لي ماقرااش الجزء السابع، يقرااه هناا: 👇👇👇

لسيرة النبوية بالدارجة - الجزء السابع: إسلام حمزة و عمر بن الخطاب - Grow B'dariija (growbdarija.com)

من بعد هاادشي قريش اتسيفط عتبة  بن ربيعة لعند الرسول و غادي يعرضوا علييه لي بغاا غير يحبس من الدعوة و لكن ايرفض.  داكشي لي عرضوا عليه هو جميع الأمور الدنيوية لي الإنسان تيطمح ليها، بحال المال و السلطة و الخدم و المكانة العالية بين القوم، و الذهب و الفضة و النسااء ( ديجا هضرنا على هاد القضية من قبل ) 

مهم من بعد هااادشي كاانوا شي مسااومات أخرى و شي أحدااث ثانوية، و كانت محاولات للقتل و بزااااف 

و فااش هادشي كولو فشل قرر قريش يمشييو عند اليهود بااش يسولوهوم واش هذا بصح نبي ولا كيفااش نجربوه ولا نتخلصوا منوا، حيت اليهود معروفين بعلم أهل الكتاب. 

مهم فاش مشااو قريش لعند اليهود تما قالوا لييهوم سيرو عندو و سولوه على الروح، واحد الفتية لي خرجوا فأول الزمان ( أهل الكهف ) و رجل لي طاف الأرض ( ذو للقرنين ) و نزلات سورة الكهف تتجااوب على هاد الأسئلة بعد اياام ( كاانت تعطلات حيت النبي ماقالش إن شاء الله فاش عطاا الكلمة لقريش بلي ايجاوبهوم )  

الوحي ( سورة الكهف )  تعطلات شي 2 سيماناات  عاد نزلات. و فاش جاا جبريل يبلغ الوحي للرسول، النبي سولو لااش تعطلتي و جبريل جاوبو بواحد الٱية من سورة مريم ( و ما نتنزل إلا بأمر ربك، له ما بين أيدينا و ما خلفنا و ما بين ذلك، و ما كان ربك نسيا )  الٱية 64 

يعني رااه ما باليد حيلة و ماتيهبط الوحي إلا بأمر الله، و راه مانسااكش 

مهم العبرة كانت هي خااصك تقول إن شاء الله على أي حااجة، 

صوو نزلاات سورة الكهف و جاوبات على دوك الأسئلة ديال كفار قريش و الكفاار تسالات لييهوم و تصدموا، و كان شي مجموعة من المسلمين بداا تيدخلهم الشك فالدين ديالهوم، حيت النبي كان تعطل 14 يوم فالجوااب، و لكن فاش نزل الوحي ندموا و رجع الإيمان ديالهوم كيف كان و كتر من لول 

مهم من بعد هاادي عوتااني، قريش ماعرفوا مايديرو حيت جاوبهوم و تأكدوا بلي رااه نبي الله و اخر ورقة رابحة فيديهوم مشاات  

المقااطعة 

بعجاالة المقااطعة هي واحد الميثااق دارتو قبائل قريش ضد بني هاشم و بني عبد المطلب لي فيه تيقاطعوا السلعة ديالهوم و تيقاطعوا الهضرة ديالهوم، مايمشيوش لعندهوم و مايزوجوش بناتهوم ليهوم و يعاملوهوم بحال يلا ماكااينيينش فخطراا 

و هاد المقاطعة داروها ضد المسلمين و الكفاار حيت حتى الكفاار ديالهوم مابغاوش يعطيوهوم النبي حيت واخا ضدوا فالدين كااين بيناتهوم قرابة الدم و كاين حمية القبائل ( تتجيهوم النفس على القرابة ديالهوم ) 

صوو تاهوما قطعوا عليهوم المعاملة كااملة و وصلات للمسلمين للعظم حيت مالقااو ما يااكلوا لمدة 3 سنوات تقريبا و هو مقاطعينهوم. كااين لي ولا تيااكل الربيع من الأرض، كااين لي ولا تيلحس لعظاام ديال تمر و ديال اي مااكلة قديمة بااش يسد الرمق ديالو. 

فهاد الأزمة، زوجة الرسول، خديجة لعباات دور كبير حيت ضحات بمالها و طاقتها باش تعاون رسول الله فهاد المرحلة و حتى المستضعفين من المسلمين لي عانااو فهاد المرحلة 

الطريقة باش هاد المقاطعة اتساالا هي واحد الراجل اتجييه النفس على صحابو لي بقااو بالجوع و غاادي يمشي عند صااحبوا يقوليه رااه هاادشي ماشي معقول و كداا، شي تيااكل و عاايش مزياان و شي تيموت بالجوع و غادي يجاوبوا صاحبوا ااه مااشي معقول و لكن انا ويااك ماعدناا مانديروا، غا 2 بيينا مانقدوا نديروا والو و قالييه نشوفوا حدا خور و جمعوا ثاالت و راابع و لخاامس بالليل و فالصبااح جمعوا النااس و عبروا  بلي هادشي ضد القيم ديال قريش

ابو جهل اعترض و قاليهوم خاصها تبقى و لكن دوك ل 5 رفضواا  و قالك راه خاصها تحيد و ديد السااعة نااس نحازوا ليهوم و تحيداات ديك ساعة ديك المقاطعة و رجعات الأمور لكيف كانت من قبل 

من بعد 3 سنين ديال المقاطعة لي دازت صعبة على المسلمين، ايجي واحد العام لي قاسي على الرسول بالضبط ( عام الحزن ) غدا نهضرو علاش تسمى بهاد السمية و شنو وقع فييه