لي ماقرااش الجزء الرابع، يقرااه هناا: 👇👇👇

السيرة النبوية بالدارجة - الجزء الرابع: مرحلة الدعوة سرا - Grow B'dariija (growbdarija.com)

نزلات واحد الٱية  فسورة الشعراء: و أنذر عشيرتك الأقربين

و هذاا أمر للرسول أنه ينشر الدعوة حيت ديك سااعة تجمعات واحد المجموعة لي تقدر توقف الإسلام على رجليه 

الدعوة في الأقربين:

النبي عيط لعائلتوا ( شي 45 شخص ) 2 مراات، المرة لولى ابو لهب هضر و قالييه نتاا باغي تجبد لينا صدااع و بعد من هادشي و كداا و النبي سكت، و لكن المرة الثاانية نبي هضر و قال بلي راكوم غادي  تموتو و تبعثوا كيما تتفيقوا و كيما تتنعسوا و راه كاين غي إلاه وااحد، أبو لهب صعر و قاليهوم شي حد فيكوم يشدوا و يسكتوا و هو عموا يهضر و قالييه بربي لا قااصوا شي واحد، غاادي نحميه ماحدي عاايش.  و هادشي عطا للنبي بعض الطمأنينة. 

على جبل الصفا: 

النبي رتاح فاش عرف بلي عموا رااه رااجل غادي يعاونوا و مشا لواحد الجبل و جمع النااس و قاليهوم: وااش تيقوا بييا لا قلت ليكون رااه كاين واحد الجيش جاي باش يهجم عليكوم و هوما قالوا ليه ااه نتيقوك، عارفينك تتقول غي لي كااين و مربي و كلمتك ديما بصح، و النبي تما قاليهوم بلي رااه ماكااين لا جيش لا والو و لكن لي كااين هو عذااب الله يلا مانتاهيتوش و شديتو الطريق، و كاين حتى الجنة و كااين رب وااحد .... مهم راكوم فهمتوني، و ديك السااعة  ولاد النااس ديال كفاار قريش قالوا لييه سييير ياا لكداااب ( عااد كانوا تيقولو لييه عمرك كدبتي عليينا )

هناا تيباالك بلي بناادم مناافق و ها هو مزياان معااك ماحدك غادي معاه فالطريق و تادير ليه خاطرواا و فاش ماتتكونش معاه ماغاديش يحملك. بطبيعة الحاال ماشي كلشي هكاا ( كااين إستثناءات، كااين أنا 😇 )

مهم نبي بقا فراس الجبل و تيخااطب نااس واحد وااحد، قبيلة قبيلة، داار داار، بيت بيت، زنقة زنقة و تيدعوهوم لطريق الله

الحگرة:

مهم داباا الإسلام نتااشر و غاادي يبدااو الكفار يعدبوا نااس  لي دخلوا للإسلام و لي ضعافين و ماعندهوم لي يحميهوم.

ماتسرطااتش ليهوم كيفااش مابقااوش نااس تيعبدوا الأصنام.

و قريش بداات تادير بزاف ديال المحاولات باش يبعدوا النااس على الإسلام، خصوصا فاش قرب موسم الحج و كانوا النااس غادي يمشيو للكعبة، من ضمن هاد المحاولات هي طلقوا إشاعات بلي راه النبي سااحر و غادي يااكل ليكوم عقلكوم، ولا رااه مجنون و غي تيخربق ولا شااعر و صاافي. و كان خلااص ساركاازم كاانت ↗️↗️  طالعة تاا هي تاداروهاا. 

قالوا علييه رااه  غي أساطير الأولين لي تينقل ليكوم من الكتب ( و النبي أصلا أمي مايتعرفش يقراا 🤦🤦 )

و قالوا علييه بلي رااه بااغي غي يجمع لفلوس بهاادشي، زعماا ايدير دين جديد و غاادي يولي هو الحااكم ديالناا و غادي يااخد لعااقة و داكشي لي بغاا.  و ديجاا رااه سيفطاات قريش واحد من رجاالاات ديالها( سميتوا عتبة ابن ربيعة )  باش يقول للنبي يلا بغيتي لفلوس نعطيوك، بغيتي الجيش نعطيوك، بغيتي الحكم نعطييوك، بغيتي الحريم نعطيوك، غي عطيناا شبر تيسااع و ماتبقااش تفرق بين الناس بهاد الدين ديالك و النبي بطبيعة الحال رفض.  

من ضمن لحواايج لي داروا كفار قريش هي قطعوا علاقات تجارية مع القبائل لي كان فيها الإسلام منتشر، و لي كان عندو شي عبد راه عدبوا مزياان باش يترااجع على الدين. فهاد اللقيطة أبو بكر كان تيشري العبيد و تيحررهوم لوجه الله باش يعبدوا الله فحريتهوم. 

موقف الكفار من الرسول: 

عم الرسول كاان حاضيه و حامييه و مااشي سااهلة بااش تقيسوا ديك ساعةو قريش عارفين هادشي و قصدوا عم الرسول باش يهددوه و يقولو ليه هضر مع ولد خوك ينعل الشيطاان و يبعد على الدين ديالناا حناا ولا ماغادي يعجبك حال.  عم الرسول أبي طالب دخلوا الصهد و مشاا هضر مع الرسول و قاليه شنو كااين و رااه ماقادين على صدااع، النبي قالييه والو ماغاديش نتفااك ولا نتناازل على الدعوة و كاان غادي بحالو و هو حزين حيت قال بلي صاافي مايقدرش  يبقى يعول على عمواا، و لكن عموا دغياا جروا من يديه و قالييه غي كمل الدعوة ديالك و هاناا معاااك حتى للموت 💪  ( صدمة كانت قوية لكفار قريش )