر يأذيك و اتدوز من حداهوم و تهرب، و بصح داكشي لي كان حتى داز من حدا عمر بن الخطاب و هو  يقشعوا. أبو سفيان كان تيجري باغي يهرب و دخل لعند الرسول و عمر بن الخطاب ايشدوا من قرفادتوا و يقول للرسول عافاك نقتلوا، و لكن العباس ايقول لعمر بن الخطاب 'لا' راه معايا و النبي ايقوليه ماتقتلوش و سير حتى لغدا عاد جيبو ليا. فالصباح، ايدخل على النبي و غادي يسلم أبو سفيان. فاش غادي يسلم ايقول العباس ( عم الرسول )  للرسول راه هاد خونا عزيز عليه يبان قدام الناس، حاول تهلا فيه بشي حاجة باش يبان قدام الناس. و النبي ايقوليه لي دخل لدارك فاش نجي لمكة فهو ٱمن، و أبو سفيان ايرجع لمكة و هو تيضحك من لودن لودن. فاش ايوصل لمكة ايقوليهوم: " وااا النااس، الرسول جااي و ماقادينش نتوما على دباز ديالو، و لي بغا ينقد راسو يدخل لداري؛ من دخل دار أبي سفيان فهو ٱمن." 

فهاد الأثناء الرسول راه جاي للمدينة و هو و المسلمين تيحسوا بالتبوريشة حيت الله كتب ليهوم هاد الفتح. 

مهم فاش دخل المسلمين لمكة، النبي فرقهم لمجموعات و كل مجموعة دخلات من طريق و  مالقااوش صعوبات بزااف، اي وااحد لي عارضهوم تيتهزم دغيا و دخل الرسول نقاا الكعبة من الأصنام. و طاف بالكعبة و قبل الحجر الأسود و هو تيقول " جاء الحق و زهق الباطل إن الباطل كان زهوقا" الإسراء 81 و صلى بالكعبة.  

قريش دخلات للمسجد باش تعرف الرسول شنو عوال يدير معاهوم، و سولهوم  قاليهوم شنو فنظركوم اندير ليكوم، قالو لييه أخ كريم و ابن اخ كريم، و الرسول جاوبهوم كيماا يوسف قال للإخوة ديالو.

" لا تثريب عليكم اليوم " إذهبوا فأنتم الطلقاء 

و فنفس الوقت كانوا شي وحدين لي مايحشموا ما يخافوا، رؤوس الكفر تقتلوا ديك السااعة كيما أمر رسول الله و لو تعلقوا بأستار الكعبة 

بلال لي كان تيتعدب فالكعبة فيامات بداية الإسلام طلع للكعبة و أذن تما 😍💪 

من بعد نصرة النبي بايعت قريش لرسول الله و تنصر الحق فبلاد الكفر. بقا رسول الله فمكة 19 يوم تيغرز فأهل قريش تعاليم الإسلام و تيهرسوا الأصنام لي كانوا. 

و من بعد هاد النصر تنوصلوا للمرحلة جديدة من حياة الرسول و تنقربوا للنهاية.

الجزء الخامس و العشرين: 👇👇👇

لسيرة النبوية بالدارجة - الجزء الخامس والعشرون: غزوة حنين - Grow B'dariija (growbdarija.com)

يتبع ... 💓