مرحلة نزول الوحي على الرسول

دخل لهنا تقرى الجزء الثاني: 👇👇👇

السيرة النبوية بالداارجة - الجزء الثاني: مولد الرسول و 40 عام قبل النبوة - Grow B'dariija (growbdarija.com)

فاش النبي قرب يوصل لسن 40 سنة،  ولا عزيز علييه يبقى جاالس باحدو ولا تيااخد لمااكلة لغار حراء و تماا تيدوز وقتوا فالتأمل فالكون و تيفكر فداكشي لي تيدير أهل قريش و تيباان ليه بلي داكشي مااشي لوجيك و بقاا هكااك واحد المدة حتى وصل لسن 40 و تماا فين اتبداا تبان ليه علامات النبوة ... لي من ضمنهاا هو تيدوز من حداا لحجر و تيسمع الحجر تيسلم علييه، تيحلم شي حلمة و تتوقع نهاار لي مورااه كيف ماشاافها فالرؤية ديالو. و هاادشي كان هو بدااية النبوة، و بقا هادشي لمدة 6 أشهر. من بعد هاد الفترة دخل رمضاان و هناا فين اينزل عليه جبريل فغار حراء و قاليه إقرأ و الرد ديال النبي كان هو "ما أنا بقارئ" و من بعد جبريل عاود ليه إقرأ للمرة الثانية و الثالتة و النبي رفض من بعدها و تما فين جبريل قرأ الٱيات الأولى من سورة العلق ( إقرأ بإسم ربك الذي خلق1 خلق الإنسان من علق2 إقرأ و ربك الأكرم3 ) 

النبي خااف من داكشي لي سمع و من داك الموقف و رجع لبيت الزوجة ديالو خديجة و قاليها شنو وقع و قاليها بلي راه خايف و هي بداات تاطمأنوا و تتقوليه ماتخافش الله ماغاديش يضيعك حيت تادير الخير و تتعاون النااس و تتنصر الحق و مشات معاه لعند ولد عمها  ( سميتو ورقة ابن نوفل ) لي كان عندوا خبرة فالديانات و فأخبار أهل الكتاب و النبي عاود ليه كلشي بالتفصيل لي شاف، و هاد خونا قال للنبي بلي راه هذااك هو لي نزل على موسى و رااك نبي هذه الأمة و راه قداامك طريق طويلة و غاادي يحاربوك هاد ولاد النااس حيت ماكااينش شي حد لي جااب هادشي لي تتقول بيه و كلام الحق بصفة عامة إلا و حاربوه قوم ديالو و خرجوه

مهم كان الوحي🎉 تينزل مرة مرة و كانت تتنزل بعض السور لي تتخبر النبي بالإستعداد و بلي مهمة النبوة ماشي سااهلة

واحد المرة كماا كانت العادة كان رااجع من غار حرااء و كان بوحدو و سمع واحد صوت و ماعرفش منين، بقا تيدور و تيقلب و من بعد فااش شااف لفوق لقاا بلي جبريل جالس على كرسي بين السماء و الأرض و النبي أغمي عليه من داك المنظر ،فااش فااق و كان مزاال مأثر شويا نزلات الٱياات لولة من سورة المدثر لي تتكلفوا بالنبوة و فنفس الوقت تتخبروا بلي راه مااشي سااهلة.

يَا أَيُّهَا الْمُدَّثِّرُ (1) قُمْ فَأَنذِرْ (2) وَرَبَّكَ فَكَبِّرْ (3) وَثِيَابَكَ فَطَهِّرْ (4) وَالرُّجْزَ فَاهْجُرْ (5) وَلَا تَمْنُن تَسْتَكْثِرُ (6) وَلِرَبِّكَ فَاصْبِرْ (7)

🎉 الطريقة لي تينزل بيها الوحي كتختلف:

1⃣  أول طريقة كانت هي الرؤية الصادقة: عبارة عن حلم و لكن ماشي بحال تخربيق لي تنحلموا حناا، قصة ماعندها لا مقدمة لا خاتمة، نيشااان تاادخل فالعرض و مخربقة. الرؤيا  ديال الرسول كانت بحال يلا تتشوف لحاجة بعينيك و نتا فاايق مافيهاش الخطأ ولا تشااش

2⃣ الطريقة الثانية هي النفث في الروع: هي لحااجة كانت تتجي فخااطرا و تيعرفها و صاافي، و كاين فواحد الحديث الرسول تيقول « إن روح القدس نفث في روعي أنه لن تموت نفس حتى تستكمل رزقهاا .... » ، يعني جات فخااطروا و عرفهاا و صاافي

3⃣ الطريقة الثالتة هي جبريل كان تيجي فصفة راجل و تيهضر معاه مباشرة

4⃣  طريقة راابعة تتسمى "صلصلة الجرس"  لي هو وااحد الصوت شديد و كانت هاادي قااسية على الرسول.

5⃣ الطريقة الخامسة هي تيشوف الملك  جبريل على الهيئة ديالو و هادي وقعات ليه  2 مراات ( مذكورة فسورة النجم )

6⃣  الوحي لي نزل الله عليه و هو فوق السماوات ليلة المعراج

7⃣ الطريقة لخرانية هي حديث الله معاه بلا واسطة

1⃣ العهد المكي  لي دام 13 سنة و العهد المكي تينقسم لمراحل صغاار: مرحلة الدعوة السرية، مرحلة الجهر بالدعوة، و الفترة الأخيرة قبل و حين الهجرة من مكة إلى المدينة.

2⃣ العهد المدني دام ل 10 سنوات تا هوما تينقسم لفترة قبل الغزوات و تأسيس الدولة، و فترة الغزوات و مرحلة إنتصار و إنتشار الإسلام بشكل كبير بين القبائل

لبوسط جااي نهضرو على فترة الدعوة السرية و لي داامت 3 سنواات

دخل تقرى الجزء الرابع هنا: 👇👇👇

السيرة النبوية بالدارجة - الجزء الرابع: مرحلة الدعوة سرا - Grow B'dariija (growbdarija.com)

يتبع  ....💓