لسيرة النبوية بالدارجة - الجزء الساادس: الدعوة جهرا 2

لي ماقرااش الجزء الخامس، يقرااه هناا: 👇👇👇

السيرة النبوية بالدارجة - الجزء الخامس: مرحلة الدعوة جهرا - Grow B'dariija (growbdarija.com)

أبو لهب كان بعداا كي شي حمق لاصق فالرسول و غادي و تيكدبوا

مراات أبو لهب بنت الناس  كاانت ديماا تادير الشوك قداام بيت رسول الله

عشير أبو لهب ( عقبة بن ابي معيط ) لااح مصارن لبگر على رسول الله و هو تيصلي عند الكعبة

أبو جهل كان تيعايروا و حاضيه بعينوا فالطريق 

هااد لكليكة بعدا رااه كانت تتمشي باليل عند بيت رسول الله و تيسمعوا للقرٱن حيت تيريح نفوس ديالهوم و فالصبااح تيجيو يدابزوا معاه ( يخاافوا ما يحشموا ولا يحشمواا ما يخاافواا ؟ ) 

عوتااني واحد لقيطة لي عندها علاقة بالقرٱن هي واحد نهاار النبي كاان تيقراا القرٱن و بالضبط فسورة النجم و وصل لٱية لي فيها السجدة و قرا ديك الٱية و كفاار قريش نزلوا سجدوا، و وااحد الشوييا شي تيشوف فشي

تيقول لصااحبوا ماالك حااني ؟ تيقولييه صااحبوا تا نتاا رااك حااني 🐸

و هوما تيشوفوا راسهوم سااجدين و تينوضوا مخلوعين و قالوا راه داار ليكوم السحوور 

مهم القرٱن كاان تيأثر  على نفوسهوم بزااف و لكن واخاا هكااك الكبرياء و الغرور و قصوحية الرااس ماتتخليش لوااحد يعترف بالحق 

فااش الرسول ايشوف بلي هااد النااس مابغااوش يديرو عقلهوم و مابغااوش يهتدييو و مزاال تيأديو مسلمين، غاادي يأمر بالهجرة إلى الحبشة حيت تماا كاين واحد الملك عاادل لا يظلم أحدا ( هااد الملك كاان نصرااني و لكن غاادي يسلم من بعد  ) 

الهجرة للحبشة: 

الهجرة للحبشة وقعاات 2 مراات، و المرة ثاانية مشاا عدد كبير ديال النااس ( 83 رااجل و 19 لمرااة ) 

مهم المرة الثانية كاانت صعيبة حيت كااين نااس كتر و حيت ديجات قريش عاقوا بيهوم غاادي يهاجروا. حاولوا يتبعهوم و لكن المسلمين كانوا أسرع 🏃🏃 

هااد المرة الكفار بغاو يتبعوهوم و سيفطو 2 ديال نااس للحبشة باش يجيبوهوم ( عمرو بن العاص و عبد الله بن ابي ربيعة )

مشااو هاد 2 و دااو معاهوم هداياا للملك و دخلوا عندوا و بدااو تيبينوا دموع التماسيح و قالوا للملك النجاشي  ( النجاشي هو لقب تيطلقوه على ملك الحبشة ) 

قالوا ليه بلي رااه واحد طاائفة هرباات من بلادناا و صاافي دغياا قلبات وجوها على الٱلهة ديالنا و بداات تتدعي لواحد الدين عجيب ديالهوم و رااه حقاا خفناا عليك لا يمشيو تا نتوما ينشرو الدين ديالهوم و يخرجوا على الرعية ديالك، دوك الحاشية ديال النجاشي شاافوا الهداياا و الدهب و قالوا للملك ااه ااه جري عليهوم من بلاادناا. النجااشي قاليهوم اوهوو، حتى يجيو و نسمعو منهوم عوتااني هوما شنو يقولوا،

المسلمين جاا و لي نااب عليهوم هو جعفر بن أبي طالب و قاليه بلي رااه فالجاهلية كناا تنعبدوا الأصناام و تنسكروا و حگاراا و تنقطعوا الأرحام و عاطيينها غي للفوااحش على الاشكاال و النوااع، و لكن حمد لله الله بعث ليينا واحد الرسول لي حناا كاملين عاارفين النسب ديالو و عاارفين الصدق ديالو و الأمانة و راه ماقالنااش نديرو شي حااجة ديال العيب، أمرناا أن حناا نديرو الخير، نصدقوا و نصلوا الرحم، نعاون المساكين و شحاال من حااجو لي زويينة بزااااف و بقااو تيعطييوه أمثلة على داكشي لي أمر بيه بالله و قالوا ليه رااه رسول ديالناا سيفطناا لعندك حيت عارفين بلي نتاا ماتظلم حد و رااجل مزياان و كداا ( و نجااشي تحلااات لييه )

و سولهوم وااش معاكوم شي حااجة لي نزلات عليكوم ( زعماا من القرٱن ) و قرااو علييه الٱيات لوالة من سورة مريم و شدااتو لبكية و قاليهوم هاادشي لي جبتوا رااه هو لي جااب عيسر نيت

و قاليهوم سيرو و بقااو عندي شحاال مابغيتو ماكااينش ولد لمراا لي يقيسكوم و مشااو فرحاانين 🚶🚶 

عمر بن العاص قال لصااحبوا غا بلااتي غداا و نعااود نجي نوسوس لييه حتى يخلينا نديوهوم 

نهاار لي مورااه جاا لعند الملك عااود، و الملك شااف فعمر بن العااص و قاالييه:" عوتااني نتاا !!! اش بيتي ؟؟ 

قاليه سول دوك المسلمين شنو تيقولو فعيسى ( و النصاارى تيٱمنوا بلي رااه هو إلاه ديالهوم )  و فاش لمسلمين وصلهوم لخبار و مشااو عند الملك دخلهوم الصهد حيت خاافوا أنهم لا قالوا الحقيقة بأن عيسى غير عبد من عباد الله، يقدر الملك يغضب و يجري عليهوم ... والااايني فنفس الوقت مابغاوش يكدبوا و قالوا الحقيقة ( بلي عيسى ابن مريم عبد الله و رسولو ) ، و النجااشي قاليهوم و الله يلا عندكوم الحق و داكشي لي تنحس بيه بصح تا انا 

دوك حااشية النجاشي صعروا حيت تيٱمنوا بحااجة خراا، و نجاشي قالهوم ريلاكس ريلاكس واخاا تطيحوا ليا هنا ماغاديش نبدل هضرتي

و أمرهوم بااش يردوا الهداياا ديال هادوك لي جاو من قريش

و مشااو بحالهوم و طلقوا ليهوم أغنية " يا شمس العشية .. أمهل لا تغب بالله 🕺🎶🎶 🎵  فاش كانوا غاديين 

صوو بييس، حتى لغدا و نهضرو على ضوء لي لمع وسط المدينة للإسلام و المسلمين 🐸💪

دخل تقرى الجزء السابع هنا: 👇👇👇

لسيرة النبوية بالدارجة - الجزء السابع: إسلام حمزة و عمر بن الخطاب - Grow B'dariija (growbdarija.com)