عيد مباارك سعيد يدخل عليكوم بالصحة و السلامة ان شاء الله

فهااد الشهر هذاا هضرنا على مجموعة من الأحكام الفقهية المتعلقة بأركان الإسلام و ختمناها لباارح بالحديث على موضوع الزواج و الطلاق. 

و هاادشي لي شاركتوا معاكوم فهاد الشهر كان ملخص بسيط، و مزاال بإمكانكوم تعمقوا كثر فموضوع الفقه. و أي واحد بغا يتعمق فهاد المجال، ايخصوا بعض المعارف. 

صو فهاد لبوسط غادي نهضروا على شنو خاصك تعرف و تدير يلا بغيتي هاد الرحلة ديال طلب العلم ماتسااليش. 

1️⃣أول حااجة هي خااصك الرغبة تكون قوية حيت هاد المجال متشعب بزااف، و يلا كنتي قريتي معايا لبوسطات ديال رمضان كامل، غاادي تكون عندك الرغبة قوية إن شاء الله. 

2️⃣الإلمام باللغة العربية: باش تفهم القرٱن و كتب الفقه، خااصك تكون عاارف اللغة العربية مزياان، صوو حااول تطور هاد النقطة عندك. حيت بزااف ديال النااس عندهوم إشكال فاللغة، بسطت هادشي بالداارجة، و لكن كتب الفقه جميعها غاادي تكون باللغة العربية. 

3️⃣معرفة المصطلحات الشرعية الأكثر شيوعا

كااين مصطلحات فالفقه لي تتعاود بزااف و خاصك تفهمها حيت هي الأساس، أنعطي عليها هنا أمثلة:

🔵الأحكام الخمسة: أي حااجة فالشرع تيكون عندها واحد من هاد الأحكام الخمسة على الأقل ولا بخمسة بيهوم على الأكثر، و هوما: ( الواجب، المستحب، المباح، المكروه، الحرام)

🔵مصادر التشريع: يلا بغيتي تعرف واش لحاجة حلال ولا حرام تيخصك تقلب فهاد مصادر التشريع ( القرٱن، السنة، القياس، الإجماع). 

شاارح هاد المصطلحات فقهية مهمة بتفسير أكثر فهاد 2 بوسطات 👇

مصطلحات أساسية مهم تعرفها فالفقه - Grow B'dariija (growbdarija.com)

باش تنعرفوا لحاجة واش حلال ولا حراام ؟ - Grow B'dariija (growbdarija.com)

4️⃣شيوخ لي تبع 

النبي صلى الله عليه و سلم قال:« سيأتِي على الناسِ سنواتٌ خدّاعاتٌ؛ يُصدَّقُ فيها الكاذِبُ، ويُكذَّبُ فيها الصادِقُ، ويُؤتَمَنُ فيها الخائِنُ، ويخَوَّنُ فيها الأمينُ، وينطِقُ فيها الرُّويْبِضَةُ . قِيلَ : وما الرُّويْبِضةُ ؟ قال : الرجُلُ التّافِهُ يتَكلَّمُ في أمرِ العامةِ». 

و فوقتنا الحاالي كااين بزااف ديال التافهين و أشخاص لي تيدعيو أنهم علماء و تيضلوا عن سبيل الله. لا حاجة، لذكرهم. 

لي غاادي نذكر هوما الشيوخ المفضلين عندي: 

🔵ذاكر نايك ( بالخصوص فالإلحاد و الشبهات)

🔵إبن عثيمين

🔵إبن باز

🔵صالح بن فوزان 

🔵عثمان الخميس 

🔵سعيد الكملي

🔵الددو محمد حسن 

5️⃣موااقع لي تستعين بيها

فااش كنت تنكتب هاد لبوسطات، كان المرجع ديالي الأول هو كتاب "الملخص الفقهي" ديال 'صالح بن فوزان'. 

و لكن كنت تنستعن بهاد المواقع تا هوما: 👇👇

https://www.dorar.net/

https://quran.ksu.edu.sa/tafseer/tabary/sura1-aya1.html

https://www.islamweb.net/ar/

https://binbaz.org.sa/

https://binothaimeen.net/site

https://islamqa.info/ar

https://ar.islamway.net/

6️⃣كتب للمبتدئين

بالنسبة للي بغاا يطلب العلم الشرعي كااين هاد الكتب اينفعوه 👇👇

🔴"المنهج المفيد في السيرة النبوية والتاريخ الإسلامي" للشيخ صالح الفوزان.

🔴"منهج السالكين وتوضيح المسالك" لابن القيم الجوزية.

🔴"التوجيه الميسر في علوم الدين" للشيخ عبد الرحمن السعدي.

🔴"منهج السنة في نشر الدعوة إلى الله" للشيخ محمد بن إبراهيم الحمد.

🔴"التذكرة السنية في الآداب الشرعية" للشيخ محمد بن صالح العثيمين.

🔴تفسير الجلالين للإمامين السيوطي و المحلي ( شروحات القرٱن)

🔴الموطأ للإمام مالك (الحديث)

🔴الرحيق المختوم للشيخ صفي الرحمن المباركفوري ( السيرة النبوية)

🔴الفصحى الواضحة للشيخ عبد الرحمن الفوزان ( اللغة العربية) 

🔴المذهب المالكي للإمام مالك ( الفقه )

🔴زاد المعاد لإبن القيم ( السيرة و غيرها )

🔴مناهل العرفان للزرقاني ( علوم القرٱن) 

🔴الأربعين نووية ( علم رواية الحديث ) 

🔴تفسير الجلالين ( تفسير شرح مفردات القرٱن)

🔴مقدمة إبن الجوزي ( علم التجويد) 

🔴مختصر الأخضري ( الفقه المالكي)

7️⃣خدمات على لواتسااب

من ضمن الامور لي عاونوني نتفقه شويا فالدين، هوما خدمات فالواتساب. أشخاص تياخدوا من وقتهوم و تيسيفطوا ليك العلم الشرعي كل نهار على مواضيع مختلفة. هاادو الأرقام ديالهوم 

⚪خدمة الرسائل الدعوية : 

+965 558 66823

⚪السلاسل العلمية: 

+966 55 317 8173

⚪تقوى الله: 

+965 9099 0848

⚪خدمة إبن باز و الألباني

+965 9949 8659.

⚪قناة الغنيمان

+966 53 544 4958

🔴قيد الارقام عندك فطيلي و سيفط ليهوم كلمة "اشتراك" و غاادي يبداو يسيفطو ليكوم معلومات فالدين كل نهار. 

صوو، نتمنى أن هادشي يكون نفعكوم - هاد لبوسط ديال ليوما و حتى لبوسطات لي نشرت طيلة شهر رمضان - و عرفوكوم بالدين ديالكوم و قربوكوم لله تعالى. 

و يلاا نفعوكوم، خلييو شي دعيوة ديال الخير. مااشي ضروري تكتبها ولا تقولها لييا، و لكن غي فقلبك 😄 داايزة. 

و نتلاقااو رمضاان المقبل فسلسلة أخرى. 

لي بغى يقرا هاد لبوسطات لي نشرت ف رمضان فبلاصة وحدة، يدخل هنا ويحمل كتاب "الفقه بالدارجة" 👇🏻👇🏻

https://drive.google.com/fiqh_bdarija

إنتهى بقلم أيوب الهرشال

غفر الله له، و لوالديه، و لجميع المسلمين. 😊❤️