لي ماقرااش الجزء الخامس و العشرون، يقرااه هناا: 👇👇👇

لسيرة النبوية بالدارجة - الجزء الخامس والعشرون: غزوة حنين - Grow B'dariija (growbdarija.com)

غزوة تبوك : 

هاد الغزوة كانت فالسنة التااسعة للهجرة فشهر رجب 

هاد المعركة اتكون بين الرومان و المسلمين. المسلمين كاانوا ديجا تحاربوا مع الرومان فمعركة مؤتة فين الرومان قتلوا واحد السفير ديال المسلمين. 

هاد المرة سبب المعركة ايكون هو قيصر ( حاكم الرومان ) من القوة لي ولات عند المسلمين. بزاف ديال القبائل نضمات للنبي من بعد فتح مكة، و هاد القبائل كانت تتزاد للنبي و تتنقص من الحدود ديال الرومان. 

صو الرومان دخلهوم الصهد و  جمعوا واحد الجيش ديال 40 ألف واحد و المسلمين جمعوا 30 ألف واحد. 

هو هاد العدد لي جمعوا المسلمين مزياان من ناحية القوة و لكن كان تيشكل صعوبة من ناحية التجهيز، ماكااينش عدد كافي ديال الدروع، الأحصنة، الخيم فين يباتوا، و داكشي باش يكون جيش مقوم على حقوا و طريقوا، صوو شي وحدين ماقدوش يمشيو بسباب هاد المشااكل. و كاين منافقين لي كانوا قادرين أنهم يخرجوا و لكن داروا السبة بالحرارة و الله نزل ٱيات من سورة التوبة تتفضحهوم 

وقالوا لا تنفروا في الحر قل نار جهنم أشد حرا لو كانوا يفقهون } (التوبة:81) ، وقال تعالى: { ولو أَرادوا الخروج لأعدوا له عدة ولكن كره الله انبعاثهم فثبطهم وقيل اقعدوا مع القاعدين } (التوبة:46)

و خلاص الصحابة ( على رأسهم أبو بكر ) تصدقوا بفلوسهوم فسبيل الله.

مهم هااد الجيش ديال المسلمين خرجوا تسااراو و صافي حيت فاش وصلوا لتبوك ( مكان المعركة ) الرومان جاهوم لمااء فالركابي و ماقدروش يتحاربوا، و صدقات هادي فيها خير للمسلمين، حيت من نااحية باانوا صعااب و وااعريين و صدق القبائل لوخرين عاطينهوم الجزية لي هي عبارة عن ضريبة مالية تيعطيها غير المسلمين للمسلمين لي عايشين فأرضهم و تحت ظلهم  و تيخص حاكم البلاد يخسرها على داكشي لي اينفع لبلاد، نعتابروها بحال صدقة لي تيعطيوها المسلمين.

المنافقين لي داروا السبة بالحرارة قبل الغزوة جاو عند النبي تيطلبوه يستغفر ليهوم و بداو عليه بسلوگيات مورا لخرا، و النبي داهوم على قد هضرتهوم و استغفر ليهوم و وكل سرهم لله تعالى؛ من غير 3 ديال الصحابة لي جاو للرسول نيشان و عتارفو ليه بالخطأ و هادوا النبي قاليهوم أمركم لله نتوما، و بالفعل الله غفر ليهوم و تاب عليهوم فسورة التوبة، الٱية 118 

صوو هاد الغزوة كان عندها أثر كبير على المسلمين و غير المسلمين حيت عرفوا بلي الإسلام مااشي سااهل و لي مسلم راه فتاخر بالدين ديالو، و لي ماشي مسلم و ناوي على خزيت دخلوا الصهد و لي ماشي مسلم و قلبوا فيه الخير رااه دخل للإسلام. 

بعض الوقائع المهمة فهاد السنة 

1⃣ ترجمات الغامدية لي كانت جات عند النبي و عتارفات بالزنا

2⃣ مات خونا النجاشي لي كانوا هاجروا المسلمين لعندوا فالحبشة و صلى عليه الرسول صلاة الغائب

3⃣ ماتت بنت الرسول أم كلثوم

4⃣ مات رأس المنافقين عبد الله بن أبي بن سلول و النبي استغفر ليه و صلى عليه واخاا عمر بن الخطاب حاول  يمنعوا، و نزلات ٱية تتوافق عمر بن الخطاب و تتمنع الإستغفار لمن مات على غير ملة الإسلام  ( هادي لدوك المسلمين لكيوت لي تيقولك ا هانيااا ترحم على غير المسلمين، و المرتدين و .... ) 

صوو، هادي كانت أخر غزوة، لي انهضروا عليها و غدا إن شاء الله انهضرو على ٱخر الأحدااث لي وقعاات فحياة الرسول و بالضبط ...