السيرة النبوية بالدارجة - الجزء الرابع: مرحلة الدعوة سرا
لي ماقرااش الجزء الثالت، يقرااه هناا: 👇👇👇
بااش تدعي وااحد القوم لي تزااد و كبر فعبادة الأصناام رااه
ماشي سااهلة و هادي مهمة كبيرة، و أي حااجة لي كبيرة تيخصك ديرها و تبداها درجة
بدرجة و هادشي لي داار الرسول، أول نااس الرسول دعاهوم للإسلام هوما : الزوجة
ديالو خديجة، زيد إبن حارثة، و ولد عمواا على بن أبي طالب، و صديق الرسول أبي بكر.
هااد سلموا فالنهار لول حيت عارفين صدق الرسول و بلي هو مااشي ديال التفلية.
الإسلام ديال أبي بكر كان فشكل، حيت هو نيشاان قبل و دخل للإسلام. الزوجة ديالو، زيد بن حارثة، و حتى علي بن أبي طالب فاش عرض عليهوم الإسلام فكروا واحد الشوييا، واخاا غي ثواني و قبلوا دغياا
و لكن أبي بكر بيه فيه، قالييه سلم و أسلم نيشاان بلا تردد ولا تلعثم.
صديق الرسول أبي بكر نيشاان من بعد ما سلم بداا تيدعوا الناس للإسلام و على يديه سلموا بعض الصحابة لي راهوم مبشرين بالجنة ( عثمان بن عفان، زبير بن العوام، عبد الرحمن بن عوف، سعد بن ابي وقاص، و طلحة بن عبيد الله )
و كااين بزااف ديال النااس لي سلموا فهاد المرحلة و لكن رااه مصيبة
باش ندكر سمياتهوم كاملين. مهم هادوا تيتسمااو السابقون الأولون، حيت هوما لي
سبقوا للإسلام.
و كانوا تيتجمعوا هاد الصحابة فدار الأرقم بني الأرقم و هنا كان النبي تيعلمهوم الدين ديالهوم ( مكارم الأخلاق، الجنة و النار، التوحيد و الصلاة )
عاارف شنو ايقول شي وحدين و لكن مااشي الصلاة مزال عليها لحال ؟ هاديك حتى لمرحلة الإسراء و المعراج ؟؟
الجوااب هو ااه و لااا.
ففترة الإسراء و المعراج الله فرض الصلوات الخمسة و لكن فبداية الدعوة راه كانوا الصحابو تيصليو صلاة قبل طلوع الشمس و قبل غروبها.
كاان ديجا جبريل هبط للأرض و علم النبي كيفية الوضوء و الصلاة و النبي من بعدها علم الصحابة و كانوا تيخرجوا لبراا قريش ( غا نواحي و صاافي ) و تيصليو، وااحد المرة كان عم الرسول شااف النبي و علي تيصليو و سولهوم شنو تاديروا ؟ شرحوا ليه كولشي و هو قالييهوم مزياان كملوا هكااك، و عم الرسول كان مسااند لييه قبل مايموت.
كاين حكمة من أن الدعوة بداات سرا فلول، و هادشي تيخصنا نطبقوه على
حياتنا كاملة، فاش تكون عاادي باادي شي مشروع، خلييه مستور حتى يوقف على
رجلوا و قولو لكولشي ديك سااعة. ( بطبيعة لحال، مافيهاا باس تشاارك المشروع ديالك
مع النااس لي إما ايعاونوك فيه، ولا نااس قراب ليك و ثقة 💪 )
صوو، داازت 3 سنيين بييييس & لاااڤ ديال الدعوة السرية و
لكن من بعد غاادي يجي الوحي من عند الله بااش الرسول يجهر بالدعوة، و هاد الأمر
غاادي يجي فسورة الشعراء وأنذر عشيرتك الأقربين
و هاادشي لي نشوفو فالبوسط لي جااي 😁
دخل تقرى الجزء الخامس هنا: 👇👇👇
السيرة النبوية بالدارجة - الجزء الخامس: مرحلة الدعوة جهرا - Grow B'dariija (growbdarija.com)
يتبع ...
